تَعثرتُ بعينيكِ فسقطَ قلبي💔

🌷جانت اكو بنيه اسمها فاطمه وجيرانهم اسمه محمد،
فاطمه ومحمد من همه صغار صارو أصدقاء وضحكو ولعبو وعاشو احلى ايام ولما كبرو حبو بعض اعترف محمد بهذه الحب ودز امه تخطبها ل فاطمه بس اهلها ماوافقو على محمد لعدة أسباب هي جانت تحبه وتغار عليه وبعد عدة محاولات للخطبه وماوافقو اهلها گطع الأمل محمد وراح خطب وبيوم الخطوبه عزم حبيبته فاطمه واهلها على الخطوبه وراحت هي واهلها وضلت تباوع عليه من بعيد وتبتسم كدام الناس بس عينها تلمع من الدمع كالت لازم اصير قويه وماابين گدام الناس اني مقهوره وضلت ساكته لحد ما وصلو مرحلة تلبيس الحلق محمد باوع عليها من بعيد ودمعة عينه فاطمه ماتحملت هل نظره ونزلت دموعها واخذت اهلها وطلعت ظلت طول الطريق تبچي ومرت الايام وكامت كل ماتطلع تشوفه لمحمد ويه خطيبته وحالتها النفسيه تدمرت ونعزلت عن الناس وحتى هملت دراستها وكل يوم تصعد بالسطح تبچي وحدها حتى محد يشوفها ومحمد هو واهله شالو من هل منطقه وانقطعت أخبارهم ومرت السنين واجوها خطابه وجانت ماتقبل تتزوج لحد مااجه واحد والله هداها وقبلت بي وبدت تحبه لأنه هو يحبها كلش ويخاف عليها وحنين ومهتم بيها وتزوجت وعاشت وحبته لزوجها بس ظل بذاكرتها محمد وره سنين طويله صدفه جانت طالعه والتقت بي بالشارع وظلو اثنينهم واحد صافن بوجه الثاني لاهي مصدكه ولاهو مصدك هو كبران وشكله تعبان وهي هم كبرت كالها انتي مو فاطمه هي ماجاوبت من الصدمه سئلها مره ثانيه يله جاوبته كالت اي اني فاطمه كلها لو تدرين هاي حياتي شكد عانيت بيها من قهر وشكد جنت مأيس من شوفتج وماجنت متوقع بيوم التقي بيج وهي نفس الكلام كالت اني ماجنت متوقعه التقي بيك بيوم وكالتله اني تزوجت وعشت وحبيت زوجي بس كل فتره اتذكرك واتذكر ايامنه من جنه صغار ومن كبرنه،
محمد كلها اني حياتي موزينه وزوجتي مأذيتني ومامتفاهمين اني وياها تعبتني ودمرت نفسيتي بتصرفاتها،،
وضلو اثنينهم عيونهم تدمع ويتحسرون على بعض وهو كلها اشكد جنت ضايج من نفسي وحياتي بس من شفتج هل يوم احلى شي صار بحياتي وهل يوم احلى يوم بعمري احس نفسي طاير...
بالأخير كالتله هاي هيه بعد الحياة تغيرت ومايفيد الندم ولا راح يتغير الواقع  الله يريح بالك ويسعدك وهو نفس الكلام كالها الله يسعدج بحياتج وتفرحين بكل لحظه
و واحد ودع الثاني وكلمن راح بطريقه بس كل واحد اخذ گلب الثاني وياه وظلت حسراتهم بگلبهم وعيونهم تدمع
بس بعد شيفيد الندم...

أتمنى هل قصه عجبتكم
وأحب اسمع أرائكم ولو بكلمه وحده راح تفرحني❤️

🍃أزَل🍃