من نهل الانوار المحمديه(ج١)
جدول المحتويات

    أنت تقرأ

    من نهل الانوار المحمديه(ج١)

    Poesia

    ابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات

    #القلوب #تحرق #عبرات

    رجوع السبي

    59 4 2 
                                        
    
                                              
    بين الطف وبين الشام
    مشينه بوليت ضلام
    جينه وجبنه الروس ويانه
    وشعملت بينه الايام
    بين الطف وبين الشام
    ٠٠٠٠٠٠٠٠٠٠٠٠٠٠٠٠٠٠٠٠٠
    زينب وصلت للطف تنعه
    اخوته واوفى الاصحاب
    منه اعله الخد سال المدمع
    وبلوعه الدلال انصاب
    مابين الاه وبين الهم
    تتعثر بت داحي الباب
    اهوت من ناكته الحره
    تهيل اعله الراس تراب
    تريد خوته بحركته
    جابت وياه الايتام
    ٠٠٠٠٠٠٠٠٠٠٠٠٠٠٠٠٠٠٠
    يحسين يحزون براسك 
    وعيوني تشوف الذباح
    ردت اشكف عنك ضربوني
    غابت روحي من الارواح
    اترجه ومابيهم نخوه
    لن راسك بيد السفاح
    كمت اصرخ وانته ادرى بحالي 
    اعذر لو عليت صياح
    قلبي تفسر بشوف المنحر 
    تمنيت الموقف احلام
    ٠٠٠٠٠٠٠٠٠٠٠٠٠٠٠٠٠٠
    نادت ليهم جتكم زينب 
    تشهك والمدمع همال 
    كومو تلكو اطفال وخدر 
    ياخوتي ونعم الابطال
    واكعد يحسين وياك انه
    اشكيلك يبن امي الحال
    واحجيلك لمن يسرونه
    ماراعو حرمه العيال 
    شتمو بينه ومقيدينه
    ماجنهم دخلو اسلام
    ٠٠٠٠٠٠٠٠٠٠٠٠٠٠٠٠
    حفرو لحد حسين ونادت 
    خلوني اتوادع وياه
    مسحت عن الشيب ترابه
    وبفجعه تقبل عيناه
    ودعتك ربي يالغالي
    ياخذ ثارك من اعداه
    ملعونه الدنيه الغداره
    ماضل منه بس الاه
    دارت بينه وتراوينه
    بفراكك سود الايام 
    بين الطف وبين الشام
    ٠٠٠٠٠٠٠٠٠٠٠٠٠
    كصدت للشاطي بيا حاله 
    وبيا عين تريد تشوف 
    صاحت يا سجاد اسندني
    ورد ليه قلبي الملهوف
    ضيعت الجود اعلى الشاطي
    وعين وطبره واغلى جفوف
    يم الماي الجافل ينهض 
    الوفاي بوعد معروف 
    سهم بعينه ودم جبينه
    حقك خويه وماتنلام
    بين الطف وبين الشام
    ٠٠٠٠٠٠٠٠٠٠٠٠٠
    للخادمه ام عباس الخفاجي
    من نهل الانوار المحمديه(ج١)حيث تعيش القصص. اكتشف الآن