حققت حلما

Untitled Part 3

<<كلما شكرنا الله زادنا>>

اقامت الليل كله صلاة حتى اذان الفجر
صلت فرضها واخذت تقرأ وردها وتراجع على حفظها وتستغفر حتى طلوع الشمس
نامت في الساعة السادسة كي تريح جسدها واستيقظت في الثامنة لتصلي الضحى
ــــــــــــ
انهت صلاتها وخرجت لتحضر الفطور
احضرته وذهبت لايقاذ كل من الحاجة فاطمة والحاج احمد
طرق الباب برفق لتفتح السيدة فاطمة التي انتهت للتو من صلاتها
لتقول بابتسامة : صباح الخير يا حبيبتي
حورية : صباح النور يا امي جهزت الفطار يدوب نفطر وامشي
فاطمة : ماشي يا حبيبتي تسلم ايدك . بس لو تسيبيني انا اجهز وتشوفي مذاكرتك
حورية : انا بذاكر كويس ومش بقصر . دا حتى كمان الاكل مش بياخد وقت
في ذلك الوقت خرج احمد من الغرفة قائلا : صباح النور على احلى بنوتة
حورية بابتسامة : صباح الخير يا بابا
احمد بمزاح: اخبار الاكل ايه انهاردة انا جعان
حورية : جاهز اهو يلا ناكل
ــــــــــــــــــ
تناولوا الافطار ثم حملت كل من حورية و فاطمة الصحون الى المطبخ وتعاونوا في غسيلهم وسط جو من المرح
ثم دلفت حورية الى غرفتها لتجهز للذهاب الى الجامعة

خارج الغرفة
احمد : بنت طيبة اوي متستاهلش اللي حصلها ف حياتها ده
فاطمة بتنهيدة جزينة: وهي يا عيني مبتستسلمش ابدا دايما على يقين ان ده ابتلاء ولازم تكون قده واهو الحمدلله ربنا بيراضيها بحلمها
احمد: هتسيب فراغ في البيت
فاطمة: هنعمل ايه منقدرش نقف قدام حلمها واهو مش معقول هتقطع بينا اكيد هتكلمنا و كمان مش هتفضل هناك طول العمر
ـــــــــــــــــــــــــــــــــــــــــــــــــ
على الجانب الاخر في احدى الدول الخليجية وبالتحديد الامارات

في بيت واسع يمتاز بالرقي تهتف ياسمين بابنتها يارا لتناول الافطار

(ياسمين فتاة في الثامنة والعشرين من عمرها ابنة الحاجة فاطمة والحاج احمد الوحيدة كما اصبحت صديقة لحورية في الاونة الاخيرة
تزوجت من شاب يقاربها في العمر يدعى انس ثم سافرت معه الى الامارات حيث يعمل مهندسا في البترول . انجبا عقب زواجهما تلك الطفلة الجميلة يارا )

على مائدة الافطار
ياسمين : لقيت مشتري للشقة ؟
انس: اه لقيت بس لسة هشوف برضه
ياسمين: طب السعر مناسب ؟
انس: السعر كويس جداا بس انا لسة قدامي حوالي 3 شهور عقبال ما انهي شغلي
ياسمين : طب سعرها كام ؟
انس : 25 مليون درهم
ياسمين : السعر كويس جدا . طب مفيش حل ؟
انس: مش عارف
ياسمين : طب ينفع تتاجر شقة صغير في المدة دي ؟
انس : هشوف كده
ياسمين : هنشتري شقة كبيرة في مصر بقا
انس : انا بقول ناجل موضوع الشقة دلوقت احسن واهو شقتنا اللي هناك حلوة
وبفلوس الشقة دي مع اللي ف البنك ابدأ مشروع
ياسمين: تمام . هقوم اجهز الشنط بقا
انس : ماشي . اول ما توصلوا كلميني
ياسمين بضحك : من يوم ما حددنا السفر وانت كل دقيقتين تقولي
انس : اعمل ايه بقا هتسيبوني 3 شهور
ياسمين : حاضر

