غلطه عمري من حبيت

احتويني صغيرتي

ورد اخذني عمار من سياره حمزه ونفجرت بجي
عمار / لاتبجين وردتي تعرفين ماما تحبج بس تعرفيها عليها اهواي ضغوط مناه تتقيد لان اجت اهناه وتعرف الاغلبيه من نسوانهم متحبها وثانيا مأثر عليها زواج جعفر وكرار لان استقرم بعيد عنها صح متضهر بس صدكيني ماما دتحترك
يعني وره كل هلسنوات وتعبها وتعب بابا تاليهم رجعم لاهلهم مثل ميحجونه عن جدو صدك كلامه مردهم لاهلهم
لاتضوجين هسه المفروض نفرح زواج اخوانه
ورد والله عمار من البارحه ترزل بيه مو هاي نرجس وسما وليزا ليش بس علي  كولش خجلتني
يلله حبي مسحي دموعج طلعت الزفه يروحي 
ورد طول ماالزفه تمشي بشوارع البصره اني بالي مو يمهم وضايجه تالي نزلم يم المصور ياخذون صور ويرجعون لبيت الحجي
طلبت من عمار نرجع وفعلا عمار رجع قبلهم لان المصور كولش قريب علبيت الحجي رجعت كان اكو اشخاص بلحديقه كاعدين ونسوان تقريبا البيت متروس لان مو كلها راحت بلزفه فتت اتلكتني ام حمزه هايمه اجت الزفه اشرتلها براسي لا وفتت لزمتني شبيج يمه
اهناه انفجرت ابجي لا كولشي مابيه بس ماما رزلتني
لا ييمه على هلبسيطه الام ترزل وتضرب وتعلم وتحكم مايخالف يبنتي بعد امج والجنه تحت اقدامها
بس خاله والله كولشي ممسويه بس وياي شاده شفت الهورنات قربت صعدت بسرعه فوك فتت بغرفه هبه طكيت بجي
مر وقت واجت هبه
شبيج ورد شصاير احجي كون محد متعرضلج
ورد / ما اعرف ابجي ما اعرف اضحك دائما هبه مخليه اسوء الاحتمالات
لا مابيه شي بس راسي يوجعني اريد انام
لج عزه بعينج نوميش هذا اخوانج زواجهم اليوم عيب العالم شتحجي وشتكول بلله اختهم تبجي بعرسهم عود امها مرزلتها عيب انتي مره مو جاهله
فدوه اروحلج اريد انام تعبانه
ابراحتج نازله
هبه بنزلتي لاكتني امي سالت ماعرفتي شي  وتستفسر كتلها محجت الضاهر امها مرزلتها حجينه اشوي ونزلنه انصيحلها امها البيت انخبص لان الزفه هسه واصله نسينه السالفه
حمزه كمزت لحضني حضنتني حيل اباوع الها مصدوم الوجه احمر والشفايف ذبلانه ويابسه من البجي
خب العيون اوف يلعيون وحدهن عالم مغوركات ويلمعن خدر جسمي واني اباوعلها تقريبا كلشي مالابسه
امجلبه بملابسي حييييل وتشهك وتدردم على نفسها
ورد / حمزه ميحبوني والله ملتهين بلكبار و بأولادهم واني ضحيتهم محد يحبني بس دايه وخالو حتى جعفر وكرار ميحبوني هسه اتوقعتهم يصيحوني يم المصور بس محد ذكرني اني ولاعبالك موجوده تقبل حمزه هيج
مجلبه بقميصي وتبجي ادموعها عبالك تيزاب ويحركني وشهكاته سجاجين بكلبي
اش ورد شهل حجي تلكيهم مشغولين ومنتبهولج اصلا اني متعجب من كميه الجب الشايليها الج احسم ايحسوج نونو صغيرون
ههههه انت هيج اتحس صدك
والله هيج اشوفهم مو بس اني كل الناس هيج تشوفكم احجي وياها وهي ساكته وارتاحت العرفته ورد معوزه حنان اتريد اهتمام هاي النقطه الراح اشتغل عليها
رفعت راسها اباوعلها وهمست اني هم احبج اموووووووت عليج
واني احبك حمزاوي
هي كالت حجايتها حضنتها حيل حيل وابوس بشعرها فزت اكولك شي
كولي حجيتها همس
انت ويوسف ابن خاله اخلاص وسيف ابن خاله ليلى اموووووت عليكم لانكم حبابين كولش
باوعتلها ما ادري اضحك ما ادري ابجي شلون بيه ربي رحمتك
همستلها انتي تحبيني
جاوبت ابراءه اموت عليك غير انت اخويه وصديقي
وخرتها من حضني وتوجهت للباب
ورد غسلي  وجهج ونزلي عيب العالم شتكول
نزلت رحت للولد لكيتهم ديتحضرون يصبون العشى لاكاني رافت يحجي بعصبيه
حمزه لحاطر الله وينك جدي كل اشوي يسأل عليك ايكول وينه جايين جماعه اصدقاء ابوك ويريد يعرفك عليهم
هزيت راسي شغلت سيارتي داروح
رافت شبيك حمزه هسه جدي يتخبل
كله حمزه مات حمزه احترك كله اي شي ما اريد اضل هنا حركت ورحت نزلت على الجسر ادحك على المي هادئ وبداخلي احسده على هدؤه ليش اني هيج من دون الناس ربي ارحمني جاهله تتحكم بيه اتضحكني بكيفها وتبجيني بكيفها ما احس اله ودمعتي نزلت ودمعه تجر دمعه ما اعرف شكد مر من الوكت فزيت على رنه تلفوني ادحك جدي يتصل انطيته صامت مارديت وادري راح يزعل وزعله مر ماينجرع
