......
تعالي اني بالحديقة اللي ورى القاعة اريد اشوفج
طلعت ميار والفرحة ما سايعتها واذا هيثم واكف يم المراجيح ب اخر الحديقة
ضحكت من شافته.. واشرلها تكعد بالمرجوحة وكعدت بالمرجوحة
هلو
طالعة اميرة اليوم
ميار استحت.. عرس اخوية بعد..
ميار جانت لا بسة فستان قصير لون وردي فاتح وشعرها مسرحته وحاطة نجمة ع صفحة
شجابك
والله جيت فرصة اشوفج لو ماترديني
هههههه لا والله اريدك
شونه العرس حلو
اي
ان شالله يومن النا
هههه ومنو كال اقبل اني
عايزة حتى اكلج
وانته ناوي تخطب صدك
خلي تخلص سنويت سراج واجيب اهلي واجي
ان شالله
كام هيثم ودفعها بالمرجوحة
ههههههه شنو جأهلة تمرجحني
تبقين طفلتي المدللة انتي ماتكبرين
هههههههههه
ورة شوي دك تلفونها وراحت ومر شهر وخلصت العطلة وصار الدوام وهيثم وميار وصلو مرحلة واحد يموت ع
الثاني و بلش الدوام و4 ايام هيثم لا اتصال ولا بين وكلش ظل بالها ميار وراح تمشي من يم رئاسة الجامعة ومترددة تفوت لو لا وبين ما دا تباوع ع البناية
-الشوك يذل
اندارت واذا هيثم وراها يضحك
والله انته مغلق جهازك وماظلت فكرة سودة ما جت ابالي.. وينك
تخافين عليه
ميار ضحكت ودارت السالفة ليش ماكو انت
اييي ميخالف نغير الموضوع.. جنت بالنهضة عرس ابن اصدقائنا ونكسر جهازي بالعرس وجلبو بيه الولد والبارحة بالكوو رجعت وهسة اشتريت جهاز اريد اخابرج.. وهم جتي عدلة عرفت اكو ناس تخاف عليه
اييييي عاد انته ما صدكت تلزم عليه حتى تظل تعيرني
ولج دبشة ولسانج اطول منج بس احبج
وانته مخبل والمشكلة هم احبك
وبعد اسبوع جان هيثم واكف ويا ميار بالحديقة مال كليتها واجة واحد على ميار
-شووو تحجين ويا ولد وعندج علاقات ومن جيت حاجيتج صرتي شريفة براسي شكد دفعلج
هيثم اندار عليه... عليمن هالحجي ولك؟ ؟
ع الصايعة الواكفة وياك
ولك ميار اشرف منك ومن الخلفوك لك حيوان
وبلشت البوكسات وهيثم كضة التوبة براس هذا الولد اللي اجة قبل فترة صارح ميار ورفضته ونشحطو ع عميد الكلية
-شنو الصار
-هيثم طلع هويته وشوفهة للعميد
-موظف؟؟ وليش متعارك ويا الطالب
-جيت ع الطالبة ميار اهلهة معارف وجيت اسأل عليها وواكف بالحديقة ب ادب واحترام اجة هذا يلكح حجي سخيف و ظرب ميار ب اخلاقها واتهمهة انو هية صايعة
-بس مو تمد ايدك عليه جيبة ونحاسبه
والله عاد اني زلمة دمي حار ما تحملت وكضيت بي التوبة
وقرر العميد ينطي انذار للولد وطلعت ميار تبجي
يا ربي منين طلع هذا
ماعليج منه والله لا اكتلج يا كتلة لخ مرتبة
اذا اهلي عرفو راح يبطلوني
لا ان شالله ماكو الا العافية
مرت 4 ايام وميار ماكو وجهازها مغلق وأفتهم هيثم اللي صار وقنع اهلة وجابهم لبيت ميار واستقبلهم ابو ميار وصار الحجي بين ابو ميار وابو هيثم
-نعرف اللي صار غلط بس ابني دمة حامي وما اتحمل احد يحجي ع بنتكم هيج
-بس سمعت بنتي ع كل لسان ابو هيثم والسبب ابنك
-واني جاي اكصكص لسان كلمن يحجي ع بنتك واخطبها ل ابني حتى اللي عندة حجاية يبلعها ويعرفون انو بنتك اشرف وحدة واني ما الكة احسن منها ل ابني
-انطيني اسبوع افكر
-براحتك ابو ممدوح اخوي وان شالله نصير اهل
وبعد اسبوع من الدعوات والتقنع ب اهل ميار وافقو وصارت الخطبة وظرف اسبوعين ازوجو لان هيثم جان مستعجل كلش وصار العرس بنادي الفروسية وطلعو ثاني يوم ل اربيل وكضو احلى 10 ايام بحياتهم هيثم جان يحب ميار كلش و ميار جانت كلش تحبة وعاشو ابيت اهل هيثم وجانو كلش سعداء..
قد يمر الحب على الجميع لكن... ليس كل انواع الحب حقيقية.. هناك حب مزيف.. وحب مصلحة.. وقناع الحب وكلهم نهايتهم واحدة هو الفراق ..اما الحب الحقيقي .. فلا نهاية له.. من احبك بصدق سوف يبذل كل جهده ليبقى معك حتى النهاية...
#الرائعه..
انتهت القصه أتمني القصه نالت اعجابكم تحياتي
