آسر قلبي ولدمعي آسيل

22

*****الفصل الاثنان وعشرون*****

يصفع مازن هايدى صفعات متتاليه ويجرها من شعرها خارج مكتبه لينادى على الامن ان يأخذها من الشركه ويلقوها بالشارع ثم دخل الى مكتبه وهو يزفر بضيق ويمسك هاتفه ليتصل بآيات ولكنها كانت فى حاله يرثي لها تبكىولا تجيب على اتصاله حتى وصلت الى البيت لتجد والدة مازن فتحاول ان تتماسك امامها حتى لا تشعر بشئ ولكن هذه الام شعرت بما يخفيه قلب آيات وما تخفيه ضحكاتها التى يمتلاها الوجع ومقلتيها التى تتجمع بها الدموع
والدة مازن: مالك يا آيات
آيات: مفيش ياماما انا كويسه
والدة مازن: متاكده !!!؟
آيات: متقلقيش ياماما انا كويسه
والدة مازن: ودموعك اللى انتى حبساها دى على ماما
تنهمر الدموع من عين آيات متسارعه على وجنتيها
فتقلق والدة مازن قائله: آيات ايه اللى حصل قوليلي
آيات: مفيش حاجه ياماما . هو انا ممكن اطلب من حضرتك طلب
والدة مازن: طبعا يا آيات
آيات: ممكن اسافر الاقصر عند آسر ارتاح اليومين دول بس
والدة مازن: طيب ومازن مش يبقى معاكى !؟ دا انتوا لسه عرسان يابنتى
آيات: مش هينفع اكلم مازن يا ماما سامحينى ولازم اروح لو فضلت هنا هموت
والدة آسر: عموما انا مش هضغط عليكى عشان اعرف ايه اللى حصل بس انتى تقدرى تسافرى ولما توصلى وترتاحى اتصلي بيا احكيلى انا مامتك يا آيات قبل ما اكون مامة مازن
آيات: اكيد طبعا ياماما . انا لو مامتى كانت عايشه مكنتش هتعاملنى زيك كدا ربنا يخليكى ليا يا ماما
آيات: عن اذنك انا هطلع احضر شنطتى واتصل احجز هسافر
والدة مازن : اوك ياقلبي ولما توصلى متنسيش تسلميلي على كل اللى هناك  خصوصا جدتك
آيات: حاضر يا ماما . يوصل
والدة مازن : طيب يلا يا حبيبتى عشان متتاخريش وانا هيكون ليا حساب معاه لما يجيلي
آيات : لا ياماما انا مش عايزه اكون سبب مشكله لحضرتك معاه
والدة مازن : لا متشغليش بالك دا ابنى وانا عرفاه كويس . يلا اطلعى انتى
صعدت آيات لتحضر حقيبتها واغراضها وسلمت على والدة زوجها وذهبت فى طريقها الى الاقصر
اما مازن فظل يتصل بها مرارا ولكنها لم تجيب وكان يشتد غضبه اكثر  فاتصل  بوالدته ليسألها عن آيات
مازن: الو ايوه ياماما
والدته:ايوه يابيه
مازن : لو ايات عندك خليها تكلمنى يا ماما
والدته: أيات مش فى البيت يا استاذ مازن
مازن: امال هى فين !!؟
والدته : اسال نفسك يا استاذ يامحترم
مازن: يا ماما لو سمحتى قوليلي آيات فين
والدته: آيات سافرت الاقصر عند اخوها واهلها تريح اعصابها يومين
مازن: من غير ماتقولى !!!؟
والدته: بدور على حقوقك عليها ومش بدور على حقها عليك بدور على اللى يزعلك منها ومش بدور على ايه زعلها منك
مازن: يا ماما صدقينى انا مظلوم
والدته: مظلوم فى ايه بالظبط !!؟
مازن: البنت دى راميه بلاها عليا والله يا ماما
والدته: بنت !!!؟ بنت مين اللى راميه بلاها عليك دى يا مازن
شعر مازن انه فضح نفسه بنفسه حين علم ان آيات لمى تخبرها بم حدث وانها اوقعته فى حديثه معها
مازن : هقولك يا ماما .بصي اللى حصل وظل يحكى لها ويقص كل ما حدث مع آيات وموقف السكرتيره الذي حدث فى آنها ومن قبل وظل يزفر بضيق
هداته امه ببضع كلامات وطمئنته ولكنها اخبرته انه خطأه انه تركها تخرج فى آنها وانه يجب عليه الذهاب لزوجته ومصالحتها وان يرضيها باى شكل
مازن: حاضر ياماما هروح
ثم اغلق المكالمه مع والدته ليتصل بآسر ويقص عليه ماحدث
