آسر قلبي ولدمعي آسيل

25

*****الفصل الخامس والعشرون*****

استيقظ مازن ودخل المرحاض ليأخذ دش بارد وارتدى ملابسه ونزل الى تحت يبحث عن آسر او آيات او أسيل لكنه لا يجد اى منهم ذهب الى ناحية الجده
مازن: صباح الخير ياتيتا الحاجه
الجده: صباح النور يا مازن يابنى  قصدك تقول مساء الخير دا الضهر اذن من بدرى واللى بيوزع الارزق وزعها من بدرى
مازن: ههههههه معلش بقا ياتيتا اصل نمت متاخر
الجده: ولا يهمك يا ولدى . صحيح آيات هتقولك تروح المحطه تچيب امك وبوك
مازن: آيات هى فين صحيح من. الصبح بدور عليها وعلى آسر مش لاقي حد .
الجده: دول خرجوا من بدرى راحوا البندر يچيبوا اغراض للفرح وخدوا معاهم نورهان عروسة ياسين يچيبولها شوية اغراض بردك. عاوز منهم حاچه يا ولدى .
مازن:لا يا تيتا الحاجه بس كانت صحتنى قبل ما تمشي
الجده: ماهى كانت عيزاك تروح معاهم بس خرضيتش تقلقك ولما اتصلت والدتك بيها قالت خلاص مازن لما يصحى هيروح يچيب والدته ووالده . اقعد بقا افطر وبعدين روح
مازن: هه . لا يا تيتا لما اصل متاخر اوى
الجده: يا ولدى متخرجش وريقك فاضي اكده حتى اشربلك كوباية لبن تقويك . يا افكار. افكااار.   يووه راحت فين دى يا سناء سنااااء
سناء: ايوه يا اما الحاچه
الجده :فين افكار بنادى متردش
سناء نزلت للغرفه اللى تحت تچيب منها اغراض
مازن :نظر لها باستغراب وقلق وسألها سريعا . دى الغرفه اللى فى آخر الجنينه اللى لوحدها دى وجنبها شجره
سناء : ايوه يا ولدى فى حاجه ولا ايه
مازن :هه لا لا انا كنت عايز انزل اساعدها
سناء : لا متخافش هى هتچيب شوية حاچات خفيفه وهتطلع طوالى
الجده: طيب روحى يا سناء اعملى كوباية حليب دافيه لمازن ولدى بس علطول متعوجيش عشان وراه مشوار مهم
سناء : حاضر يا اما
مازن : عن اذنك يا تيتا راجعلك تانى
الجده : اذنك وياك يا ولدى
ذهب مازن سريعا الى تلك الغرفه ووقف بعيدا ليراقب ماذا ستجد افكار هل ستجد احد فى الغرفه ام لا
رأى ان افكار جاءت بأغراضها ولم تجد شئ استغرب مازن قائلا لنفسه: ياترى راحوا فين . ثم رجع مكانه سريعا وذهب الى الچده ليرتشف بعض من كوب الحليب ثم يذهب الى المحطه سريعا وهو فى الطريق حاول ان يتصل بآسر وآيات ولكنهم تركوا هواتفهم فى السياره ونزلوا ليشتروا الاغراض
ظل مازن يزفر ضيقا فهو يريد الوصول لآسر باى شكل من الاشكال وعندما وصل مازن الى المحطه وجد والدته ووالده سلم عليهم وذهبا الى السياره
والدة مازن : ايه يا مازن عملت ايه مع مراتك !؟
مازن : الحمد لله يا ماما كل خير
والدة مازن: يابنى بجد اتصالحتم وعرفت انك مظلوم ولا بدارى عليا انا مش هيبقى ليا عين اروح هناك لو هى لسه زعلانه منك
مازن: يا ماما صدقينى والله آسر جاب فيديو من المكتب وهى شافت كل حاجه وعرفت انى مظلوم
والدة مازن : طيب كويس
مازن : بس انتى ليه اصريتى انى اجى اخدك من المطار
والدة مازن : بصراحه فيه مفجآه ومش عارفه افاجئ آيات بيها ازاى
مازن باستغراب : مفجآه !!!؟مفجآة ايه
والدة مازن: بصراحه آيات كانت معايا وانا بعمل التحاليل بتاعتى وطلبت منها تعمل تحليل حمل هى كانت رافضه فى الاول وقالتلى انها قدامها كام يوم على ما الشهر يعدى والتحليل مش هيفيدها بحاجه بس انا اصريت عليها وقولتلها فى ناس لو حامل وهرمون الحمل قوى بيبان عندهم من بدرى والتحليل طلع علطول وفعلا طلعت حامل
