ملاك:كعدت على صوت المنبة كمت من الفراش علمود اتحضر للمدرسة شفت فروحة بعدهي مكاعدة كلت خلي اكعدهة كبل ماتتأخر وتخبصنة
ملاك:فرح فروح فروحة فروحتي كعدي كافي نوووم كعدي
فرح:هممممم
-كعدي لااكعدج بطريقتي😈
-ااااااة كعدت ولي
-اي عفية 😁
رحت للحمام غسلت وجهي واسناني ولبست ملابسي مال المدرسة وكعدت انتضر فرح علمود ننزل سوة
-يلااا شوكت تخلصين نمتي جوة
-ايي يلاا طلعت
ونزلنة ليجوة
ملاك:صباااااح الخييير😆
الكل:صباح النور
وكعدنة على السفرة
ملاك:فروحة راجعتي دروسج لو لا🤔
فرح:لا😑
ملاك:لعد اراجعلج بالطريق
ابو ملاك:ليش بابا ماتروحن بالسيارة وية كرار
ملاك:لا بابا مشي احسن مووو فروحة 😆
فرح:اي😃
كرار:اييييي بعد احسن اخلص منجن
ملاك:لالعد غصبا مااعليك تاخذنة😑😑
كرار:مو هستوج كلتي اريد اروح مشي
ملاك:ايي عناد وياك لو ساكت احسن 😛
فرح:ههههههههه اي وللة لو ساكت احسن
كرار:يلا لعد كومن
ملاك:ايي يلا فرح كومي
يلا ماما مع السلامة
ام ملاك:مع السلامة بنيتي ديري بالج على فروحة
فرح:ترة مو زعطوطةاني😦
ام ملاك :ميخالف بنيتي ☺
ملاك:ميخالف يوم احطها بعيوني واذا ماتكفيهة عيوني احطهة بجنطتي اهم شي راحتهة🤣
فرح:ههههههه
يلاااا بيباي
ووصلو للمدرسة
ملاك..يلا فرح روحي لصديقاتيج واذا احتاجيتي شي تعاليلي😋
فرح..ايي ماما🙂
ملاك..😑
فرح..ههههههه يلا باي اشوفج باخر الدوام
وراحت ملاك وسلمت على صديقاتها بالساحة
ملاك.... هلااااااو دنفوشاتي
زينب وهدى...هلاااو
ملاك..شلونجن
زينب وهدى ...الحمد لله
ملاك ...شعدنة هالدرس
هدى..فيزيا
ملاك ...يوووووة هم ست سعدية الكريهة مادام صبحنة على وجهة يعني اليوم مراح يمر بخير متأكدة🙄
يلااا امشن خلي نصعد
زينب وهدى..يلا
ودخلوا الصف ورة اشوية دخلت معلمة الفيزيا وملاك مجانت مركزة بالدرس
زينب ...ملاك ركزي بالدرس وين بالج
ملاك... هنا بس ترة ضوجة شوكت يخلص الدرس
هدى...لعد شعندج داخلة الدرس
ملاك...تسجيل حضور لا اكثر حمبي😋
هدى وزينب ...ههههههههه
ومر اليوم وبطريق الرجعةللبيت
ملاك.... 🤤🤤ياساتر شنو هاي السيارات معقولة اجوني خطابة😎
فرح ....لج سكتي حيوانة بس لاصايرة مصيبة😯
ملاك...لا ولج منو من عدنة مسوي مصيبة
فرح...منو غير كرار اكو غيرة
ملاك...شهكت وكامت تركض 😨😨
طبت للبيت وشافت امهة جاي تبجي وعمامهة وخالاتهة كلهم موجودين والبيت صاير هوسة ..... (وطبعا بعد ما عرفت السالفة انو اخوهة داعم واحد بالشارع وميت اثر الضربة واهل الميت طالبين فصيلة وعشرين مليون وانو هية الفصيلة😖)طبعا كلش انقهرت بس مابينت هالشي علمود ماتأثر على امهة وتقهرهة بالزايد وحبت تلطف الجو وكالت...
ملاك...يوووم وللة وكفتي كلبي عبالي اخوية مات لاسامح اللة واذا رحت فصيلة شكو بيهة وللة تلكيهم خمس ايام ويرجعوني الة اخبلهم حتة اكلج خمسة ايام هواية عليهم🙂
فرح...ملاك شنو يعني فصيلة
ملاك...يعني راح ازوج شفتي موو كتلج جاييني خطابة😎
فرح...لعد امي ليش تبجي
ملاك..دموع فرح حمبي😆
ملاك... يووم يلا مسحي دموعج عليمن تبجين السالفة ماتسوة دموعج الغالية 😗
ماما تغديتو لو لا ؟؟
ام ملاك...لايمة محد يشتهي
ملاك ...لا ماما ميصير ...فروووووح تعاي ساعديني خلي نسوي غدة
فرح...ايي يلا كايمة
بعد مرور ساعة😁
ملاك ....يلااا ماما بابا تعالو تغدو
وكعدو على السفرة
ملاك...هااا يووم شلونة طبخي
(طبعا الغدة جان عبارة عن تمن ومرك بامية وتشريب لحم)
ام ملاك..يخبل يمة عاشت ايدج
ملاك..ايي يعني تكدرين تطمنين بنتج معدلة ونادرة هنيالهم عيالي علية🙂😋الة اخليهم ياكلون اصابيعهم بعدكم كلشي مشايفين😎....
وخلص البارت شنو رأيكم 😃
عدد الكلمات 532كلمة😘