آسر: الو ايه بنى لسه فاكر تتصل
مازن بصوت قلق: آسر عايزك فى حاجه ضرورى
آسر بتوتر ايضا:فى ايه انطق آيات كويسه
مازن: آيات سابت البيت
آسر: نعم !؟ سابت البيت وراحت فين !!؟
مازن : جايه عندك فى الطريق
آسر: ايه اللى حصل وحضرتك ازاى تسيبها تيجى لوحدها
مازن: والله يا آسر انا ماعملت حاجه وكان سوق تفاهم  وحاولت اشرحلها كتييير لكن مسمعتنيش وسابتنى ومشيت بس انا قولت هتيجى على البيت وتقعد مع ماما على ما ارجع
آسر: ايه اللى حصل ؟وكنت فين ؟وايه اللى خلاك تسيبها تنزل من عندك زعلانه اصلا؟
مازن : كنت فى الشركه واللى حصل ان ثم قص عليه مع حدث مع هايدى  واللى خلانى اسيبها تنزل  انا جريت وراها بس الخواجه چو كان موجود وكان المفروض فى اجتماع مهم جداااا ومكنش ينفع امشي ودى اكبر صفقه انت عايز تحققها مكنش ينفع اخسرهالك وفضلت اتصل بيها متردش
آسر: طبعا لازم متردش بعد كل اللى شافته دا
مازن: صدقنى يا آسر والله العظيم انا معملتش حاجه وكله كان سوق تفاهم بس مش أكتر
آسر: خلاص يامازن هى توصل بس بالسلامه وبعدين نتكلم
مازن:ماشي يا آسر اللى تشوفه
آسر : يلا سلام
مازن وهو يزفر بضيق واختناق ويرمى جسده على كرسي المكتب باهمال
اما آسر فاغلق الهاتف ليتصل بآيات
آيات: الو
آسر: انتى فين يا آيات !؟
آيات: انا فى الطريق وجايه يا آسر
آسر: طيب خدى بالك من نفسك واهدى محصلش حاجه وانتى ان شاء الله هتطلعى ظلماه وانا هثبتلك دا
آيات: عادى بقا يا آسر
آسر:لا يا آيات ظلم انسان بيحبك مش عادى بقا وانا هعرف بنفسي لو كان صادق ولا كداب وفى الحالتين القرار ليكى بس احب اقولك مازن بيحبك ومستحيل يخونك ومستحيل يخونى وانا عندى ١٠٠اثبات على كدا . المهم انا مش عايز حد هنا يحس باى حاجه وكأنك جايه تشوفينى عادى وتشوفى العيله واللى يسألك عن مازن قولى عنده شغل كتير وانا وهيخلصه وييجى . تمام
آيات: حاضر يا آسر
آسر: خدى بالك من نفسك ولما الاتوبيس يوصل المحطه كلمينى ابعتلك السواق . اوك
آيات: اوك  يا آسر . يلا سلام
آسر: سلام
************************************************
يصعد آسر الى غرفته ليجد أسيل فى قمة جمالها بعد فك ذراعها واختفاء آثار الكدمات  ترتدى قميص قصير من اللون السمونى وتضع طوق حول رأسها بنفس اللون فيعطيها حيويه وكانها طفله مع ملامح وجهها البرئ وعيناها الخضرواتين  ظل آسر معلق عينيه على هذه الجميله فها قد عادت له تهتم بجمالها بعد فتره من التعب . خجلت اسيل ونظرت الى الارض واحمرت وجنتيها سريعا فنادى عليها آسر بهمس : أسيل
وعندما نظرت له وجدته يفرد زراعيه لها ابتسمت أسيل وذهبت الى احضانه مسرعه فتفاجئت به يرفعها الى الهواء بيديه ويلفها ثم انزلها بهدوء الى احضانه ويحاول ان يلامس  وجهها بوجهه ويطبع بعض القبولات على عنقها وشفتيها
كان آسر يقبلها بلهفه وكانها اول مره تكون معه كان آسر فى عالم آخر وشعر بانه قد يقع بها الى الارض من كثرة لهفته عليها
وايضا أسيل فكانت تشعر به وبلهفته وكانه كان ينتظر ذلك اليوم حتى ترجع له حبيبته مثل سابق
هتفت له أسيل بهدوء قائله: مكنتش اعرف انك مشتاق لحضنى اوى كدا
آسر: متتخيليش انا كنت بتعذب واتخنق قد ايه وانا مش قادر اضمك كويس فى حضنى وكنت بحس انك بتتوجعى فى حضنى من شدة وجع جسمك والكدمات اللى كانت فيه وكل يوم كنت بنام بصعوبه من غير ماتحضنينى كويس