مازن : ايه حامل بجد يا ماما حامل انا هبقا بابا لا بجد ياماما
والد مازن: مبروك يا مازن يا ابنى
مازن : الله يبارك فيك يا بابا انا بجد مش مصدق
ضحك الجميع ولكن انقبض قلب مازن مره اخرى عندما تذكر عادل ومن معه وخطة اميره
والدة اميره : مازن . مازن. ماااازن
مازن: هه. نعم يا ماما
والدة مازن : سرحت فى ايه
والد مازن : اكيد الفرجه ملخبطاه
ابتسم مازن قائلا: ايه يا ماما كنتى بتقولى ايه
والدة مازن : كنت بسأل هتفاجئ آيات ازاى !؟
مازن: سيبيها عليا دى يا ماما
والدة مازن: انت ليه زعلان او فى حاجه كاسره فرحتك ياحبيبي
مازن : ابدا يا ماما انا كويس
ثم امسك اتف وظل يتصل بآيات ونورهان وعندما رجع مازن مع والديه الى المنزل فلم يجد آسر او آيات اواى احد منهم فى المنزل
فسأل الجده : هما لسه محدش جه احنا بقينا بالليل
الجده : هما چهم يا ولدىبس على بيت نورهان عشان يوصلوها وچايين طوالى
وبعد حديث الجده :سمع مازن صوت سيارة آسر  تصف بالخارج فوجدهم جميعا يدخلون
انتفض مازن سريعا من مكانه وذهب باتجاههم فوجد آيات امامه تذكر حملها ونسي كل ما بخاطره ابتسم وسلم عليها وحضنها بشده
آيات: ايه يا حبيبي مالك انت بتحضنى جامد كدا ليه زى ما يكون كنت بعيد عنك من فتره
مازن بقلق : يعنى بلاش احضن مراتى حبيبتى
آيات : مالك يا مازن انت مش طبيعى النهارده ليه حاجه تعباك
مازن : هه لا ياقلبي بس انتى اتاخرتى اووى ومن ساعة ما صحيت لحد بالليل مشفتكيش
تستند آيات برأسها على صدره قائله : حبيبي يازونه
ثم ترفع راسها سريعا امال فين بابا وماما
مازن : قاعدين جوه
تجرى آيات سريعا وهى تقول : بجد دول واحشنى اوى ماما ماماااا
مازن: استنى يا مجنونه انتى بتجرى
ثم يلحقها مازن بالداخل امام الجميع ليشدها من معصمها انتى بتجرى كدا ليه متجريش كدا تانى
حزنت آيات من عصبية مازن عليها امام الجميع ودمعت عيناها ولكنهالم تنظر له وحاولت اخفاء حزنها امام الجميع ثم سلمت على والدة مازن ووالدها
واستاذنت لتصعد الى غرفتها لتبدل ملابسها ولكنها عندما صعدت انفكت تبكى وتنزل دموعها التى حبستها امامهم
لتجد مازن يحتضنها ويقبلها بلهفه
ابتعدت عنه وسارت بعيدا ولكنه جذبها مره اخرى الى احضانه ووضع يده على بطنها قائلا انتى زعلانه منى
آيات: ايوه زعلانه كان لازم تزعقلى قدام الكل
مازن : طيب انتى مش مستغربه انهم مزعقوليش لما زعقتلك قدامهم زى العاده وضحكوا
استغربت آيات: صحيح. ليه
مازن: علشان هما عارفين ان انا معايا حق انى اخاف على البيبي بتاعى
آيات : البيبي بتاعك!!!؟
مازن: ايوه البيبي بتاعى اللى انتى شيلاه 
نظرت له آيات باستغراب
فرد مازن قائلا: ايوه يا آيات انتى حامل
آيات: هههههههه غريبه دى والله انا اعرف ان الواحده هى اللى بتعرف وبعدين تروح تفرح جوزها وتقوله  انما واحد ييجى يقول لمراته انتى حامل غريبه شويه دى صح
مازن: اتريقي براحتك . انتى ناسيه ان ماما طلبت منك تعملى تحليل حمل وانتى كنتى رافضه
آيات : ايوه انا كنت نسيت خالص
مازن : اهو التحليل دا طلع وطلعتى حامل
آيات : بجد بجد بجد يامازن انا حامل انا هبقا ماما 
مازن : ايوه ياقلب مازن هتبقى ماما واحلى ماما واحن ماما
