غلطه عمري من حبيت

الجزء الرابع عشر

نزلنه وكل الي بلصاله يباوعون بلحنه نفس اللون وبلعرس نفس اللون ابد هاي مو صدفه فرحت من العالم كلها انتبهت علينه هو هذا المطلوب اريد الكل تعرف هاي تخصني الي وبس التفتت عليها وحجيت عمدا وياها بهمس يلله روحي ذيج امج واخواتج اني طالع ضحكت وراحت اتوجهت لجدتي وعماتي وخالاتي واستلمني خوش لمه ليش معرست وياهم ودوخه سلمت  على جدتي بس جن ماعجبها الوضع نضرتلي نضره بمكر همست بأذني
ها يحمزه هاي الجاهله التنتضره تكبر صح احبها بس تضل مو من ثوبنه دحج حواليك واختار كل هلبنوات فاكات عيونهن عليك وحدتهن اتكول للكمر كوم واني اكعد بمجانك
لا حبوبه اني اريد الكمر نفسه ضحكت ومشيت اسمعها تدردم
اوووووووف يحبوبه هو العشك بيدي مو ماصارلي جم يوم انعل سلفه سلفايه لاليلي ليل ولانهاري نهار عايش ومو عايش طلعت بره ولد عمامي وولد عم ابوي مجتمعين بلحديقه وصوت الغنى واصل لاخر الدنيه اجه سعد ورأفت وكفم يمي
رأفت ادري انت راح تخبلني بلحنه اشترينه دشاديش ومالبستها وبلعرس اشترينه بدلات وهم مالابسه ادري اذا ماتلبسهن عليمن اشتريتهن
ضحكت وماجاوبت تدنه سعد مني وحجه ودوخني بحجايته
ترى حمزاوي ندري ليش اتغير نسوانه تسولف بلزي الموحد المسوينه البارحه والضاهر هم اليوم اكو لعبه هههههههه
ضحكت لهل درجه انه مفضوح
سألت على جدي كالولي وي الكبايريه بلديوان فتت سلمت
وصلت جدي دابوسه من راسه لاحضته معصب مني
خير جدي شصاير
ماصاير سلامتك بس انت كاعد بلبيت وولد عمك ياخذوهم للحلاق ماتروح وياهم ليش مو ذول بمقام اخوتك ماحجيت لان حقه اني زودتها حيل بس شسوي مو بلوه وحلت على راسي طلعت حاولت اصلح غلطي اني والولد علكناها هوسات وجوبي وبلشنه نتحضر للزفه وصلم ولد عمي طالعين هيبه تلكيناهم بلهوسات والرمي علكناها اباوع لجدي يدحكنه ومبتسم كال جدي خل النسوان اتحضر وتستر تا تمشي الزفه كلمه جدي صحتني هاي بلله شون تطلع وهي تقريبا مالابسه شي كمت اللوب اريد افوت جوه جدي واكف ادحك لباب ايدي على كلبي خاف تطلع وامه لا اله الاالله مكلوبه اباوع ابوها واخوها واكفين ادري تحركو ليش تخلون عرضكم اتباوعه الاوادم ولايمهم واكفين هم وجعفر وكرار وكل اشوي العرسان بايسين رجل امهم الضاهر يحبونه ويحترمونه ابوها اجاه اتصال ندس ابنه ومشى الضاهر طلعم اني روحي لايبه اريد امشي وراهم وافكس عين كلمن يدحكلها بس مكدر اريد اكول  يابه هاي الي لحد يباوع بس ماترهم اذا هي تخلي حتى الجماد يحس بيها طلعت هواي نسوان حسيت سعد يندسني شبيك حمزه اكلت النسوان اكل بعيونك هسه جدي يشوفك ويكلبها علينه
اوووف يسعد اني بحال النسوان بحال جدي مو هسه تطلع واني شصخم وشكول
ورد حصلت رزاله معدله من ماما لان نزلت وي حمزه من فوك ليزا اتكوللها متقصد وماما مستمره ترزل اعرف بيها على الفستان معصبه صدك انقهرت اجم اخوتي من الحلاق وفاتم اشوي عماتهم علكنها هوسات وبيبيتهم تهوس وتبجي صدوك قهرتني اخوتي شافوني ضايجه
كرار شبيها اميرتنه
كرار ماما بس ترزل عليك الله شبيه فستاني
كرار لج يافستان هو اصلا وين الفستان لو ملابسه احسن ههههه
ادخل جعفر لالتحجون على اميرتنه بعدها ازغيره خلوها براحتها
ماما كلتلهم هو شطلع عينها غيركم انو وبيبيتها تقصد ام بابا
اسمع النسوان هاي التكول مصلخه وهاي اتكول ماتشوفين خبلته للولد واله هو مايعاين على بناتنه احلى منها
وحده اتكول يا بناتنه احلى ددحكي عليها تكول شحم
اسمع وبوقتها مافهمت شي من حجيهن
ماما وبيبي كادن الولد ديطلعون التفتتلي ماما ورد لاتنسين الصايه وويه اختج ابقي تحجي بنتر
اخذت الصايه لبستها اجتني فيت لان ليزا كولش ناعمه
