بكلبي اكول اتعوذي مني باوعتلي
انت صديقي بس ترى من اجيت اهناه دا اتصير الي شغلات غريبه
بس انت وحدك تعرف ما اكول لماما لان دائما تكولي انتي فاهيه ومو شد دائما اتوكعين نفسج بمشاكل الها اول مالها تالي فأسكت احسن دمعت وسكتت
اخذتها لحضني بس هل مره حضنتها حضن خالي من الشهوه والرغبه لان حسيتها محتاجه لهذا الشي ضميتها قوي حاولت انزع منه كل خوف وقلق بقينه مده عشر دقايق حاضنها بس صوت نفسي ونفسها بعدت عني وتشكرت مني
ورد / حمزه شراح تلبس اليوم
اتفاجأه بسؤالها يربي صدك طفله بكلشي تتقشمر
ابتسمت من عادتنه بلحنه زي عربي وبلزفه نلبس بدله رسمي بس من نرجع من الزفه عادي نلبس دشداشه لان احنه معازيب تعرفين عشى وضيافه لازم نتحرك براحه اباوعلها صافنه
ها ورد سالمين شو صافنه
ورد بضحكه زين شنو اللون التلبسه
البدله اسود والقميص رصاصي ليش
ها حرامات مو اني نفنوفي اصفر
ضحكت يعني شترديني البس قاط اصفر
ورد لا بس عبالي يعني شي مقارب
زين شنو رائيج البس قميص اصفر مع العلم ما احب هذا اللون بس لخاطرج
صدوك شكرا شكرا وحضتني بلله قبل اشوي حضنتها عادي ليش هسه شعلت سابع جد عبالك اني بانزين وهي نار راسا اوج بعدت
ورد حمزاوي وين القميص خل اشوفه
طلعته الها شوفي بعده بلجيس مالته جاني هديه ومالبسته
باوعتله وصفنت
لا حمزه هذا خردلي واني الاصفر مالتي ليموني
حمزه والحل
يلله عادي بخيبه امل حجيتها
اسألج سؤال ليش تريدين نلبس فد لون
ورد اكولك ومتضوج
لا ما اضوج كولي
لان انت صديقي وكولش احبك اريد اني وياك نتميز بلون واحد نطلع مميزين
هي حجت هيج عبالك الهوى انكطع فجاءه بقيت صافن عليها اباوعلها من فوك لي جوه بمدي الزمها اضمها بنص صدري
كملت كلامها موصح نطلع عبالك اخوه ططططططنننن
حسيت جنت بسابع سمى ونلطخت بسابع كاع
اي هم اني احبج وامممممممموت عليج زين شعندج بعد الوان
مفهمت شتقصد
اقصد شجايبه انوب فساتين وياج صفنت مخليه اصبعها بحلكها وتباوع للسكف حركتها دمرتني والرموش الطاخات بلحواجب امممم
جايبه فستان احمر وانت خو متلبس احمر
اي مو عايزه تلبسين احمر عود هاي تخبلتي حجيتها بكلبي
وعندي نفنوف جويتي كولش حلو وعندي كومه بس مجبت وياي كم واحد
اكولج حجيتها واني متوجه للكنتور عندي بدله جويتي شوفيها نفس اللون
طلعتها باوعتلها
ياييي نفس الون ضبط هسه تطلع تخبل مميز
تحجي وياي ولازمه وجهي بأديها اديها ناعمه ودافيه ذوبتني خليت ادي فوك اديها وضغطت حيييل على وجهي عبالك اريدها تطبع اثر بوجهي كتلها مو تدللين اني شكم ورد عندي
وعيت على اتصال جدي
الووووو وينك يمكموع الدنيه مكلوبه وذبح وتحضير وانت جنك دجاجه كاركه على بيضاتها ماتحرك من كنها شعندك كارك بحجرتك كل ما اسأل عنك وكالولي فوك
مارديت ضحكت شفايتلي ابقه طول العمر بحجرتي عمي قابل اصير دجاجه عود اكرك براحتي 😂😂😂😂نهيت الاتصال
من جدي باوعتلي وضحكت اني اسفه اهواي عطلتك اعتذرت نزلت انه بقيت مثل المسودن نوب اضحك نوب اضوج نوب اريد اسبح وووووو هاي شبيه نزلت عل سريع لكيت جدي معصب مني لان الشباب كلها محزمه وواكفه واني مختفي صح احنه انجيب طباخين بس لازم نوكف ونشتغل من باب التقدير
