(أنثى في فم ذئب )الجزء ١٠ للكاتبة ياسمين العزي
يمامه...انت شدا تحجي باوعت عمر واكف بالباب وعيونه
يطلع منه نار
اتقرب عمر شديصير هنا
مهند...جيت ابارك لابنت عمي بيه شي
عمر...لا مابيه شي هوه انت مكانك يم النسوان
مهند...راح احترمك انت اكبر مني
يمامه...حسيت ضيعت حتى الكلام مشه عمر جان يكول
يمامه تعالي
صعد وصعدت وراه امشي واقرأ آيات اول مافتحت الباب
جرني من ايدي وكف كدامي
عمر...هذا الي سمعته شنو
يمامه...بس دموعي تنزل وساكته
عمر...احجي شنو يحبج وشنو ينتظرج تتطلكين
ولج طول عمرج تبقين على ذمتي انسي اكو طلاك انسي
واكف وياج بكل صلافه وينطيج وعود وانتي
ساكته لو ماعاجبج الكلام جان رزلتيه
يمامه...عمر انت دخلت ومالحكت احجي شي والله
عمر...يمامه مدا اصدكج ساعه تغلطين بسمه
ساعه واكف وياج وينطيج وعود
لج فهميني شنو انتي
يمامه...اني مظلومه والله مظلومه بس محد يصدكني
اني بحلك ذيب بس محد دا يساعدني
ياناس تعبت
عمر...يمامه هواي دا اشوف اشياء متعجبني ودا اسكت
لان عندي امل تطلع برائتج
بس اليوم واكف يمج ويحجيلج شنو راح يسوي وانتي ساكته صعب بعد اصدك
يمامه...اتعصبت حيل وحسيت نفسي بركان وانفجر
لا تصدك وان شاء الله عمرك ماتصدك ليش مهند مو ابن
عمك اكيد ماراح تختلف تتهموني بشرفي وانتو الي اخذتو شرفي انتو نفس الحقاره
ماحسيت غير راشدي على وجهي اله وكعني
عمر...ولج بعد كل هذا اني اطلع حقير
يمامه...دموعي ترست عيوني ونزلت اركض
عثرت باول درجه وكعت راسي بطرف الدرج حسيت روحي دخت وراسي صار حار بعد ماشفت شي
غير فتحت عيوني على ضو بعيوني بالمستشفى
وعمر واكف يمي وعمتي وعمي
عمر...هااا يمامه تسمعيني
ام عمر...روح صيح الدكتور شبيك واكف
يمامه لزمت راسي واحس بوجع مو طبيعي وابجي من الوجع
ام عمر...لا تلزمين راسمج مخيط
يمامه...شنو الي صار عمه
ام عمر...وكعتي من الدرج وغركتي بدمج راسج انشك
وخيطوه
يمامه...نزلت دموعي اتقرب مني عمي خلص بنتي لا تبجين هسه يجي الدكتور ينطيج مسكن
اجه الدكتور هاا يمامه شنو يوجعج
دكتور راسي ألم مو طبيعي
الدكتور اي طبعآ الضربه قويه هسه انطيج مسكن وان شاء الله تصيرين زينه
ابو عمر... محتاجين شي اني اروح
عمر...لا بس يمه انتي روحي وياه الصبح الولد عدهم دوام
اني ابقه
ام عمر..لا شلون يصير
عمر...لا يمه يصير احنه بغرفه خاصه انتي روحي واني ابقه
يمامه...همه يحجون واني غفيت كعدت ماعرف شوكت
عمر كاعد على كرسي يمي ولازم اديه
احس جمسي حار نار اوديه بارده بدون وعي الزم ابديه
حتى احس ابروده هوه حس عليه
عمر...هاا يمامه شبيج
يمامه...ماعرف جسمي حار واديك بارده
عمر...هسه اصيح احد يجي يشوفج
يمامه...لا ميحتاج ابقى يمي
عمر...يمامه اني اسف بسببي هيج صار
يمامه...اني اسفه غلطت وياك وانت مالك ذنب
عمر..والله يمامه اني دايخ ومليت من التفكير
كلشي عكس ولا دا افهم الصح وين
يمامه...عمر اتمنى تصدكني والله اني مظلومه والله اني مقهوره اني سرقو حياتي
