مساء الخير
الى كل متابعي قصه سلاسل من رصاص
للكاتبه ذكرى المندلاوي
حسين
وهسه ياهو الي يتشاهد
سعد التفت وعيونه مليانه دموع بفقد اخو العزيز وهو بين ايديه وغركان بدمه
حسين
لا تلتفت احسنلك
سعد
شتريد تسوي سويه اني بعد ميهمني
انت الي جبرتني اكتله
صاح سعد
كتلك لتحجي اتريد تكتلني يالله شمنتضر بسرررعه
هه اتشاهد
وهو يريد يرمي صار رمي قوي وصوت سيارات الشرطه وعشيرة سعد تقريبا كلها ترمي
حسين اتصوب بجتفه وبرجله
وكع بلكاع
فهد وكف على راسه
ياخسيس انت الموت قليل عليك التفت الابراهيم
شيلوه سلموه للشرطه
لزم سعد من ايدهة ويريد يكومه
سعد منظره وهو متمسك بجثه اخوه مئلم
فهد
البقيه بحياتك
سعد
رفع راسه وهو يمعن النظر بعيون فهد
وبصوت مخنوك
شكول الامي هااا كلييي شكوللهة اني السبب للمره
الثانيه بقتل ابنج ولك هذا جان مصوب
اترجيته يرجع لكن رفض حته ليخليني وحدي
غيرته على اخوه منعته من يعوفه وحده
وانه الاناني الي جنت ماشوف بس روحي نسيت وراي اخوه منتضرين وكفتي وياهم
عبالي الدنيا الي ملكي اترعنت واتفرعنت
فهد
لا ادكول هيجي مكتوب اله لهنا خبزته بهل الدنيا
وترحمله
سعد
الكل موت سبب واني السبب
صاح بصوت
اخخخخخ خويه وين رحت وعفتني
ريتني ابمجانك
امي جهالك شكللهم من يسألوني عليك
حرمتك
اخخخخ بويه كسرتني ابفراكك ياحزام ضهري
*******
رقيه
زهره يكلون كاظم اخو سعد مات
زهره
شنووو صدك تحجين
هسه راضي خابرني وكلي خطيه كلش متأذي
زهره بعد الي صار لازم اروح
جواهر
ولج وين رايحه ابوج مايرضه ليكضنج هدور يطلعن
حركتهم بيج
رقيه
يا جاهيه شعليهة
زهره اتذكرت موقفهم وياهة من مات علاء
يمكن كلام امي صحيح بس لازم اروح مااكدر اعوف سعد وحده ابهل الموقف
رقيه
بعدج تحبي
مو شغله احبه او لا سعد مهما يكون زلمتي والمره منه لازم توكف ويه زلمته وكت الي يحتاجه وانه متأكده انو هسه محتاجني كلش
جواهر
من يجي ابوج عود كليله وانه واختج نمشي وياج
من بعد اليوم مستحيل اعوفج وحدج وياهم
زهره اتألمت الموت كاظم عافتهم وطلعت الغرفته بدون ماتكلم احد
*******
رقيه
انه تراني غرت
جواهر
انه شعندي غير كم انتم واخوتج هل عايشه ليكم
وابوي ماتريدينه
جواهر
احنه بعد كبرنه على هل السوالف لجن هوة
زلمتي صار وغصب وبرضاي لازم اتوالم وياه حته انساير العمر
رقيه
يعني افتهم من كلامج انتي ماتحبينه الابوي رغم هل العشره الطويله بيناتكم
جواهر
احبنه جا شلون مااحبه الحب يجي ويه العشره
شلون عرفتي نفسج تحبي
جواهر
ههه
اشوفن اليوم اسألتج زايده عن حده
رقيه
اييي غير امي واريد اعرف من خبرتج واني بنيتج
وعلى وجه زواج
جواهر
شوفي يابعد امج الحرمه منه تلكيهة تحب زلمته وهيه ماتعرف
وتكوم تسوي شغلات غصب عنه بدون ماتعرف لويش ومن
تغار عليه من اي حرمه حته من امه وهيه ماتدري ولويش وهاي كله معناه هيه وكعت بلعشك ومالهة بعد جاره
اتذكرت غيرته على راضي
يعنبييي كلام امي صحيح اني بديت احبه
مستحيل وانه مااكدر انسه انو هو مجرم وقتل احب انسان اليه
معقوله خلاني انسه علاء واحبه رغم الي سواه
مستحيل
اني اكرهة الراضي
أنت تقرأ
سلاسل من رصاص
Romanceتدور القصه حول خلاف بين عشيرتين يقتل فيها الابرياء وتموت فيه العاطفه ولا يبقى سوى الحقد والعداوات لسنين فهل يستطيع روميو ان يعيد حبيبته جوليت الى الحياه ام تبقى الخلافات و يموت الحب الى الابد القصه للكاتبه ذكرى المندلاوي
