احتواء أنثى

البارت العاشر

البارت العاشر

#احتواء_انثى

درت وجهي باوعت عليه عاقد حاجبه وماعاجبه الوضع عافنه وصعد فوك

رجعت ثاني اسبوع هم مااشوفه ونفس نظامي

اجت عدنه بنت مختار المزوجه اسمها مريم من سولفت الها العلويه على مشاكلنه اني وسراج صعدت الي دكت الباب

_منو

_اني مريم

_هلو شلونج تفضلي

_الحمد لله وانتي

_الحمد لله

_حبيبي متيم فدوة لخدوده

_لا لا تعبين بدودي اني لجال ...مو سح اوزه

_ههههه ياعيني رجال خوش تعلميه

_ههههه وهو عاجبه دور رجال

_حلوين انتي وياه مثل الام وابنها بس ناقص اب

_ابوه موجود

_ادري موجود بس مو قريب منج

_شلون يعني

_يعني تقربي منه حتى تنجمعون ماشايفه عمو بعيد عن ابنه لان مايكدر يتقرب وانتي موجوده وانتي هم نفس الشي

احسن حل تتقربون حتى تنجمعون

_اني مااريد اتقرب

_عاجبج هذا وضعج مزوجه بس بالاسم

_اي عاجبني المهم بعيده عن اذيه ابوي

_هذا الشي غلط اذا عمي صعب طبعه وحاد لازم انتي تلينين على الاقل

_وليش

_حتى تقربين منه وتشوفين شنو الي يحتاجه وتبادلين حب بينكم

_بس اني مااحبه ومااريد احبه حتى اتقرب منه

_الحب يجي اول وتالي يجي بس لازم تتقربون مثلا اني ازوجت جنت مااحبه لزوجي بس من تقربت وهو تقرب حبني وحبيته وشوفي هسة مااكدر اعوفه لحظه وهو نفس الحال

_بس اني مانسيت خطيبي امجد ولا ريحانه احس خاينتهم

_حرام تكولين هيج هاي قسمتكم وزواج شرعه الله

ماكو احد خنتيه وبعدين انتي مزوجه شلون تفكرين بأمجد حرام هالشي

مو تكولين اعرف ومتعلمه فلازم تبتعدين عن التفكير بأمجد وماكو اي خيانه امجد ماجان قسمتج والله كاتب هذا الشي يصير ....الله يرحمه

وبعدين ريحانه صح رادت تزوجكم بس مو هيج بعيدين رادتكم تتقربون لان تعرفج متأذيه وتعرف عمو سراج راح يتأذة من بعدها

_مااعرف دايخه اني

_لج على شنو دايخه والله عمو سراج يجنن بس تقربي منه يحطج بعيونه ويحبج ويدللج لج هو حتى شكله حلو وطول وهيبه وشخصيه ماتكدرين تنكرين هالشي