اي حمزه صح النوم شعندك مختفي وتدري اليوم الوادم تطبك علينه
حمزه اوووف والله لو تدري ابلوتي شلاعبه بيه حجيت بكلبي بس جن جدي فهمني
مو كلنه الابنيه بعدها صغيره انتضر واستجن عيب هلحركات ابوها خطارنه لاتسود وجوهنه
صفنت ادري هذا شمدريه بضيم كلبي
لا جدي شجاب هل سالفه بس تدري عندي شغلات كضيتها بلتلفون
مارد جدي علي خزرني بس وره خزرته ابتسامه مخفيه ودار وجه وراح اني هلمخلوق احبه لان يعرف المقابل شيحس
تشمرت وبلشنه صبم الغده اتغدينه بسرعه وفتنه الي يبدل صارت الساعه ب٣ العصر بلشت الهوسه بدلت كملت ردت من هبه شغله عساني لاصحت هبه ولاشفت هبه ولافتحت هلباب على نفسي والله لو رايح لبغداد ارحملي من هلشوفه الشفتها
ورد نزلت من حمزه فتحت الثلاجه اكلت خياره وجزر اكلت وصعدت كلت يادوب اكمل غسلت ونشفت شعري وبلشت اسرح بيه
صاحوني على الغده مانزلت جابتلي ماما لفه جبرتني اكلها لان تكول العشى يتأخر وتجوعين كملت شعري ولبست نفنوفي ماما عارضت لان على كولتها فاضح نفنوفي لون جويتي اقماشه عباره عن بولك بدون ردن وبدون اكتاف مجرد مطاط من يم الصدر تلقائيا يثبت لحد فوك الركبه ماما اتخبلت
وج بنتي هسه يشهروج هذا كولش فاضح باعيله مابيه شبريين ومن اتدنكين مخازي حتى شعرج اطول منه
عفيه ماما حبابه فدوه فدوه فدووووووه
بلكوه اقتنعت البسه بلبيت ومن نطلع للزفه البس بوليره عد ليزا
ماما برمت اطراف شعري وسوتلي بف نازك وطشتلي لمع طلع شعري واوو ليزا رادت تخلي الي حمره بس ماما رفضت اتكوول ماعايزه العالم تطكها بعين عاد ليزا خلتلي وردي لخدودي وملمع
ماما ماهاينلهالبسي نزلت ماما باوعت ملابسه اكلاده طلعت كلاده نازكه حاولت البسها مكدرت رحت لغرفه هبه فتت ادور الها دا اطلع صار بوجهي حمزه يبووه طالع يخبل الجويتي اهواي لايكله
حمزه يهل مصيبه الوكعت على راسي اويلي على هلبسه هاي كون الزمها اخليها تون ونين الطالع من جسمها اكثر من المضموم عباره عن قطعه ثلج لا الثلج اسمر عباره عن اكلوب اقتصادي وتلالي هاي شبيه تخبلت ياكلوب عمي كمر ونوب احلى الشعر وحده كارثه اجتوفه طالعه دمارات جسمها مبينه من بياضها
اجت سريع عفيه حمزه حباب لبسني هبه ماكو احتمال جوه الكوافيره تنصب بلبنات بغرفه الكعده اتقربت رفعت شعري بحذر عفيه لبسني
حمزه تحجي حرام اذا انتبهت شتريد رفعت شعرها بركبتها من روه شامه سوده متت عليها انطتني كلاده الستوعبته اتريدني البسها لبستها اشو هاي اندارت وباستني بخدي شكرا بس انت دائما تنقذني اهناه اني فقدت حضنتها كتلها شطالعه تخبلين الجوبتي لايك نزلت ونزلت وراي اليشوفنه عبالك متفقين ننزل سوه العالم الي بلصاله كلها انتبهت على الدرج بلحنه نفس الون وبلعرس هم نفس الون هاي ابد مو صدفه
💜💜💜💜حبايبي تصويتكم لان هلشي حافز الي 💜💜💜💜💜💜💜💜💜💜💜💜💜💜💜💜💜💜💜💜
تصبحون على ماتمنوون
أنت تقرأ
غلطه عمري من حبيت
Romansaتتحدث القصه بين جيلين وبين عده طوائف من طوائف مجتمعنا العراقي وتكاتف العراقيين منذ عقود هذا الشي راح يكون لبدايه الروايه للتتوضح الفكره الرئيسيه وللتحدث عن قصه بطلتنه ورد