اسيل: بس انا كنت بحضنك كل يوم قبل ماتنام
آسر :عارف بس مكنش الحضن كدا لانك كنتى بتبقى تعبانه وانا كنت بخاف انام فى حضنك براحتى عشان متعبكيش زياده
اسيل:بالعكس يا آسر انا كنت بحتاج لحضنك اكتر منك كنت بحتاج احس بالامان في حضنك عشان اطمن وانام
آسر : بحبك يا أسيل وكل مره بقولك فيها بحبك بحس انها اول مره وببقا قلقان وبحس بلهفه فى قلبي انى اسمعها منك
اسيل: انا بحبك يا آسر بحبك وبموت فيك
آسر: اممم طيب كان فى موضوع بينا. المفروض كنا هنتكلم فيه بعد فك الجبس
أسيل: موضوع!؟موضوع ايه
آسر: ايه دا لحقتى تنسي . ابننا
أسيل باستغراب: ابننا !!!!؟
آسر : تعالى تعالى بس وانا هفكرك ثم حملها وذهب سويا الى عالمهم الخااااص😍😍😍😍😍😍😍😍😍😍
**********************************************
وبعد مرور الكثير من الوقت حتى بدات الشمس تعلن رحيلها ويسدل الليل ستائره السوداء نزل آسر الدرج وبيده زوجته ليجد الجميع يجتمع على العشاء ماعدا نورهان وعمتها سعاد
سألت أسيل عمتها سميه : امال فين نورهان وخالتى سعاد
سميه: دول مشوا من بدرى يابتى والله مسكنا فيهم واتحايلنا عليهم بس ديماغهم يابس قالوا هنمشي عشان ام نورهان وابوها عندهم شغل كتير فى ارضهم وعمتها بتساعدهم ونورهان بتعملهم الوكل والشاى ربنا يعطيهم الصحه والرزق ويبارك لهم فى بنتهم وفى زرعتهم
أسيل: طيب مش كانوا يستنونى او ينادوا عليا
سميه: هما مرضيوش يقلقوكى ياحبة عينى قالوا انهم هيبقوا ياچو تانى وانتى تبقي تروحيلهم
يهمس آسر فى اذن أسيل قائلا بمزاح : انتى كنتى عايزه حد يجى ناحية اوضتنا ينادى فى الوقت دا. دا انا كنت قتلته
أسيل:قتلته !!؟ ليه يعنى مش اوى كدا
آسر: لا طبعا اوى كدا انا نفسي لما اكون معاكى نروح ترن فى ودنى ويفضل وشك  فى مكان يتحجب عنه الصوت و الناس عشان محش بحد جنبي غيرك يفضل صوتك بس اللى حواليا وتفضل ضحكتك ترن فى ودنى ووشك بس حواليا فى كل مكان
آسيل: طيب بس بس لاحد ياخد باله مننا
آسر: طيب وايه يعنى مراتى وبحبها ومش قادر ابعد عنها لحظه واحده بس ايه بقا المشكله
أسيل: ياحبيبي المشكله اننا صعايده اهلنا هيجتلونا لو شافوا حاچه اكده ولا اكده الكلام الواعر ده بيبجى فى الغرفه فووج وبس
آسر:انتى بقيتى تتكلمى صعيدى حلو اهوه كويس
أسيل : هااا عچبتك بالصعيدى
آسر: دا انت تعجب الملك ياقمر
أسيل : ماهو انت الملك بتاعى
آسر: وانتى اجمل ملكه ياروح قلب
أسيل: كفايه بقا يا آسر انا حاسه ان قلبي هيقف
آسر: بعد الشر ياقلب آسر انا من غيرك مقدرش اعيش ثانيه اموووت
أسيل: حبيبي تسلملى
يتفاجئ الاثنين بابن عم آسر ذو الثلاث سنوات وهو يدس رأسه بينهم ليسمع ما يقال بينهم ارتعبت أسيل من خجلها ولكن مازن ظل يضحك  واسيل تنغزه حتى يتوقف عن الضحك ليتفاجئ الجميع بدخول آيات
اما آسر فهو كان يعلم بمجيئها ولكنه كان متلهف لرؤية اخته التى لم يراها منذ زواجها
رحب الجميع بآيات ترحيب حار ويسألها الجميع عن مازن ولكنها كانت تجيب : هيخلص شغل وهييجى
العمه سميه : ياچى بالسلامه يابتى . المهم انتى كيفك. واخبارك زينه
آيات : الحمد لله ياعمتى  انا كويسه  ليقع حديثها آسر واسيل ذهبت سريعا الى اسيل تسلم  عليها ثم ذهبت الى احضان آسر وهى تبكى وهو يحاول تهدئتها ويمسح على شعرها
لتسألها افكار زوجة خالها: مالك يا آيات هتبكى ليه يا ضنايا
آيات وهى تمسح دموعها : ولا حاجه يا مرات خالى آسر بس واحشنى ومش متعوده ابعد عنه المده دى
