احتواء أنثى

البارت الثالث

البارت الثالث

#احتواء_انثى

امجد جان عبارة عن سعاده بحياتي من بعد امي جان يعاملني بحب ويحترمني وابد ماتجاوز وياي رغم هو خطيبي جان يخاف عليه

الحجاب صرت ماالبسه كدامه لان ماما كالت خطيبج وعقد سيد ماكو داعي للحجاب عادي هسة

وفعلا ارتاحيت وياه ويوصيني على كلشي ومااخالف وجان هواي ينطيني نصائح

ومايخنكني بالبيت😂 بالعكس يطلعني ومغركني بالهدايا والملابس افرح من اشوفه قريب مني ومهتم

مواصفات امجد...بشرة حنطيه عيون سود طويل وبنيته مناسبه لطوله عنده سكسوكه ...مايربي لحيه🙂

اغلب الي شافنه بالخطوبه يكولون انتي احلى حتى خالتي الي هي امه تكول انتي احلى....بس مااهتم للشكل يكفي انو هو رجال ويحترمني

.............

امجد_حبيبي اليوم نروح للسوك اني وياج حتى تشترين ملابس

_موافقه

طلعنه للسوك وجان لازم ايدي ابد مايعوفني واذا يشوف هوسه ينتظر تخف يله نفوت ومايقبل افوت من جهة الولد يخليني بالمقدمه ويخلي ايديه على اجتافي ويفوتني واني احترمه بالزايد وافرح واتعلق بيه فعلا رجال

رجعنه بعد مااشترة الي ملابس وجان ذوقه كلش حلو

_ها يمه اجيتوا

_اي ماما خل اشوفج ششتريت كعدنه اني وامجد وامي واراويها الملابس ونضحك ونشاقه وامجد يباوعلي ويضحك لو يغمزلي واني اموت من الخجل

حياتي حلوة تغيرت بعد ماشفت الاذيه بطفولتي خلصت منها ولكيت الي يحميني ويدافع عني

دائما اني وامجد نذكر يوم الخطوبه ونضحك على مستحانه وشلون نرتبك ومن وكعت الحلقه سواها سالفه يذكرني بيها

واخاف انزع الحلقه ابقيها باصبعي رغم اتضايق لان تأذي اصبعي بس ابقيها لان مايقبل يكلي اذا تحبيني بقيها وهو هم نفس الشي

نجحت ورحت للصف الخامس ادبي وبدايه الدوام قرب داومت والحمد لله اموري تمام ونفس الوضع امجد يقريني ويريدني انجح

_اوف شوكت يجي اليوم الي اشوفج متخرجه وازوجج

_تمر السنين بسرعه مادام احنه سوة

_والله احبج

_واني هم احبك ..قرب مني وحضني ارتباك وخوف....خوف اخسرة

مرت سنه كامله على خطوبتنه وحبنه يزيد ماينقص بس امي جانت تذبل كدام عيوني واشوفها تتعب رغم هي مو جبيرة بالعمر وجنت اقلق عليها وماتقبل نأخذها للمستشفى

_ماما خل نشوف شبيج والله شكلج تعبان

_لا حبيبتي مااريد خليني بالبيت مرتاحه

_ماما والله اقلق خليني ارتاح واطمن

_ولج مابيه شي بس تعب

امي مانست اخوي ابد لان جانت تنتظرة وجانت تتحمل ابوي لخاطري ولخاطر اخوي

تكول حتى يجي ابن وهو الي ننسند عليه واربيكم ويصير الج اخو من بعدي حزام ظهرج وانتي اخته مثل امه اصيرين

بس كل هذا ماصار وهي تعبت صح خلصت من عذاب ابوي بس مانست ابنها

ضليت ابجي على حال امي اخاف افقدها....تقرب امجد وحجه وياي

امجد:حياتي لاتخافين مابيها شي بس هي حقها مو قليل الي شافته

_مااتحمل اشوفها هيج والله اتأذة هي الوحيده الي بقت الي

_شنو هالحجي اني موجود وامي وبعدين خالتي مابيها شي لاتخافين هي موجوده بحياتج لا تخافين

تقرب مني حظني وباسني بخدي رفعت راسي اله

_انت متعشي

_ههههه لا بعدني

_اسويلك

_اي والله ياريت من ايديج الحلوة

_ادلل كم امجد عندي

_عوزه عندج غيري اخنكج

_هههههه

ضليت بقلق والي هو امي خايفه عليها رغم ماهي تعبانه بس ماتخليني التهي بيها تكلي روحي اقري ادرسي شهادتج احسن وتصيح امجد يقريني وهو هم ينصحني ويوافق كلام امي

التهيت بالخامس واقرة اله وخلصت ٩ شهور الدوام ونجحت من الخامس ومرت سنتين على خطوبي بأمجد واتعلق بيه اكثر واكثر

اما امي سنه كامله تعبانه وحالتها تصير اسواء واني اخاف وابجي بغرفتي على حالتها واخذناها للمستشفى كالوا حاله نفسيه

وبيوم الي ياريت ماكعدت منه ولا شفت هاليوم

كعدت على صراخ خالتي وتصيح على امي

ركضت الها لكيناها واكعه تخربطت شلناها مابيها نفس

واني ابجي وامجد احتار بين امي وبين يهديني رحت وياه للمستشفى كالوا جلطه بس عدت ديروا بالكم عليها مرة ثانيه خطرة اصير لا سامح الله

رجعت وخايفه شلون اذا اصير بيها جلطه ثانيه مااريد اعوفها اريدها تبقى وياي

امي ضلت تقهر بروحها وتمثل كدامي فرحانه بس وراي تقهر بروحها واضل تبجي وتون

ضليت يمها ودائما انام بحظنها وابوس بيها مااكدر اعوفها احبها وهي امي من بين الكل الوحيده الي تفهمني

بعد اسبوع امي تخربطت بس جانت اسواء من الي قبلها عرفنه صارت بيها جلطه ثانيه

من شفت حالتها تخربطت ماتحملت عرفت راح افقدها

امجد اخذنه اثنينه للمستشفى كعدت وراسي احسه ثكيل وعيوني تغوش

اول كلمه نطقتها ماما اباوع امجد يبجي وخالتي تنوح واني استغربت امي ماكو .....وين امي...

❤❤❤❤❤
بارت عنون🌚
اسفه على التأخير بس نت مقطوع

#امونشا
#باندا
رأيكم❤
صوتوا☻

#احتواء_انثى