غلطه عمري من حبيت

الجزء ١١ بدايه الغرام

فتت الغرفته وكان لاف المنشفه على خصره اني خجلت ودنكت رت اطلع التافي اشوي اخذ ملابس وخلي اخذ  ودخل بدل بلحمام وطلع اني صافنه كتله اسفه عباليك خلصت
ابتسم لا عادي اصلا هاي غرفتج وانشاء الله  بعد كم سنه تنوريها دوم يحجي واني وره الباب
مفهمت شيقصد
صاحني فوتي كملت
اويللللللللي ربي رحمتك ارحمني من يمك هاي شطالعه حجيتها واني مصدوم
انتبهتله لابس الدشداشه الاختاريتها اله بلون فستاني طالعه تخبل عليه يمكن اول مره انتبهله بتركيز طفرت عليه لزمته من جتفه يييييياي حمزه طالع تخبل والله احلى من ذيج ألجديده لايكتلك حيل اني فرحانه واباوعله بفخر احسن نفسي عبالك مسويه انجاز
انتبهتله بس صافن
حمزه شبيك دا اكلك طالع حلو
بلعت ريك هو اني الحلو لو انتي من اشتعلت كردستان كله وين اضمج
ورد صدك حلوه هسه بيبي تقلد علي مثل الحنه فشلتني
وج ياتقلد بس هي غير تخاف يطكوج بعين  احجي واني مفهي عليها اجر بلحجايه جر صدك سطرتني مناه الشعر مغطيها والجتف طالع والرجلين طالعات وبارز بياضهن بلتركوازي ما احسيت على نفسي اله واني جارها وشفتي على شفتها اوويلي شنومن  طعم ما اعرف شوصفه
طرت فوك الغيم ايد ضامها لصدري وايد بشعرها انتهيت من اشتنشقت انفاسها
ماحسيت على نفسي اله لومن اني منتهي واصل مرحله ماتنحجي
وخرت من شفتها منزله اديها وصافنه تنضرلي نضرات ما عرفت افسرها
استغراب على عتب على خوف ماوعتني على نفسي اله هاي النضرات
المهم تلافيت الموضوع كتلها ورد اني اشكرج لان كلتي نلبس فرد لون اني اشكرج يا احلى صديقه
شبيج ورد انتي مو صديقتي ترى عادي ابوسج
ورد اعرف بتركيا عادي بس اهناه ما اتصور احد يقبل
اشكد احتقرت نفسي بذيج اللحضه علواه نازل و مخليها ولاهل نضرات
كتلها وردايتي اني وانتي اصدقاء واخوان ليش محد يقبل واحنه واحد وغرفتنه وحده وضحكتلها وثلاجتنه وحده
باوعتلي مبتسمه برتباك زين لعد بعد لاتعيدها اتصور هلشي عيب لان بابا واخواني وخوالي وعمامي يبوسوني بس مو مثلك اشبيك اذيتني
ربي موتني وخلصني ولاهلعذاب كتلها نزلي بس لتكولين لاتجيبين طاري لاحد مالها داعي احنه اصدقاء وبينه اسرار 
هزت راسها ونزلت تمددت على السرير وسرحت بعالمي المبيه بس هي اتخيل بوستها وطعم شفايفها السطرني سطر اروح بغير عالم كوه فززني صوت الموبايل سعد يدك
لك وينك حمزه تعال للقاعه بدت الحفله انت وين شدا اسوي
اووف يسعد شسوي غير غركان بلعسل حجيت بكلبي
هاا لاسعودي مسافه الطريق انجب عصير على دشداشتي الجديده ورجعت غيرتها
ههههههه صدك حيل بيك من اكلك لاتلبسها هسه اتكسد علينه كلنه مايفيد بيك يلله تعال بسرعه
حمزه سديته منه ونزلت الامه مكلوبه بلصاله ادور عليها ماكو اريد انطيها المفتاح ماشفتها سلمت على عماتي مصافح وتبوس  والبقيه سلام  من بعيد سألت هبه عليها كالت هسه اشوفها فززني صوت ضي بنت عمتي اتكول بس لاهاي الزعطوطه ماخذه عقلك
خزتها لاتدخلين شي ميخصج اني اعرف هاي رايدتني وحتى من يجوون علينه اكثر من مره تطب بغرفتي وتلزك بنفسها
اجت ورد وضي تخزر بيها كلت ها صديقي كلها اتفاجأت من لبسنه ما اهتميت بعد احسن خل يعرفون هاي تخصني
حجت رايد مني شي بابا يصيحني دا يوصلنه لبيت العرايس ويطلع للقاعه
كتلها بهمس مفتاح غرفتي تحتاجيه اخلي الج خاف تحتاجين شي لان احنه اهواي نتأخر
كلت خليلياه فوك الثلاجه اني اخذه لو رجعت اباوعلها بمدي اخليها بنص كلبي عن العيون الاكلتها اكل
ورد امشي واسمعهم وكعت حمزه وحمزه المغرور هاي غركته ما اهتميت طلعت لبابا وصعدنه رحنه على اهل العروس حفله بلقاعه بس نسوان صارت حلوه  وبيبي كل اشوي مرزله ماما
امل / ادري ياحجيه مو كلهن لابسات دلع وكصير شوفي البنات والمتزوجات شمعنى ورد وحتى هي اصغرهن
بيبي / شمالج يعوبه قابل هن مثلها تضوي دشوفيها جنها ليره ذهب اخاف عليها اليشوفها ايكول عمرها فوك الخمس طعش سنه مربربه وتلالي ادري جان تممتي ثوبها مخليته تك وتك ردن ماما ضاجت
اختي نرجس غمزت لماما شاورتها وضحكن
ونسدت السالفه حنم العرايس وخلصت الحفله ساعه ١٢ بليل
اشو رجعم كملم الحفله بلبيت ديجي صوته كولش عالي سطرني اتذكرت المفتاح باوعت للساعه وحده وثلث شاورت ماما اني رايحه انام فوك
فتحت الغرفه نزعت حذائي ونمت بفستاني وللحكايه بقيه
💜💜💜💜لاتنسوون التصويت كلبوشاتي 💜💜💜💜