بعرفكم على البطله وعايلتها والباقي بعرف عليهم وقت ظهورهم عشان م يتراكم عليكم وتنلحسون والشخصيات مو كثيره ..
أول شيء .
أبو سُلطان : رجال له هيبته ومكانته بالمجتمع حكيم وهادي واذا عصب يصير شخص ثاني .. ملامحه تدل على الهيبه والوقار ملامح حاده ورزينه ووسيمه 51 ..
ام سلطان : انسانه لطيفه وحنونه وحساسه مره وتحب عيالها ولا ترضى عليهم ملامحها طفوليه وكيوت وكأنها اصغر من عمرها الي هو 48 ..
.
عيالهم ..
سلطان : نسخه من أبوه طباعاً وشكلاً هادي وما يتكلم كثير بس عصبي واسلوبه حاد عيونه عسليه حاده وحواجبه حاده ورموشه طويله خشمه سلة سيف وشفايفه حاده شعره اسود وكثيف ..طويل وعنده عضلات ببطنه31..
تُركي : انسان بارد واخر احلامك تستفزه ، هادي وانطوائي وماعليه من أحد .. عيونه نواعس زي أمه ورموشه كثيفه مره لدرجة تحسب عيونه مكحله حواجبه كثيفه مره ومرسومه سلة سيف وشعره أسود كثيف طويل ومعضل شوي28..
محمد : هادي الطبع السائد ف العايله وبارد شوي ودايم يعقد حواجبه عيونه حاده وتجنن زي اخوانه وشعره ناعم وكثيف يحب الدراسه هي اهم شيء عنده وجاد مره .. 22 سنة طويل..
تـــرف : بطلتنا الجميله البارده الهاديه المستفزه الي ماعليها من أحد والناس دايماً اخر همها تكره تجامل اسلوبها شوي حاد ومزاجيه لا روقت يوم.. تنقلب فله وبس تبتسم .. ذكيه وتحفظ بسرعه .. متعددة المواهب . تطبخ ترسم تخيط تكتب خواطر وتحب الرياضه بعد .. اسلوبها الحاد ونظرتها القويه تخلي محد يقرب منها .. وصديقاتها قليل .. تشبه تركي مره عيونها ناعسه ورموشها كثيفه وطويله ومكحله خلقه حواجبها رفيعه شوي وعريضه شوي كثيفه ومرسومه ومحدده من الله خشمها سلة سيف وشفايفها ورديه ومليانه شوي وبشكل حلو عندها غمازات بالخد لما تبتسم تطلع جنااان وعندها بالذقن بعد شعرها لين اخر ظهرها أسود فحم وناعم جسمها يجنن متكامله وحلو وطولها مناسب لعمرها 165 .. وعمرها 17 وبتصك ال 18 .. رايحة ثالث ثانوي
فيصل : واحد همه اخوياه والفله يحب يعيش حياته ويتونس في كل مرحله فيها يكره البيت وقعدته فرفوش وهادي ومايزعل بسرعه .. ملامحه تجنن ويشبه اخوانه غير انه اسمر شوي بسبب الهيته وشعره لين رقبته وناعم ويحب يلبس كابات طوييل مره بطول اخوانه الكبار ونحيف.. 16 رايح ثاني ثانوي
سيف : العنقود والشقي والعدواني الي مايخلي أحد بحاله .. صفات الصغار الطبيعيه .. عقله أكبر من عمره .. وشكله يجنن . يكره البنات يبوسنه ويلمسونه لدرجة يعطيهم كف مرات ويكفخهم ويفتخر برجولته على صغر سنه .. 11 ..
