الحلقه الاولي نوفيلا
#وقعت في حبك
في احد المستشفيات الخاصه وبالتحديد في غرفه بها سرير واحد ينام عليها شاب في السادسه والعشرون من عمره
لتتدخل الي الغرفه شابه قصيره جدا تبدو كالاطفال تحاول لبس البالطو
الفتاه بغضب: يوه بالطو غبي صحيح
ينظر لها الشاب باستغراب
الشاب: انتي مين
نظرت له بعد ان ارتدت البالطو وشمرت الكم وطلعت من جيب البالطو مرأه ونظرت الي نفسها والي عيونها الخضراء وشعرها البني الطويل وعدلت شعرها
الشابه بغرور : عسوله يا انا
زاد استغراب الشاب منها لتضع هي المرأه في جيبها
الشابه : انته يا اخ
الشاب: اخ
الشابه : هات ايدك خلصني
الشاب : وعايزه ايدي ليه يا بنوته هي امك سايبكي تدخلي الاوض كده عادي افرضي حد خطفك
الشابه بغضب: ماتحترم نفسك بقا شايفني صغيره ولا ايه
الشاب بذهول : هو انتي مش عيله
الشابه بغضب : انا عيله انته مش شايفني لبسه بالطوا وسماعه
الشاب بسخريه: ما انتي بقصرك ده اخرك ٦ ابتدائي متنفعيش دكتورة خالص حاجه متدخلش الدماغ اصلا
نفخت الشابه من غضبها
الشابه بمكر: طب هات ايدك عشان الحقنه يا ابو لسان ونص
الشاب بغيظ: اسمي عامر مش ابو لسان ونص
تكتم الشابه غيظها
الشابه : وانا اسمي منه مش عيله هات ايدك خلصني
عامر بغضب: ايه يا حاجه هو انا عروسه لعبه بتجربي فيه بقالك ساعه بتشكشكي ايه بتوجع
منه : انته الي مش قاعد حلو ومش قبض ايدك حلو
عامر بغيظ : انا ولا انتي الي مبتعرفيش تدي حقن
منه بغضب: وبعدين معاك بقا منا ادتهالك اهو اتخمد عشان اركبلك السيرون
تمسك منه السيرون
منه بحيرة : هو البتاع ده بيتركب اذاي؟
عامر: بيتركب اذاي؟ انتي متأكده انك دكتورة
منه : اومال تمرجي
عامر: انتي بلطجيه ولسانك طويل واوزعه مش شبه الدكاترة خالص
منه بغضب وشرشحه: انا بلطجيه يا بتاع انته بتلم لسانك يا خويه هو عشان سكتلك
عامر بغضب: انتي هتشرشحيلي وايه بتاع ده ليا اسم يا ام لسان ونص ومين ساكت لمين
