ام زوجي الظالمة (حماتي المستبدة)

الجزء الرابع

#حماتي_المستبدة
البارت الرابع

بقلمي
#همسات الليل(ام آيه)

احمد.....
الو هلو زيدون ...

هله ابوليث شلونك....
ابوليث عيني تعال لمستشفى اليرموك....

خير زيدون عمار بي شي؟؟؟؟

ان شاءالله سلامات لتخاف...
السالفه وما بيها (.......)

احمد.....شنو لا بربك ...

سعاد ....شفت احمد اصفر وضرب على راسه ..عرفت عمار بي شي....وصحت با اعلى صوتي...
وليدي عماااااار...
شبي اخوك يمه احجي...

ماكو شي يمه ان شاءالله ...
ولك شلون ماكو شي وجهك صفر جنه ليمونه...

سهله يمه بس امشوا بسرعه الله يوفقكم....

سعاد.....يول يا احمد تحجي شصاير ويه  اخوك ...
لو هسه اذبح نفسي واكلبلكم البيت عزه على روسكم والله....

احمد.....
عمار مضروب طلقه بطنه قبل ساعتين وهسه زيدون يمه وخابرني ..

بس استعجلوا  الولد بالمستشفى...

حسن......شبي يمعود خو ما خطره حالته...

احمد....بس امشي بسرعة لخاطر ربك لتظل تلغي خلي نفتهم....

سعاد....
اسمع الحجي وانهد حيلي وكعدت بالكاع واضرب بوجهي...

يبوووو ساعة السوده على وجهج يا سعاد....
اخو ديموت ويكلي سهله...

يوليدي لتزرف كلبي ....
امك تموت بلياك...

اويلي على حظج المصخم سعاد ...
يا يمه وينج تعالي شوفي عزيز كلب بنتج ونظر عيونها راح  يروح من اديها ...

احمد....يمه اذكري الله وادعيله احسن من هالتفاؤل المو حلو ....

بعد عيني عينك ربي ....
شعندي غيره ...
يا ابو خيمة الزركه ابني بأمانتك ...
رايدتها منك يربي بس يكوم سالم ...
لو يريد روحي متغلى عليه....

ساعة السوده الي طلعتك زعلان من البيت يا بعد كلبها لاامك  ...
ربي يجعل يومي قبل يومك يا ماما ...

علياء....
البيت انكلب وعمتي شكت دشداشتها وتدك على وجهة وتضرب بصدرها واحنه مصدومين و نبجي...
والولد وجهم اصفر من الخوف صار مثل الليمونه...