آيات: انا فرحانه اوى لازم اقول لآسر والعيله
مازن: طيب طيب اهدى يلا خدى دش الاول وغيرى هدومك وانا هنزل عشان عايز آسر وانتى انزلى بعد ماتخلصي . اوك
آيات : اوك بس اوعى تقوله انا اللى هقوله
مازن : حاضر ياستى بس بسرعه بقا
آيات : حاضر يا زونه
************************************************
نزل مازن يبحث عن آسر فاخبرته افكار ،: آسر طلع اوضته ينام شويه عشان صاحى من بدرى وتعب فى تجهيزات الفرح
مازن بزهق بداخله ولكنه حاول تمالك اعصابه قائلا : طيب واسيل راحت فين
افكار : طلعت مع چوزها ياولدى ماهى كمان تعبت معاهم النهارده
مازن لنفسه: يعنى مش هعرف اشوفه ثم يجلس قليلا بانتظار آيات فلم يجدها فصعد لها ليطمئن عليها فوجدها اخذت حماما وبدلت ملابسها وغت على الفراش من شدة تعبها اليوم فقام مازن واعدل نومتها وقبلها ثم وضع يده على بطنها وهو فى شدة قلقه ولم يستطيع النوم فظل فى الشرفه واطفأ جميع الانوار وكان يراقب  هذان الوحشان  
ولكنه راى اميره تخرج من المنزل لتقابلهم فنزل سريعا ورائها واختبئ وراء الشجرة بجانب الغرفه فسمع اميره وهى تتحدث قائله: بكره هتنفذوا اللى اتفقنا عليه واى غلط هوديكم فى ستين داهيه انتوا فاهمين ولا لا
ثم ذهب مازن الى غرفته مره اخرى ليجد عادل يخرج بعيدا وظل فاروق بالغرفه فنزل مازن سريعا ودخل على فاروق الغرفه والشر يتطاير من عينيه فزع فاروق فور رؤيته لمازن وتصبب عرقا فسأله مازن : انت مين وعايزين ايه وايه علاقتكم باميره رد  ...ولم يكمل كلامه حتى شعر بيد على فمه ثم شم شئ جعله ينام وبعد مروى ساعه فاق مازن ووجد نفسه مربوط بحبل قوى فى هذه الغرفه ويجلس امامه عادل وفاروق
عادل : انا معرفش جالنا من انهى مصيبه دا احنا نخلص عليه
فاروق: نخلص على مين انت كدا هتودينا فى داهيه احنا نسيبه هنا فى الاوضه دى لحد ما النهار يعدى ونخلص مهمتنا وهما يبقوا يلاقوه بمعرفتهم
عادل: غبي كدا هو عرفنا ويقدروا يجيبونا فى اى لحظه
فاروق: هيجيبونا ليه
عادل: ليه ازاى ياغبي انت لما يلاقوا جثة اسيل
فاروق: لا احنا مش هنخلص على اسيل احنا هنمضيها ونسيبها يا اما ناخدها معانا لحد ما نستلم كل شئ وبعدين نسيبها احنا مش هنقعد فى سين وجيم
عادل : انا هكمل الخطه وزى ماتيجى ولو حصل حاجه اهو نتاوى فى خن لحد ما نهرب من هنا برا البلد
فاروق: نهرب بايه وحيلتنا ايه
عادل : ياحمار افهم عمى كان شايل لبنته خمسه مليون جنيه غير الشقه اللى تجيبلها زياده عن مليون وغير انها لها اسهم فى شركات بنسب كبيره وكل دا محدش كان يعرفه
فاروق: يعنى مقولتليش كل دا قبل كدا وكل اللى قولته انها شقه فى حته حلوه وقرشين صغيرين
عادل: هه ياااض انا انا كنت عاملك مفجآه
فاروق: لا ياصاحبي انت كنت ناوى تخون بس مش مشكله انا دلوقتى خلاص عرفت وكل حاجه هتبقا بالنص
عادل : هه نص اااه ماشي ياصاحبي .المهم انت هتفضل عينك على الواد دا لحد ما اخلص انا الحوار دا
فاروق: لوحدك اه هاخد البت  وهخدرها تستنانى انت فى العربيه  ونوديها على الاوضه اللى هناك وهخلص معاها ونهرب انا وانت
فاروق: ماشي ياعادل بس اى لعب بديلك هجيبك ومتنساش انى عارف كل المخابئ بتاعتك
عادل: لا متقلقش مفيش لعب بس انت خد بالك من الواد دا اوعى يهرب لو وصلهم هنبقا انتهينا