ـــــــــــــــــــــــــــــــــــــــ
في مصر في الساعة العاشرة الا ربع صباحا

دلفت حورية داخل الجامعة لتجد الاعين مصوبة عليها
لم تبالي بذلك وذهبت حيث يقفا زميلتيها المقربتين
حورية : السلام عليكن ورحمة الله وبركاته
سجدة و اميرة : وعليك السلام ورحمة الله وبركاته
سجدة بمزاح :ايوة بقا الناس اللي هتسافر وتنسانا
حورية بمزاح ايضا : نعم ! انت بتقولي ايه ؟! اكيد لا طبعا
انا نسيتكوا من امبارح اصلا مش لسة هنسى
اميرة : اهئ اهئ ساشتاق اليكي ايتها الطفلة

ظل الفتيات يتمازحن ولكن بصوت منخفض وضحكة لم تلفت الانظار بل لن يستطع احد رؤيتها غيرهن
ثم ياتي اليهن ثلاثة فتيات سهر وريم وغادة
سهر بسخرية : مبروك يا دكتور . هتسافري بقا ولا حرام ؟
هتفت اميرة بغضب : حاجة ترجعلها
ريم : عادي احنا بنسال بس عشان نستفاد ثم اطلقت ضحكة ازعجت الفتيات الثلاثة
حورية : حورية هسافر ان شاء الله
غادة : هتسافري بالشوال ده اححم قصدي بالخمار ده
حورية : اكيدطبعا هسافر بالخمار
ريم : تفتكري هيقبلوكي كده يعني عادي البسي طرحة صغيرة احسن
حورية : والله ربنا مقاليش لما تسافري مكان مش هيعجبهم لبسك غيريه والبسي ع مزاجهم

اخذت الفتيات يسخرن منها وسط غيرة داخلهن
( سهر : زميلة حورية بالجامعة ترتدي ما تطلق عليههي ورفقاتها حجاب
حيث ترتدي بنطالا من الجينز يجسمها وتلبس طرحة بدايتها في منتصف راسها وتضع كما من المزينات في وجها لتشبه عروسة المولد )
(ريم : مثل سهر لكنها ترتدي ما يسمى تربون وتعتقده حجابا )
(غادة : تماثل سهر وريم في اللبس ولكنها لم تضع اي شيء على شعرها )

ــــــــــــــــــــــــــــــــــــــ
انصرفت حورية وسجدة و اميرة الى المحاضرة لتبدأ
وما ان انتهت حتى خرجن من القاعة ليجدن الدكتور خالد امامهن قائلا: السلام عليكوا
الفتيات : وعليكم السلام ورحمة الله وبركاته
خالد : دكتورة حورية عدي على مكتب العميد بعد المحاضرة التانية عشان تعرفي البعثة وباقي الاختبارات اللي قبلها عشان تاكيد الاختيار
حورية: تمام يا دكتور . بس بعد اذن حضرتك سجدة واميرة هيكونوا معايا
خالد: مفيش مشكلة
ـــــــــــــــــــــــــــــــــ
وبعد انتهاء المحاضرة الثانية ذهبت الفتيات لمكتب العميد
وجدن عدة اطباء منهم من يدرسون لهن ومنهم من يدرسوا للفرق الاخرى
اخبرها احدهم ان هناك اختبار الاسبوع المقبل تحت اشراف لجنة طبية المانية
اخذت ضربات قلبها تزيد من معرفة اقتراب موعد الاختبار
استانف الاحد الاطباء الحديث قائلا :لو اجتازتي الاختبار ده هتسافري الاسبوع اللي بعده
فقال دكتور اخر : مستعدة يا دكتورة
توترت كثيرا ف خبطتها اميرة برفق على كتفها لتقول بثبات : ان شاء الله
خرجن خارج الجامعة لتهتف اميرة : ايه يا بنتي متتوتريش كده
سجدة بمزاح لتزيل التوتر عنها : شكة صغيرة كده وبالشفا انشالله
حورية : ان شاء الله خير
ركبن احدى سيارات الاجرة لتهذب كل منهن الى بيتها