البارت 15
#احتواء_انثى
ثاني يوم كعدت راسي يوجعني وعيوني مورمه كد مابجيت شلت متيم ونزلت سراج ماموجود بالدوام
واني انزل تلكاني مرتضى بالمطبخ طب
مرتضى:روز مادام كعدتي سويلي ريوك وياج
_اي ادلل..بس خلي متيم يمك
_اي جيبي.... تعال
_كعد هو بالكاع وخليت اله صينيه متيم ضل كاعد يم الصينيه يريد يأكل
_كعدي وكليه عادي
_لا هسة اسويله ويأكل
_لا يابه شنو القصه كعدي ووكليه
كعدت مقابيل مرتضى واوكل بمتيم ومخليته بحظني ....ضل مرتضى يحجي ويشاقه
_انتي مااطولين
_ليش
_كصيرة
_لا حلو طولي ماما الله يرحمها جانت تكول طولج حلو ويناسب شكلج
_الله يرحمها زين امج جانت حلوة
_اي حلوة تجنن واني طالعه عليها
_واني اكول ليش انتي حلوة ثاري امج السبب ..الله عليج ماعندج اخت ضامتها هسة اجيبها واخطبها
_هههه لا والله بس اني
وشوي ونسمع صوت😒فززنه وكومنه من الصينيه
سراج طب وطك الباب واحنه كمزنه..حجه
سراج :مرتضى
_ها عمي الله يساعدك
_شكاعد تسوي هنا
_اتريك ومتيم لح على روز وريكته وياي
راد يحجي وراح اله متيم وحظنه
_شلونك حبيبي
_سين بابا
باسه بخده وشاله وطلع حتى ماباوع بوجهي...اندارلي مرتضى
مرتضى:يمكن عمي صار عصبي
_لا ماكو شي على شنو عصبي اكعد كمل ريوك حتى اغسل الاماعين
كمل مرتضى وراح لشوي اجه
_روز عمي يريد كهوة
_اي بس انت وديها حباب
_اي ماشي ...سويت الكهوة وانطيتها لمرتضى اخذها اله
كملت غسل اماعين وعزلت المطبخ وغسلته ورجعت للصاله نظفتها وغرفه العلويه ونظفتها خلصت شغلي صعدت فوك انعزلت مااريد اشوفه ولا اسمع صوته
مر شهر واني ماشايفته اشرد منه بس يجي ولا اسمع صوته واذا يطلب شي يصخر واحد من الولد او البنات ويجون يكولولي واوديه بيدهم
مااعرف شنو يريد مني اشتغل اله خدامه ولازم يحجي ويجرحني بالكلام واضل ساكته واذا حجيت انظرب
أنت تقرأ
احتواء أنثى
Romanceتائهة بين ذئاب متعطشه للجسد الموت راحه فلا اروى لوجودي حياه وانما ذل بين الذئاب مستهدفه هاربه من الخطيئه فأقع سقيطه بين احضان الرحمه اتوق للعيش بحب فلا ارى في قلبه نبض وانما صخرة متحجرة ......... فتاة صغيرة تهرب من واقع والدها بعد ان ذلها لبيع جسده...