اصبحت فطومة يومين ما بتتكلم مع خالد ابداً . اكلها خفيف وكلامهاا نادر ، حتى اهلها واهل خالد لاحظو ليهاا وخالد كان مغطي على الموضوع وبقول ليهم انو متشاكلين شوية وهي عنيده ، بعد كم يوم فطومة كانت طالعه من الحمام وسمعت خالد بتكلم بالتليفون .
كان بتونس مع وحده بصوت واطي وسمعتو بتكلم عن الحب والعشق ما مسكت نفسهاا وطوااالي طلعت ف وشو وهو قفل الخط ، فطومة : كنتا بتتكلم مع منو ؟ خااالد : م شغلك ، فطومة : كيف م شغلي ؟ شغلي شنو يعني فهمني شنو شغلي؟ اغسل واطبخ ونظف و بالليل أ..أ ..أ ، سكتت كداا ورجعت كملت كلامهاا : فهمني شنو شغلي ، خالد : يعني انا ما بعرف اهلك مزوجنك و م مفهمنك شي عن الزواج كيف داا ، لدرجة انو م مفهمنك انو عادي الرجال ممكن يتكلم مع بنات م مصيبه يعني ، فطومة : لا معليش خالد ، انا فاهمة كل شي ، حتى الشي ال اخدتو غصب عني فاهمهو ، بس لا اهلي ولا المجتمع ولا الدين ولا شي فهمني انو الزواج بكون بس لي غرض ذي داا ، وانو حتى لو غصب عني ، خالد : لا م كدا هو الزواج م لي
الهدف دا اكيد ، فطومة : انا ما بقيت م فاهمة شي لكن ، جد ما فاهمة ، الله ينعن ابو الزواج الله لا يسامح ال زوجني ؟ هجم عليها خالد : وهوي لسانك بقصو ، بتدعي على ابوكي وابوي مش كدا ؟ بتدعي عليهم بكل وقاحة م انتي ال وافقتي حالك على العرس دا ؟ هسي عاوزين نكزب ع بعض ع اساس ، ما بتعرف مسؤولياتك وشنو هو الزواج ؟ مفكرة اني احملك على راسي ودور بيك ، رنيم خافت منو ونزلت دمعتها : م كدا بس انا بتعب انا ما كنت بشتغل شغل البيت بي نفسي ولا كنت بطبخ كل يوم عند امي وما بعرف اطبخ كل شي بس قبل ما اتجوز امي علمتي كم طبخه انا ما بعرف اعمل شي ، و انت ما عاوزني ، ما بتحبني و بتتكلم مع اشكال الوان ، ما بعرف اعمل شي والله ما بعرف تعبت عاوزه ارجع على بيت اهلي خليني امشي ، خالد خلاهااا مشا منهاا : خلاص انا ما ح اجبرك على شي طيب ، بس انا ما مجبور اتحمل طفولتك هنا ، عاوز منك كل يوم تنزلي لعند امي ف البيت وخليها تعلمك اي حاجة عاوزهاا ، انا او اي رجال تاني ف الدنيا ما ح يكون عاوز غير كداا ، فطومة : طيب .. ماشي .. ح اتعلم
فاتت فطومة على غرفتها وقعدت تبكي وتتكلم مع نفسهاا : ياريت لو كان اكبر همي انو اكتب الواجب للأستاذة ولا اشاكل مع صحبتي هدى ، ياريت لو لي هسي كان بقدر امشي ف الحي ، العب واضحك .
كدا مشا حال فطومة يوم عن يوم تحاول تتوعى اكتر ، بالنظافة والترتيب وكيف لازم تقوم وكيف بتقدم الضيافة وكيف بتضحك بأدب وكيف بتتكلم م زوجهاا وكيف وكيف وكيف ، وقواعد كتير م لي عمرها وقوانين جديدة فوق طاقتها ، لوقت ما اصبحت علاقتها م خالد مستقرة ، بس بدون حب او شغف بينهم .
يتبع....