افكار : ياحبيبتى دى سنة الحياه  ولازم نعمل بيها  ما انا عندك اهه سيبت اهلى والمسافهة بينا بعيده بس خلاص دلوقتى مقدرش اقعد هناك لحظه راحتى بقيت اهنه
آيات: عارفه ياعمتى بس عشان لسه فى الاول. على ما اتعود
آسر: يلا يا آيات اطلعى خدى دش وغيرى هدومك وارتاحى شويه على ما الاكل يطلعلك
آيات : حاضر
ثم صعدت الى غرفتها لتاخذ دش وتبدل ملابسها وبعد ان انهى الجميع عشائه اخذ آسر صينية من الطعام الى آيا وطرق باب غرفتها حتى سمحت له بالدخول وما ان دلف نظر الى عينيها المورمتين من كثرة البكاء
وضع آسر الصينيه على احدى الطاولات وذهب ليجلس بجانب آيات ليبث الطمأنينه فى قلبها قائلا: آيات انا عايزك تهدى وتصدقينى مازن مظلوم
اآيات: مظلوم بعد كل اللى حكيته دا مظلوم طيب ازاى . واحده فى حضن جوزى فى مكتبه ويبقا مظلوم
آسر: ايوه لانك مسألتهوش وسمعتى منه انتى سبتيه ومشيتى من غير ما تسمعيه . عموما اهدى وكل حاجه هتتظبط ان شاء الله
آيات: ان شاء الله
آسر: يلا اتعشي انتى وارتاحى اوك
آيات وهى تومئ راسها بالموافقه : اوك
يقبل آسر رأسها ويتركها ويذهب الى غرفته ليجد أسيل نائمه فى فراشها كالطفله ظل آسر يقبلها ويمسح على شعرها وحاول لن ينام ولكنه لم يستطع من كثرة التفكير خرج الى الشرفه وهو يفكر فى آيات وما حدث مع مازن وايضا فى عمته وابنتها وما تنويه لاسيل
زفر آسر ضيقا ولكنه شعر بأسيل تحتضنه من ظهره فالتفت اليها واحتضنها . فسالته اسيل: حبيبي ماله مش قادر ينام ليه. بتفكر فى ايه !!؟
آسر بابتسامته الساحره: بفكر فى القمر اصله كان سابنى ونام كنت بدور عليه غير حضنك
أسيل  بابتسامه ،:اممم ولسه ملقتوش
آسر: ازاى بقا وهو بين احضانى  بس انا زعلان منه عشان سابنى ونام
أسيل: اصله كان بيحلم بيك  وكان بيحسبك هتيجى تصحيه
آسر : والله قولت اسيبك ترتاحى وبلاش اقلقك
أسيل: تقلقنى ،!؟ . على فكره بقا انا كنت صاحيه وحاسه بيك وانت بتبوسنى وتحضنى بس كنت مرتاحه لحضنك اوى فسكت كانى نايمه عشان احس بحضنك واسمع صوت انفاسك ودقات قلبك بس انت قمت وقفت هنا علطول رحت قايمه . وبعدين انا كمان ادمنت حضنك خلاص مقدرش انام من غيرك
ابتسم آسر وقبلها قبله طووووويله جدا من شفتيها تعبيرا عن سعادته من حديثها وكلماتها الجميله التى تنطق بها لتسعد قلبه
ثم احتضنها وحملها الى فراشهما حيث عالمهم الخاص
😍😍😍😍😍😍😍😍😍😍😍😍😍😍😍😍
وفى الصباح استيقظ الجميع واجتمعوا على الفطار ليتفاجئوا بدخول ياسين فرحب الجميع ولكنه كان يبحث بعينيه  على تلك المحبوبه التى اراد ان يراها ولكنه لم يجدها فسال آسر واخبره انها ذهبت الى بيتها فحزن ياسين ولكنه قرر ان يفاتح عائلته فى موضوع زواجه من نورهان
وبعد مشاركة الاحاديث والمزاح تحدث ياسين قائلا : انا كنت عايز. اخد رأيكم فى حاجه
انتظره الجميع يتحدث وهم ينظرون له باهتمام
ياسين : انا كنت عايز اخطب واحده كلكم عارفينها وانا حبيتها ومرتاح ليها
الجده: وتبقا مين دى ياياسين ياولدى
ياسين : نورهان يا چدتى
الجده: هتصدقنى لو قولتلك يا ولدى انى كنت عارفه انك هتحبها من قبل ماتقول  
ياسين : يعنى ايه رايك ياجدتى
الجده : اتوكل على الله يا ولدى البت زينه ومحترمه وعاشت معنا يومين اهنه كانت كيف النسمه او حببت الكل فيها
افكار: اه والنبي دى ز. القمر
الجميع : اتوكل على الله يا ياسين .