فاروق: طيب هما اكيد هيقلقوا عليه وهيدوروا لو ملقوهوش هتبقا مشكله
عادل : هوانت مش لقيت تيليفونه معاه
فاروق : ايوه
عادل: طيب محلوله ابعت رساله على تيليفون مراته قولها ان فى شغل ضرورى اضطريت اسافر مصر لو مسافرتش هتحصل مشكله كبيره لآسر وياريت متعرفيهوش عشان ميحصلش مشكله ويسيب فرح ياسين ولو حد سألك قوليله راح لواحد صاحبه عنده مشكله جامده وجاى على بالليل ومتقلقيش هكون معاكى فى الفرح
فاروق: تمام  بعت اللى قولت عليه
عادل : حلو اوى
************************************************
فى غرفة آيات استيقظت وظلت تبحث عن مازن ولكنها لم تجده فامسكت بهاتفها لتتصل به ولكنها وجدت منهورساله
فهتفت لنفسها قائله: ياترى مشكلة ايه اللى تستدعى انك تسافر علطول كدا يا مازن وليه مصحتنيش قبل ماتمشي
بس اكيد محبتش تقلقنى
وخرجت وقفت فى الشرفه التى تطل على هذه الغرفه فالغرفه بها فتحات بسيطه من بالداخل يرى من بالخارج ولكن من يقف بالخارج لا يرى جيدا من بالداخل خصوصا لان الغرفه مظلمه وقفت آيات وكان مازن يجلس على كرسي مقيد به فى هذه الغرفه ويرى آيات وهى تقف امامه بالشرفه فهبطت دموع مازن بالبرغم من انه يراها جيدا ويشعر بقلقها وحيرتها فلا يستطيع ان يذهب اليها ويضمها
ثم ذهبت آيات الى تحت لتسأل على آسر فوجدته يجلس مع الجميع ومعه أسيل. فجلست معهم يتحدثوا ويتمازحوا
فسالها آسر: امال فين مازن لسه ناموسيته كحلى
آيات بقلق : لا هو راح لواحد صاحبه واقع فى مشكله جامده وهيكون هنا على بليل
آسرباستغراب: واحد صاحبه !!!؟ عموما قوليله ميتاخرش
آيات : حاضر .آسر مش تقولى مبروك
آسر : على ايه
آيات بخجل: انا حامل
آسر : بجد مبروك ياحبيبتى الف مبروووووك يعنى انا هبقا خاله
آيات: ن شاء الله عقبال اسيل وتبقى اب كمان وهى تبقى احلى ام
أسيل: مبروك يا يويو مبروك ياقلبي . يعنى انا كمان هبقا مرات خاله
آيات: انتى هتبقى خالته عشان انتى اختى انا مش بس مرات اخويا
اسيل : اكيد طبعا
آسر : عقبالك يا سولى
أسيل: ان شاء الله
آسر: يلا يا آيات خلى الكل يجهز وقولى لعمتك سميه ومرات خالك افكار وسناء يجهزوا الهدايا وعلبة الدهب ياسين دخل غرفته اللى هنا هيلبس فيها
آيات : حاضر  هقولهم وهطلع البس ثم تذهب آيات فينظر آسر لاسيل قائلا: ايه ياقمر وانت كمان مش هتطلع تلبس
أسيل: حاضر ياحبيبي بس لما انت تلبس الاول انا هجهز علطول
آسر: لازم تطمنى عليا فى كل حاجه الاول وبعدين انتى
أسيل: طبعا انت قبل اى حاجه فى الدنيا حتى نفسي
ثم غمز لها آسر قائلا : طيب يلا نطلع
اسيل: آسر ناوى على ايه
آسر : هقولك فوق
ثم صعد آسر واسيل الى غرفتهم واحتضنها آسر  قائلا بطفوليه : أسيل  انا عايز ابقا بابا
أسيل: كله  بامر الله يا آسر
آسر: ونعم بالله بس ربنا قال اسعى ياعبد وانا اسعى معاك فانا لازم اسعى
اسيل: آاااااااسر هنتاخر
آسر: والله لسه بدرى انا خليتهم يجهزوا عشا يتشغلوا وناخد راحتنا محدش يفضل ينادى
أسيل: يا آسر بس
آسر: يا أسيل مبسش .
أسيل: انت مجنووووون
آسر: بيكى مجنون بيكى وبمووووت فيكى
ابتسمت اسيل بخجل
ليغنى لها آسر بمزاح قائلا: ضحكت يعنى قلبها مال
ضحكت أسيل عاليا ضحكه انثويه ليضحك آسر قائلا : ايووووه بقا هو دا
ثم يذهبا الى عالمهم الخاص 💕💕💕💕💕💕💕💕💕💕💕💕💕💕