البارت 14
#احتواء_انثى
شوي وصاحني واول مرة يذكر اسمي
_روز....احم صعدي جيبي اللابتوب مالتي
_اي .....صعدت اجيب اللابتوب واني كلبي صار خرخاشه من كد مايدك لان ذكر اسمي....هيج اسمي حلو بلسانه .....
اخذت اللابتوب ونزلت اله
_اي جيبي .....اكو رابط....ردت زهراء
_اي عمو هسة ادزة الك
دزته اله على مبايله وهو نقله للابتوب
_وبحث الرابط ...طلع موقع وندور ماكو
ضلينه قلق
_مايطلع الرابط الاسبوع اليجي اخذجن للكليه وشوفن
_يا ننتظر اسبوع شنو هاي
ماطلعت النتائج بالنت مو الكل يعرضوهن بالنت مايصير لازم نروح يله نستلم
انتظرنه اسبوع ورحنه اخذنه سراج والطريق كله اباوع عليه ويلكفني وادنك
طبينه للكليه وهو دخل ويانه
رحنه للقسم وهو موجود يمشي كدامنه واحنه وراه ....وزهراء دلته على قسمنه
_منا قسمنه عمو طابق فوك
_يله امشن
صعدنه وهو ويانه طبينه كالوا فد ساعه يله تستلمون
سراج تكتف وانتجه على الحايط ورافع نظارة مخليها على راسه واحنه واكفات يمه زهراء بصفه واني بصف زهراء
شوي واجن بنات قسمنه يشاورن بيناتهن ويباوعن على سراج تقدمن وشاورن زهراء
_لج منو هذا الحلو
_عمي
_عمج ....هيج حلو عمج
_ترة مزوج وروز زوجته
_شنو لج روز هذا زوجج لو مازوجج جان نصبت عليه بس حرامات ....لج هنيالج هذا اشوفينه
ردت زهراء
_ولج عيب استحي لا يسمعج عمي
دفعتني زهراء وجرت ايدي ووكفتني يم سراج وهي وكفت بمكاني
وهو سراج ولا يمه داير وجها ويستغفر
شوي وصاحوا علينه حتى نستلم طبيت اخذت نتيجتي وبقت زهراء يم سراج طلعت ناجحه اجيت مبتسمه الهم وفرحانه....حجت زهراء
_اي مبرووووك ....خل افوت اشوف نتيجتي واجي
_اي روحي ان شاء الله ناجحه
ضليت واكفه يمه لا حجه ولا كال مبروك داير وجهة عني عاد مبروك لو بس فالح يغلط عليه .....شوي وطلعت زهراء تصيح نجحت هو بسرعه رد
_اي عمو مبروووك تستاهلين
يا واني شنو لعد دمعت عيوني .....بسيطه شوف الي بعد تغسل هدومه لو تجيبله شي
أنت تقرأ
احتواء أنثى
Romanceتائهة بين ذئاب متعطشه للجسد الموت راحه فلا اروى لوجودي حياه وانما ذل بين الذئاب مستهدفه هاربه من الخطيئه فأقع سقيطه بين احضان الرحمه اتوق للعيش بحب فلا ارى في قلبه نبض وانما صخرة متحجرة ......... فتاة صغيرة تهرب من واقع والدها بعد ان ذلها لبيع جسده...