لبستها طلعت شعري منها  بيها لزك من فوك لجوه لزكتها ليزا وطلعنه نمشي علمود بابا ياخذنه لبيت العرايس
😍😍😍😍😍😍😍😍😍😍😍😍😍😍
حمزه اني اشب واطفه وايدي على كلبي البنات التفوت والتطلع تباوعلي لو تسلم لو تسأل على شي ادري يحاولن يتقربلي بس اني الكلب قفلته عليها وضيعت مفتاحه طلعم الولد علكت الدنيه رمي وهوسات وهورنات واني اعاين الها اي يربي رحمتك بس اشو من قربت يربي شهل بلوه صح لابسه صايه سوده بس شو طالعه تشعل الصايه دلع والركبه والصدر مرمر ولحد الركبه مامدكمه والرجلين يلالن والشعر مطلعته من الصايه مغطيها يربي الولد فهم واحدهم تسودن اني عبالك انتلت ركضت على الولد هاشباب جاهزين كرار انت تنزف بسيارتي دزيتها من الصبح زينوها وجعفر بسياره رأفت اباوعلها تنتضر ابوها واكفه ولامه تتفرج عليها صحت لامها عمه اهناه تعالو كلت لاعمه هيانه ابو ديار ياخذنه لج عمه لاتشلعين كلبي حجيتها بداخلي عمه صعدي عمي كوران شغلته طويله سيارته اله تفض السيارات كلها تا يطلع يلله وياي صاحت عمار انطته خبر وطلعت كرار بلصدر  وياي كتلها صيحي البنات مارضت  اتكول وي ابوهن يرحن
عمه العفو بس الدنيه مكلوبه شباب صيحيهن شغلتهن ترى اطول بلكوه اقتنعت وصعدت بس مبينه ضايجه حبيبتي
يبووووه من صعدت اخذت نفس عبالك جنت اقاتل مشينه وصلنه بيت عمي هسه هم تنزل نزل كرار صاحه جدي ووصل جعفر لزمهم جدي فوتهم لبيت انه انداريتلها بقت بلسياره اختها الضاهر نازله رحتلها
ها وردتي شبيها ضايجه
اشو انفجرت تبجي بحركه
ماما كل اشوي مرزلتني نوب فستانج فاضح نوب لبسي صايه و ليش نزلتي من فوك وي حمزه نوب شمعنى نفس اللون كولش ضوجتني من اجيت للدنيه ملتهيه بأخواني واني لا اله اروح اعيش بأربيل يم دايه زهره وبعد ما ارجع
اوف تبجي ومحروك كلبها والعيون صار لونهن خرافي اباوعلها لوحه ومرسومه رسم
كتلها اهدي وهسه متنزلين كلت لا
الله ارتاحيت راح تبقه بسيارتي
كملت كلامها عندك رقم عمار خل يقرب سيارته وياخذني دنحجي وشافت عمار صحتله كتله استلم اختك دمعت اعيونها وهي تباوعله اخذها ونزل راحت كعدت بلسياره
وعيت على نفسي خل اتلاحك نفسي فتت للبيت عمي يبوه هوسه وركص ماتسمع رفيجك شيكول ضحكت على نفسي جني وحده جايتهاخطابه اريد اعرض مهاراتي
تقدمت وي الولد انهوس ومحتفلين بس اريد ارضي جدي كامم العرسان وكفت هوستلهم اشوي لان انه معروف بعايلتنه اكتب هوسات ومحترف بلالقاء اباوع جدي راضي علي من طيب خاطر
طلعنه فترينه اشوي كنوع من الاشهار عدنه
رجعنه لبيتنه هذا جان مقترح جدي  ان تكمل الوليمه ابيتنه وره العشى كلمن ياخذ مرته لبيته طول الوكت ماشفتها بس بالي يمها ادورها بلوجوه رجعنه للبيت اتلكتني ضي شونك حمزه
هلو ضي شونج
الحمد لله اشو ماكو جنك وكعت ومحد سمه عليك
خزرتها شتقصدين
شقصد اقصد الي العالم تحجي بيه كلها اتكول حمزه الثكيل وكعته زعطوطه وحتى مو من ثوبنه كرديه مصلخه وتمشي
صدك فورت دمي جريتها من ايدها لطختها بلحايط
قسما بلله اذا حجيتي انوب على ورد اله اطيح حضج انتي وكلمن اتجيب طاريها شنو هلحجي ويكون بعلمج انتي بلذات لو تضلين اخر وحده بلدنيه مافكر بيج لانج وحده خبيثه شفتها طكتها بجيه عفتها وصعدت ابدل
اتلكتني امي وهبه سألني شبيك كتلعن ماكو شي
اسمع امي اتكول لهبه عود صيحي امها عليها تشوفها ليش تبجي
هبه اتكولها لان امها كالتلها البسي صايه ترى امها ماتلام بيها
الفتهمته على ورد يحجن بورد
انتضرتهن ينزلن ورحت لغرفه هبه فتحت الباب لكيتها كاعده ومخليه راسها بين رجليها
اتقربت منها
ورد شبيج شكو
رفعت راسها عيونها مليانه دموع كمزت راسا حضنتني
وللحكايه بقيه 💕💕انتضر دعمكم حبايبي لاتنسون ضغطو النجمه وارسلو تعليقاتكم فديتكم 💕💕💕💕💕😘