فتحت عيوني بتثاقل دوار قوي .... الم في جميع جسدي.... بدت الصورة تتوضع بعيوني كدامي مره مااعرفها كانها تتكلم بس ليش مااسمعها ... بعدت ناظري عنها بتجاه شخص اخر لابس ابيض كانه دكتور .... وين انا ؟؟ لحظه منو انا ... شعور مرعب مااعرف انا منوو وين انا ومنو هذول بده الصوت يدخل لاذني
.... : حبيبتي ردي عليه 😯
منو هاي وليش عيونها مدمعه ليش خايفه عليه بدت تهز بجسمي وهيه تتحدث معي
... : لضلين ساكته 😯
شحجي شكول هوه منو هاي اصلا منو انا ليش مجاي اتذكر شي ليش راسي يوجعني ...مديت ايدي لراسي اكو ضماد ع راسي اخذت اتفحص جسمي مربوط باجهزه فزعت واخذت اصرخ : بعدووها سااعدوني
... : لتخافي ي روحي انا يمج انتي بخير ارتاحي
دفعتها عني وصرخت : منووو انتم ؟؟
تغيرت ملامح وجهها للقلق ندارت ع الرجال الواكف وراها
... : كريم شديصير شبيها غلا 😳😯 )تقرب مني هذا الي اسمه كريم )
كريم : غلا بنيتي شصايرلج ممعقوله متعرفيني ( تقرب الدكتور واخذ يفحصني )
الدكتور : مثل ماتوقعت غلا تعرضت لفقدان شبه تام بذاكرتها
كريم : شتكووول انت 😲 (دفع الدكتور واخذ يعز بيه ) ممعقوله ماتعرفيني انا عمج كريم ( اخذت ابجي واصرخ )
ابتعدوووا عنننني مااعرفكم مااعرف اي شي
دكتور : اهدي بابا انتي تعرضتي لحادث ادى الى فقدانج لذاكرتج لا تخافين ذول اهلج وانا دكتورج كلنا هنا لحتى نساعدج (خذت ابجي لان جان كلش مرعب انك ماتعرف اي من الحوليك يعني ذول اهلي وناسيتهم نهائيا مدااذكرهم اصلا مااذكر اي شي حضنتني المرة واخذت تهديني )
... : راح تذكرين كلشي يروحي بس اهدي انا مرة عمج نرمان وهذا عمج كريم احنا مثل اهلج يروحي لا تبجين ( سكتت بس بعده الخوف ياكل بكلبي )
كريم : دكتور نكدر ناخذها الليوم دام صحت
الدكتور : اكيد بس التزموا بالعلاج وكل نهايه شهر خل ترتجعني
نرمان : اكيد اكيد ( كومتني هذي الي اسمها نرمان بصعوبه امشي متكأه عليها اخذتني لسيارة وكعدت هيه وزوجها كدام وحركت السياره )
كريم : لضلين ساكته بابا احنا اهلج
نرمان : سكوتج راح يصعب علينا مهمه ارجاع ذاكرتج (مااعرف شنو اكول احس روحي مشوشه ضايعه اريد شي اتمسك بيه اي ذكرى ذاكرتي فارغه نهائيا كاني الليوم نولدت احس برعب شديد )
نرمان : اووف يا كريم شنسوي
كريم : اوووك غلاوي لا سئلين انا ححجيلج عنج اسمج غلا جنتي طالبه بصف رابع عدادي وانا عمج كريم وهذي زوجتي نرمان
غلا : ش..شنو صار وهيج صار بيه 😓
كريم : صار حادث جنتي انتي واهلج تردون سافرون لكندا وصارلكم حادث بالطريق قبل لا سافرون
غلا : اهلي وين 😯
كريم : ب... بالمستشفى من تتحسنين ناخذج الهم لا يضل بالج
غلا : مجاي اذكر اي جي (اخذ راسي يوجعني لزمته وبديت اصرخ )
نرمان : ي ييي اسم الله حبيبتي ( دفعت نفسي لحضنها مجان عندي اي احد بس مرت عمي حسيتها حنونه عليه ضمتني الها واخذت تمسح ع راسي شوي وهديت )
كريم : لا تخافين من اي شي دامنا يمج هسه نوصل للبيت وتتعرفين ع بتنا حلا بعمرج هيه
نرمان : ي حبيبت مرة عمها راح ترجعلج ذاكرتج لا تخافين يروحي انتي ( وصلنا لبيت ضخم مااعرف ليش بس حسيت بنزعاج تجاه هذا البيت نزلن مجموعه من النسوان يلبسن ملابس خدم استقبلونا جنت كلش داخيه مااعرف شيكولون مسكت ايد مرة عمي )
غلا : دايخه اربد انام (دخلتني لغرفه ذبيت روحي ع السرير وكيل غفيت من ورا صداع راسي )
كريم : شراح نسوي نرمان
نرمان : جانت راح تموت ونخسر كلشي
كريم : وشلون راح نخليها توقعانا وهيه ماتثق بينا
نرمان : كلشي بوقته حلوو بس انت كلي شراح سوي وي جابر
كريم : مااعرف الصراحه جابر دزلي رساله تهديد اذا ماانطيه البنيه راح يهجم بيتي
نرمان : خوانك شنو كالوا ؟
كريم : مراد ذلها بالمستشفى وكال طلعوني برا السالفه اما فراس و علاء فهمه وياي بس عدهم خوف من جماعه جابر الخميس راح يروح علاء لشركه جابر يتفاوض وياه
نرمان : واذا طلب البنيه 😯
كريم : مايكدر لان احنا اهلها هوه مايقربلها شي
نرمان : خل يرجع علاء من يم جابر ونشوف شنسوي .... يتبع
أنت تقرأ
صفقة حب
ChickLitبين الماضي والحاضر تم توقيع تلك الصفقه التي لا اعلم ان كانت صفقه حب ام صفقه انتقام لكن الذي اعلمه انني تم بيعي .... +18
