يوميات مسعوده الجزء التاني
الحلقه واحد وعشرون:
فات اسبوع وجي اليوم الموعود ويلي هو خطوبت خالد لي مسعوده 😻
ع مريم: مسعوووده يا مسعوده نوضي يا بلي وقت بش نضمو الحوش وتوتي روحك نوضي ياسرك نوم😡😡. وفتحت عليها الضي
مسعوده: ها ياماما خيرك من جاينا تنوضي فيا😩😪
ع مريم:ربي يصبرني عليك تي نوضي مش اليوم جايك خالد وامه بيخطبوك رسمي نوضي هيا🙄😡
مسعوده:تي مش برانيا هما يا ماما خيرك خليني مزيد شويه😓😪
ع مريم : مصح وجهك تي نوضي. ومشت جابتلها طاسه ميه مسقعه بزعتها عليها.
مسعوده: ااااااه مسسسقعه يا ماما علاش هكي اهو نضت. 😬😬😬😭😭
ع مريم:أيوا هكي انتي متمشيش الا لما يديرولك نفس عمايلك بش تنوضي😏😏
مسعوده :به خلاص اطلعي ولاحقاتك. 😞
وطلعت امها واتصل بيها حنين
حنين: ايوه بي ألعروسه شن نجي نساعدكم؟🤓😂
مسعوده: ها ها ها بارده تي اني كيف نضت نوضتني امي بميه مسقعه ع راسي. 😤😑
حنين: تستاهلي هكي بش تنوضي انتي هي شويه وجاياتك اني. 😂
مسعوده: به به هي سلام. (وسكرت عليها)
ناضت مشت غسلت وجهها ولبست توته قديمه عندها بش اضم مع امها ونزلت وطقطق الباب علي جيت حنين
حنين: هي خشي بسرعه معش في وقت 🙂
مسعوده: وااك خيركم هكي مستعجلين☹️
ع مريم من المطبخ: مستعجلين عينك راقده للظهر وهما العصر بي جو 😡
حنين: اي قالي علي بيجو مع العصر هي خلي نضمو مع امك ونركبو لدارك نشوفو شن بتلبسي😁😄
مسعوده: به 😒
ومشو ساعدو العمه مريم وكملو حوستهم وركبو للدار
حنين: مسعوده بنسالك☺️
مسعوده :شنو😌
حنين: كيف صار هكي انتي وخالد هذا غر أعداء 😂
مسعوده: الحق مش عارفه كيف بديت نفكر فيه هلبا ونرتاح لما نشوفه وهو نفس الشي 😅
حنين:كيف عرفتي؟😃
مسعوده: تتفكري يوم الي امي طاحت عليهم في الحوش واني كنت في المدرسه وروحت ملقيتهمش وقالتلي امك ان امي طاحت عليهم ورفعوها المستشفى ؟😂😂
حنين :اي
مسعوده: هوني اني حصلت ضربة شمس وسخت وقامني خالد ورفعني لي حوشه وقبل ما تجي امه شدلي ايدي وقالي مش عارف امتى حبيتك هكي وأمت هديتي عقلي هبلتيني يا بنت الناس قعدت نفكر فيك كل لحظه صوتك ضحكتك وكل شي فيك وانحبك. وهدا كله وهو يحسابني سايخه منسمعش فيه😂😂😂
حنين: اوووووو طلع رومنسي الاستاذ ولا انتي ابدعتي في التمثيل😍😂😂
مسعوده : هههههه اي 😂😂
حنين: به وانتي تحبيه؟😍
مسعوده: امممم مش عارفه🙈
حنين: تكذبيش عليا قولي😒
مسعوده: اي😻🙈
حنين: وكانت فاتحه فونها ومعاها ع الخط هلي وخالد وسمعو كلام مسعوده وقالت: اعترفت اهو سمعتها ؟😹
شافتها مسعوده بي صدمه وقالت: يا كلبه شن هدا خزي عليك نكذب اني نكرهه منحباش هي باهي😡😡. (بعصبيه)
خالد: حي شكله مسعود تكنطى تي سيورك وانتي ح تقوليها توا ولا بعدين😂😂
مسعوده خدت التليفون من حنين وسكرت عليهم ولوحت التليفون وشدت تضرب في حنين وحنين ميته من الضحك😹😹😹
حنين: خلاص خلاص هيا وقت خلي نشوفو شن بتلبسي😹😹
مسعوده: لا معش نبي 😡😡
حنين : معش تبي عينك متخلينيش نكلم امك😡
مسعوده : واك به به هيا 😑
أنت تقرأ
يوميات مسعوده 2
Humorيوميات مسعوده الجزء الاول موجود عند @heba_haboo وهذا تكمله ليه وان شاء الله تعجبكم😻😻
