ဝတ္ထုတို စုစည်းမှု

သေသပ်​လှပ​သော အမှန်​တရားတစ်​ခု

သေသပ်​လှပ​သော အမှန်​တရားတစ်​ခု
- - - - - - - - - - - - - - - - - - - - - - - - - - - - - - - -
သူ ဖုန်းဆက်လာတဲ့အချိန်မှာ ကျွန်မ အင်းလျားကန်ဘောင်ဘေးကို ရောက်လို့နေပါပြီ။

“အင်း… မောင်လေး… ချယ်မလာနိုင်တော့ဘူးကွာ။ ဆောရီးနော်… ချယ့်အန်တီတစ်ယောက် မန္တလေးကနေ ဒီမနက်ပဲ ရောက်လာတာနဲ့ သူနဲ့အတူ ညစာထွက်စားရမယ်လို့ ကြပ်နေတယ်ကွာ။ ချယ် အခုမှ ကပ်ပြီး ပြောရတာ အရမ်းအားနာပါတယ်”

“………”

“အင်းပါ…။ နောက်တစ်ခါဆို ချယ့်တာဝန် ထားပါနော်။ ချယ် ဒကာခံပါ့မယ်။ အိုကေတယ်နော်…”

ကျွန်မပြုံးရင်း ကတိပေးလိုက်ပါသည်။ ပေါ့ပေါ့ပါးပါးပါပဲ။ တကယ့်ကို ပေါ့ပေါ့ပါးပါး ပြောနိုင်ခဲ့ပါတယ်။ ပေါ့ပေါ့ပါးပါး လိမ်ညာနိုင်ခဲ့တယ်ဆို ပိုမှန်မယ် ထင်တယ်။ ဘဝမှာ တစ်ခါမှ ဒီလောက် ပီပီပြင်ပြင် မညာခဲ့ဖူးတာကို တွေးရင်းနဲ့ ထပ်တစ်ခါ ပြုံးမိပြန်ပါတယ်။ ပြီးတော့… ကျွန်မ ဖြစ်မလာနိုင်တဲ့ ကိစ္စတစ်ခုကို ကတိပေးမိလျက်သား ဖြစ်နေပြန်သည်။ တကယ်ဆို “ပျော်ရွှင်စရာ ညလေးဖြစ်ပါစေနော်”ဆိုပြီး စကားအလှလေးနဲ့ အဆုံးသတ်လိုက်သင့်သား။

အမှန်အတိုင်း ပြောရရင် ကျွန်မ တကယ့်ကို စိတ်ထဲမှာ ဘာခံစားချက်မှ မရှိတော့ပါ။ အရင်လိုစိတ်နဲ့ဆို အော်ငိုမိမလား။ ဒါမှမဟုတ် စိတ်ပေါက်ပေါက်နဲ့ ရန်တွေ့မိမလား။ ဒါမှမဟုတ်… ဒါမှမဟုတ် ကိုယ့်ကိုယ်ကို နာကျင်အောင် လုပ်မိမှာလား။ မဟုတ်သေးပါဘူး… တွေးရင်းကပင် ကိုယ့်ကိုယ်ကို ရယ်ချင်လာပြန်သည်။ အော်… အရင်က တော်တော် မရင့်ကျက်ခဲ့တဲ့ ငါပါလားနော်… တကယ်ဆို ဘယ်သူ့ကိုမှ ဘာအတွက်နဲ့မှ အငြိုးထားစရာမှ မရှိတာ။ ကိုယ်က လူတစ်ယောက်ကို နှစ်နှစ်ကာကာ ချစ်မြတ်နိုးတယ်ဆိုတာ ကိုယ့်အတွက် အဲဒီသူက ပြီးပြည့်စုံနေလို့ပဲပေါ့။ ဒါပေမဲ့ အဲဒီလူအတွက်တော့ ကိုယ်က ပြီးပြည့်စုံတဲ့သူ ဖြစ်ချင်မှဖြစ်မယ်လေ။ အဲ… အဲဒီလူက သူ့အတွက် ပြီးပြည့်စုံတဲ့ နောက်ထပ်တစ်ယောက်ကို ချစ်မှာပဲ။ ဒါဟာ ထုံးစံပဲ။ အရှင်းကြီး။ အတ္တမကြီးဖို့ပဲ လိုမယ်လို့ ထင်တာပဲ။ တော်ပါပြီ… မစဉ်းစားချင်တော့ဘူး။ နားထောင်လက်စ Adele ရဲ့ Someone Like You သီချင်းကို ပြန်နားထောင်မိသည်။