شعر ياسين بسعاده وفرح ولكن قطعتها عليه سليمه وهى تنزل الدرج بكل كبرياء  قائله : كنكم اتچننتم وعايزين تفضحونا وتعرونا  ملقتوش غير بنت الفلاح دى دى ناس فقيره متلاقيش اللقمه تاكل وعايزين سليمه بنت الشرقاوى اكبر عيله فى الاقصر كلاتها وفى القاهره تناسب دى وتدخل القصور والڤلل تعيش فيها لاااا اقول ايه للناس ولسيدات المجتمع
الجده: قوليلهم ان سليمه بت الشرقاوى دى كان ابوها فلاح وكان يطلع بالفاس بالاچره وكان محلتوش غير فرشه وتشت نحاس وكوبايه ووابور دول اللى كانوا حيلة ابوها اللى عمل فيكوا اكده وخلاكم تعيشوا وتبقوا اكده ولدى محمود الله يرحمه اللى ماتهنى بحياته ولا مراته اتهنت كانوا طول عمرهم يفكروا فيكم وفى اهل البلد كيف يغيروا حالهم
ياسين: انا هتجوز نورهان ومش هتجوز غيرها
سليمه : انت بتعصى اوامرى . انا عنانك تعرنى بالبت دى د متتچوزش واصل وتعيش عمرك اكده واچيبلك خدامه تخدمك ولا انك  تعرنى
ياسين: انا هتچوزها يعنى هتچوزها وانا مقصدش اعصيكى بسي اللى تبدى غرورها على ابنها وسعادته دى متبقاش ام واللى تترك ولدها صغير وتفرق عيالها عن ابوهم عشان ممستحملاش اتعيش معاه فى فقره متبقاش ام. بس انا كنت عيل صغير ووقفت ويا بوى لحد ما بنينا شركتنا وبقينا معانا الفلوس اللى انتى بتدورى عليها
سليمه: وانا هقولك اهو يا ياسين انى مموفقاش على البت دى مش واحد هيچيبلنا واحده شحاته والتانى چايبلنا واحده منعرفش لها اصل من فصل ولا شوفنا لها اب ولا ام ولا اى حد خالص من عيلتها الله اعلم چايبها منين
هتف آسر  عاليا:عمتى سليمه  الزمى حدودك ومتدخليش فى اللى ملكيش فيه ومراتى متجبيش سيرتها على لسانك انا مراتى كرامتها من كرامتى والعز اللى انتى عايشه فيه انتى وبنتك وابنك اللى مسافر برا دا من فلوس ابويا وفلوسي يعنى مش من مجهودك ولا مجهود ابنك اللى طبعتيه بطبعك اما ياسين فهو طالع لعمى مهدى ابوه راجل ويعتمد على نفسه
آيات: نورهان وأسيل مش من الشارع ولا شحاتين دول احسن بنتين عرفتهم  وبفتخر بمعرفتهم
سليمه: مين اللى بتتكلم دى آيات اللى رفضت و لدى واچوزت غريب واهو فى الآخر رماها وبعتها اهنه غضبانه قبل ما تتم شهر فى بيته .
انصدم الجميع 😨😨😨😨😨