يعني دا تشوفني سعيده دراستي راحت فستان العرس
الي كل بنت تحلم بيه اني كانو لبست كفن مو فستان
زوجوني لان حسبوني عار حتى ينسترون
اني ضايعه وماعرف وين اروح ماعندي احد لا اهل ولا اي شي
عمر...اسسسس اني يمج
يمامه...وين عمر وين وكل ماتسمع شي تصدكهم قبل ماتسمعني عمر بس اوكف وياي وساعدني نكشف مهند
عمر...خلص وعد من اليوم اني وياج
وان شاء الله ينكشف الحق ماتدرين شكد خفت عليج لا يصيرلج شي
يمامه...ليش
عمر...هاا يعني لان اني السبب
يمامه...سكتت اخذتني نومه واديه بين اديه الصبح اجه
الدكتور كال اليوم احسن من البارحه وتكدرين اتروحين
للبيت بس لازم ترتاحين
اخذنه العلاج ورجعنه
عمر...لحظه لا تنزلين
يمامه...ماشي اجه فتحلي الباب وسندني صرت بحظنه
حسيت احساس ماعرفه شنو بس احساس حلو
الحد الان احساسي اتجاه عمر ماعرفه شنو
فتحت الباب
ام عمر...ها يولي صرتي زينه
يمامه...اي عمه صرت احسن اووو اسفه ام عمر
ام عمر...ههههههه دفوتي
يمامه...هاي شبيه عمر بقى ساكت صعدنه فوك عمر خله مخده جوه راسي
عمر...وهاي بسببج اليوم ماداومت
يمامه..اني اسفه
عمر...ههههههه ماصار شي اروح اسبح اني انتي ارتاحي
يمامه...ماشي غفيت وراسي فد مره يوجعني
حسيت على عمر يكعدني كومي اكلي جبت الج كباب
بعد شتردين
يمامه...والله راسي يوجعني وماشتهي
عمر...لا حتى تصير بيج قوه البارحه هواي نزفتي اكلي
يمامه..اكلت شويه وكتله بعد ماكدر
عمر...اني صديقي بالباب شويه وارجع
يمامه...ماشي اخذ راحتك طلع واني افكر اني حيل غبيه
حتى عن نفسي ماعرف ادافع واذا حجيت انوب الوصه زايد قاطعت افكاري ام عمر
كعدي جبتلج عصير برتقال حتى تتقوين
يمامه...شكرآ تعبتج
ام عمر...ماسويت شي اكعدي اشربي خطيه حتى هيه شربتني بس ماعرف ليش مرات تصير قاسيه
كامت تريد تطلع
يمامه.. ام عمر
ام عمر...هاا محتاجه شي
يمامه...والقرآن اني مظلومه
ام عمر...الله كريم هسه مو وقته ارتاحي
يمامه.. راحت ام عمر يارب تسهل امري جسمي حار فد مره وعركانه
دخل عمر
هاا بشري شلون صرتي
يمامه...زينه بس ماعرف شبيه احس جسمي نار
عمر...تردين اديه
يمامه...فشلت كعد يمي ولزم اديه بارده مثل الثلج ابتسمت
وهوه ظحك
عمر...ليش اشوفج مثل الطفله
يمامه...مشكور جان يظحك من كلبه ولج مو قصدي هيج
والله من شفته شلون ظحك بقيت صافنه عليه
خله ايده على راسي
اي ولج راسج حار
يمامه...سكتت ماحجيت شي حسيت روحي فشلت
اشو هذا بدون كلام مدد يمي وجرني
لحظنه
يمامه...عمر هاي وين
عمر...اششش نامي
يمامه...خجلت حيل ومامصدكه نفسي معقوله عمر يحن عليه وحس اني بريئه
عطره ذوبني نسيت حتى وجعي نسيته صرت بغير عالم
يمكن هذا الحب ويمكن اني من زمان احبه وماحس بنفسي
صحيت الصبح عليه وهوه يبوسني بخدي.....اتبع
#ياسمين العزي
أنت تقرأ
أنثى في فم ذئب
General Fictionانثى تتعرض للأغتصاب من اقرب الناس لها ياتره من يصدقها لتعاني ماتعاني احزان قصة حقيقه #
