في زمن العشق 💔

😰حماقة فيء ( الجزء الاخير )

فيء«: هممممممم... حلوو يعني هسه انته حاط عينک عليها

قاسم: ولچ احبها مو حاط عيني عليها

فيء: ادري اني كلت شيء غلط شو كله نفس المعنه 👊

قاسم: عابتلچ اليگلك ولد الله يساعدك يا همام لو مزوج صاحبك هم احسن الك

فيء: ايا حقير يعني هسه اني صرت ولد قويسسسسسم فورت دمي يا &%$#

ياسر (ابو فيء) : هاي شكو شصاير فيء شنو هل الفاض منو علمچ عليهن 😡😡😡😡

فيء: يعني منو هوه انه طالعه ماشيه شايفه احد احد شايفني همه جويسم وقويسم اكبر مدرسه متنقله يالالفاض السز

جاسم: اا يال&%$# اني شدخلني

ياسر: جااااسم 😡😡

جاسم: ها بويه 😰😓😣

ياسر: ووجعا حتى وجعا گوم اغسل السياره يلله گوم😡

قاسم: 😂😂😂

ياسر: وانته گوم يلله اريدك تنضف الحديقه الگدام كلها وترش الزرع بدل هالضحك

قاسم: تامر بويه 😣😥

جاسم: عليه وعلى اعدائي 😂😂

گمت امشي بهدوء ع مود اروح اشرد وما يصخرني ويگلي سوي فلان شيء😅
مشيت خطوه خطوتين بهدوء و

ياسر: فيون بابا روحي ساعدي امچ اغسلي مكانها ملابس وخليها تروح تسوي الغده ع مود نخلص من وكت

فيء: ايي بابا بس اني عندي اليوم امتحان

ياسر: اهاا همزين گلتيلي ع مود اغير رمز الشبكه لان ادري بيچ تلتهين بالمبايل ومتقرين وانوب من ترسبين اتذبين الصوچ بصديقاتچ ....(بابا عود يقلدني 😒😒 ) ياا چا غير فلانه دزتلي رساله عيب فشله ما ارد عليها ...وياااا چا غير علانه لزگت بيه ما خلتني اقرا عدل

فيء: بابا بس اني ما احچي هيچ اني....

قاطعني بابا: ادري شلون تحچين بس لو تقرين لو تساعدين امچ 😤😤

فيء: اوك اوك اروح اقرا

رحت لغرفتي طلعت الجنطه وحضرت الجدول لان اليوم دوامنا ضهري المهم رحت جبت الموبايل ورحت لجاسم بالختله شفته يغسل بالسياره گلت خل اسوي بي مقلب