مساء الخير
ونحن قد شارفنا على نهايه القصه
ارجوا ان تكونوا قد استمتعتم باحداثها
ولو طال الانتضار
سامحوني
ذكرى المندلاوي
***********♥️
سعد
اياخسيس ياجبان ولك اليوم ذبحك على ايدي
الشيخ وادي
بويه على كيفكم وياه مو هيج
خلف
عوفهم ياشيخ هذا دمرنه كل هذا وماتريدنه نذبحه
وادي
مو هيج هو مهزوم من العداله وخابرنه الحكومه هيه تاخذه وتعرف شغلهة وياه
سعد
يا حكومه احنه حكومه وراح ناخذ حكنه بيدينه
راح يطلعلك بفلسين يشمرهن عليهم وابوك الله يرحمه تعلمني عليهم
فهد
بويه العشيره هي الي لازم تاخذ حقهة بيديهة صدك مثل ماكال سعد
راح يدفع رشوه وكم يوم ويطلع
وادي
بويه فهيد انه اكول عليك فاهم ورزن لا تخليني اغير نظرتي عليك
فهد
بويه هذا ماخله عكل براسي طلعني من طوري
وادي
اوليدي اتحب اذكرك بكلام الرسول (ص)
(ليس الشديد بلصرعه انما الشديد الذي يملك نفسه عند الغضب)
الكل
صدق رسول الله (ص)
فهد
سعد
شيخ وادي انه اريد حكي اخذه بيدي وهذا هو كان السبب بقتل اخوي وابن عمي والاكبر مس شرفي
وخطف حرمتي تربد الدوله تاخذ حكي لا والله هضيمه ياهل الوادم والله هضيمه شيكلك
شيخ سعد مكدر ياخذ حكه بيده
جا شلون باجر اكابلهم وانه شيخ عشيرتي والي هيبتي
وهذا الملعون سود وجهي
وادي
حشاك انت والنعم منك لجن الشيخ ينطي درس وعبر
تتعلم منه الناس
سعد
الا هذا لا دكوليلي هده
خلف
خله شيخ وادي هذا الحجي مايفيد وياه
ابراهيم
شيخنه جتي الشرطه
وكخطوه استباقيه السعد حته يقتله سحب حسين من ياخته وسحله بره المضيف وهو مجتف
شمره بسيارته وفهد وراه
فهد
سعد عوفه ميصير هيج
لا والله حكي الا اخذه بيدي
فهد اكف خل احاجيك
طلع بدون مايسمع كلمه
فهد
ومحسن وابراهيم وراه
بسيارتهم
ابراهيم
هذا صدك خبل
فهد
حكه بس مو هيج
محسن شناوي يسوي
فهد
والله ماادري خلك وراه
توقفت السياره اباب بيت سعد
صاح
اعمامي وعشيرتي حرمتي بريه من هل الفصل
الي ربطتهة بي
هذا الخسيس هو وره كل المصايب الي صارت بين العشيرتين وعشيره الشيخ وادي
حرمتي انخطفت وهو الي خطفهة باتفاق ويه الي ماتسمى بت العم وهسه هو يحجي بلسانه
التموا الناس والعمام والخوال
وكله احجي
حجه حسين على الخطه الي رسمهة ويه فطم
والكل فكت حلكه مصدومه
ناس تغلط وتسب وادكله
انت الموت قليل عليك
وناس تفك بيديه وادكل
لا حول ولا قوه الا بالله
سعد
وهسه راح انزل القصاص جدامكم وهذا حكي
ماردت الحكومه تاخذه لاجل لا يكلون الشيخ سعد
خاف وجبن
وماكدر ياخذ حكه
صاح ابو سلمان فكه
ابو سلمان
نفذ اوامر شيخ سعد
سعد
وهسه نشاهد على روحك يالخسيس
حسين
وهو بعده مدنك غافلهم وطلع خنجره وسحب ابو سلمان وخو مكربه الركبته ويصيح
لحد يوصل اقسم اذبحه واخليه يرافس مثل الطلي
ام سلمان شيخنا الحك رجلبيي
احلفك بلعباس تفكه
ابو سلمان
هسسس ياحرمه التفت السعد
شيخنه اخذ بثارك منه معاليك بي
فهد
همس السعد
انه راح اغطيك من وره وانت تولاه
سعد لا والله الا ارمي واتقدم باتجاهة وهو يحجي
لك انت تهددني
فهد
لا تتهور ابقه ابمجانك كتلك خلن بس اكضه الك ويصير خير
فهد التفت الابراهيم وهمس
ابراهيم
امر شيخنه
فهد
روح جيب سلاحي من السياره
تامر
حسين حس من خلال حركاتهم وهمسهم وهو كان كلش خايف وعيونه اله شويه تطلع من مكانه
جر الخنجر بقوه على ركبه ابو سلمان وشمره بلكاع
حته يلتهون بي وانهزم السياره فهد
بعد مااخذ ابراهيم ابمكانه
وكع الرجال بلكاع ودم يجري
ركض فهد عليه ونزع عكاله ولف بركبته حته يوقف النزيف
لكن بدون جدوى
فهد صاح
خابروا اسعافففف
ام سلمان تخربطت
سعد
اليوم اذبححححه واخلصصص الناسسس من شررره
كاظم
خويه سعد اكف لا تتهور هذا بيده سلاح ومجرم
سعد
ارجع خويه انت جرحك ينزف
سعد
طاخ طاخ يرمي
كاظم متحمل راخ وراه
فهد
ترك ابوسلمان واجه وراهم
لكن القدر من يرسم حياة البشر بخطوات بسيطه منحس على غفل يفاجئنه
ويغيير مجرى هاذي الحياة
ليش وشلون
وين صرنا وين جنه شي عجيب
وبلنهايه خطواتنه مرسومه ومكتوبه ماكو شي بدينا
كاظم
خويه وخر عنه متشوفه يرمي عامي شامي
سعد يصيح
ولك جبانننن بيك خير كابلني
زلمه مقابيل زلمه
حسين
ولك ياهو هذا الجبان
طاخ طاخ الا اندمك
صوب باتجاه كاظم
كاظم وكف سيارته غصب عنه بعد مااندعمت بشجره بجهة اليسره منه
سعد توقف بعد ماانصدم
منظر اخوه وهو غركان بدمه و خلاه يصيح
خويههه كاظمممم
ادموع تجري وهو يحاجي
خويه موش كلتك لا تجي وراي انه ما وراي الا المصايب
استغل حسين فرصه سعد وهو ضعيف امام جثه اخوه
حسين
صوب السلاح على راس سعد
وهسه ياهو الي يتشاهد
*******
قصه لذكرى المندلاوي
توقعاتكم
وغدا مع الحلقه الاخيره من
سلاسل من رصاص
أنت تقرأ
سلاسل من رصاص
Roman d'amourتدور القصه حول خلاف بين عشيرتين يقتل فيها الابرياء وتموت فيه العاطفه ولا يبقى سوى الحقد والعداوات لسنين فهل يستطيع روميو ان يعيد حبيبته جوليت الى الحياه ام تبقى الخلافات و يموت الحب الى الابد القصه للكاتبه ذكرى المندلاوي