رجع رن مره واثنين وتلاثه مارديت خابرت ابن عمتي بيته بلعشار كتله من ترجع من العرس دك علي اريد اروح وياك لبيتك خطيه فرح ورحب بيه بقيت كاعد حسيت احد كعد يمي التفتت واشوف شايب وجه متعوب كلش
شونك يابه
التفتتله مستغرب هلاحجي ؟؟؟؟؟
اني ابو ايوب اشوفك من المغرب انت هين وهسه نص الليل شنهو المخليك هيج ضايكه بيك الوسيعه
حمزه ،،،،،،،،،،،،،،
ابراحتك يبوي لاتحجي بس ترى محد يستاهل نغث نفسنه عليه هلتشوفني جدامك عمري راح فوك الخمسه الستين  لاحضيت بمره ولاحضيت بولد ولاتلد ضليت ضايع انام بصريفه ومن تطلع الشمس لحد ماتغرب اجي لهل جسر ادحك على المي واسرح بعالمي الاتخايلها بيه اوووووووف
حمزه /مني هاي
ابو ايوب وحده حبيتها ومادمت الي
ابو ايوب يحجي وعيونه مدمعه وشفته ترجف
وين راحت
اخذها المي يبويه
غركت مو
لا انتحرت
التفتله الله يرحمها
اشو اني حجيت وهو انتفض مفزوع لا لا لتكول الله يرحمها ماماتت لابد يوم تجي
حمزه كمت اركع بحجايتي شفته خاف وفزع
انشاء الله ترجع بس خلي املك بلله جبير
ابو ايوب /حبيتها من واحنه اصغار عمرها ١١ او ١٢ سنه  جنه نزرع ونطلع للحصاد سوه ومن تحدر الوادم من تغرب الشمس اخذها ونمشي بلبساتين اتغزل بيها واضيع بعيونها وانتضر يوم يوم يصير عمرها ١٥ سنه واخذها صارت ١٥ سنه ورحت خطبتها واهلها وافقم وكطعنه مهر سيد واني وهي طايرين من الفرحه وبيوم وليله طلعلها ابن عم نهى عليها هو جان ماموجود ومن جاي وسامع نهى عليها وكالولي طلكها ابن عمها اولى بيها اني كلت لو يذبحوني ما اطلك الحرمه حرمتي صارت ابن عمها شراني كلها تعرف بيه توعدلي الماطلكتها خلال اسبوع يكتلني اني ماسمعت وفعلا ماتعده الاسبوع وجيت من الكاع مااحس اله ٣زلم حاوطوني وكسروني اتكسر وهم ماطلكتها بقيت بوكتها بلفراش شهر لا اكدر اكوم ليش مابيوم سمعنى خبر انها غركت ماصدكت كلت اله اشوفها بعيني بس ماشفتها
حمزه/ يجوز ماماتت هم سوو فلم
اني هم هيج كلت
بس البنات الوياها اليملن من الشط كالن اجت ويانه تمله مي وجانت تبجي ومو على بعضها سألتها شمالج كايله لهن اذا اضل عايشه اكيد ايموتونه
مكملات ملي مي وشايفاته مجيته بلمي ايكولون وره ٣ ايام لكوها امطوفه بلصوب الثاني
انه ماصدك لجن ماشفتها بعيني صارلي ب٤٠ واكثر عايش على ذكراها مابلحضه نسيتها ابد
شدت الوادم وزوجوني من بنت عمي لاكدرت ادحك ابوجها
وره سنه خذتها وصار عندي ايوب بس هلشي مانساني كل يوم اكول انه عايش وتزوجت وخلفت وهي انحرمت هجرت كلش ملت بنت  عمي وطلبت الطلاك وطلكتها اهلي تبرم مني جي طلكت بنت عمي بنيتلي صريفه وعشت بيها وهذا اني جدامك ميت واني عايش شتكول يااكبر همي لو همك
حمزه لاحجي قصتك توجع كلش
اني هم حبيتلي وحده من بغداد عمرها ب١٢ سنه ماصارلي اسبوع من شفتها وجدي كال تكبر وخطبها الك محد معارض بس هي تعتبرني  اخوها المامت والكعدت اخوي اخوي
انتبهتله ضحك ضحكه الحزن البيها اكبر من الفرح
هيج قصتك وانت مهموم شنو المشكله هسه تكبر واخذها
حمزه /مو هي اتكلي اخوي واخوي
ابو ايوب / يبوي هاي بعدها جاهله واكيد مدلليها شتريدها اتكولك اي اريدك تهده بلله وانتضر لجن بنات بغداد يعيشوهن طفولتهن وزياده
عدنه بلعرب البنت من وهي صغيره يحشموها ويخلون بمسامعها سالفه الزواج والبيت والجهال بس تبلغ يزوجوها
وبيهن مو بالغات زوجوهن اصبر يبوك وربك مايخلي حمل مطروح رد البيتك وتعوذ من الشيطان واريد من تجي نوب جيبها اريد اشوف هلبت الاخذت كلبك وانت مبين ثجيل ومو مال هلخرابيط
ابتسمت انشاء الله عمي اودعناكم
طلعت للبيت وافكر صحيح هي مو مال هلسوالف بعدها زغيره واني اريدها تاخذني بحبي وحياتي اصبر واني مالي غير الصبر

😘😘😘😘😘😘😘😘😘😘😘😘😘😘
صباح الخير حبيباتي هذا بارت لعيونكم اسفه على التأخير بس تعرفون دوام والتزامات اليوم مداومت حبيت اعوضكم 😘😘😘😘😘😘😘😘😘😘😘😘😘😘😘😘😘😘
لاتنسون التصويت والتعليق على القصه والنجمه لاتنسوها احبكم كوووووومه 💕💕💕💕💕💕💕💕💕