حب في أرض الخوف

الجزء 14

#حب_في_أرض_الخوف
#بقلمي شمعة امل
#الجزء الرابع عشر

عبير .....دماغي راح يطك من الضوجه والعصبيه

....والله ولا اعبرلكياها عقولان
ياابو نص عقل ...
بس شسوي ياربي ...  شلون .....

.....اووف .....شلون راحت من بالي

.....عندي رقم ابو سعد ....اتذكر مره سجله بوحده من ملازمي ...مدري بورقه ....
خلي اروح ادور الرقم احسن ....

....ورحت دورت بين الملازم ..والاوراق ...

....يعني وين راح ...اني اتذكر هو سجله ....

.....تذكرت .....باوراقي الي كنت حاطتهن بجيب اللفكس ...

.....طلعت الأوراق .. .بيهن كم وحده مرسومات ...دورت بيناتهن
وجان الكاها للورقه

مسجل عليهه رقمه وعنوان محله

....بالله العنوان مااريده ..
بس الرقم .....
شلون اتصل عليه واهلي بالبيت ....

يعني الوالد يطلع للمحل هاي سهله
زين الوالده شلون
.....تالي تذكرت هيه كالت قبل كم يوم كالت تريد تروح للخياطه جيرانه حتى تخيط دشداشه الهه

........
....حاولت اقنعهه اكمل اني شعدهه شغله بالبيت
وهيه تروح للخياطه ....

ماقبلت بالبدايه
وبعدين كلتلهه طلعي شويه هم غيري ورتاحي من شغل البيت

كوه اقتنعت وطلعت العصر
رادتني اجي وياها بس اني مقبلت كلتلهه اريد اسوي كيكه مشتهيتهه ....
وراح اطلع المواد واطركهن بالخلاط

شافتني بديت احظر بالمواد
وشكلت الخلاط مال الكيك ....

وحطيت البيض والشكر والطحين والدهن
وباقي المواد
.....وهيه الوالده اول ماطلعت واني ركض على التليفون ...

    شمعة امل

طلعت الرقم ورحت اتصل ....

دكيت مرتين والثالثه ... وجان احصل ....

........الووووو نعم ....

عبير..... .كوه بلعت ريكي ....احم احم ...
شمعة امل

الووووو مرحبه ....

.....ياهله مرحبتين ....منو .....

....العفو ....مو محل ابو سعد ....

حيدر .....اي نعم تفضلوا

عبير ....ابو سعد موجود ....

حيدر .....اي موجود لحظه ....

.....ابو سعد ....تليفون عليك ......
اني اشوف طلبات الزبونات بمكانك ....

رعد ......خوش .....

.......اخذت التليفون
....الوووووو نعم ....

عبير .....اي هسه مبين هذا صوتك