اوتار حزينه

البارت الاول

اوتار حزينه
بقلم M.M
البارت الاول
الحب جميل ولكنه أحياناً يكون أصعب من الموت عندما تحب من هو ليس لك، أو عندما تحب ولكن النصيب يحكم ويفرق،

ساعه 8الصبح طلعت اركض تاخرت صبحت ع بيبي وجدو بيبي اني رايحه
الجده يمه اكليلج لكمه قبل لتطلعين ليصير بيج شي
ريم حبيبتي مالحك والله هسه حتى البنات عافوني وراحو
الجد تعالي حبيبه هاج فلوس واشتري لتظلين بدون اكل
بسته وطلعت اركض امشي واحجي ويه نفسي شلون راحت عليه نومه وفوكاها عندي امتحان...

احمد صباح الخير يمه اني راح للدوام طلعت فتحت الباب وطلعت السياره دا اصعد وماحس الابنيه طابه بظهري انداريت
جان تكولي العفو وراحت حتى مخلتني احجي

ظليت امشي اوف شكد ثوله هسه شيكول عليه وصلت للمدرسه حصلت رزله وطبيت للصف كعدت يم صديقتي لج مروه ليش عفتوني؟
والله انتظرناج للثمانيه الاربع شنسوي كلنه يجوز.مداوم راحت عليه نومه بدت الدروس وامتحنت الحمدلله طلعت الاسئله زينه والتهينا سوالف وضحك وشرايه خلصنه المدرسه ورجعنه وسولفتلهم ع الولد اللي انضربت بي الصبح وكامو يضحكون كلولي شكد ثوله سالو وين بيتهم كتلهم والله ماادري ورجعنه طبيت السلام عليكم تغديت وكعدت بحظن الصوبه وتلفلفت بالبطانيه ونمت وكعدت شويه اقره

نسيت اعرفكم بنفسي اني ريم حاليا عمري 24بس بالقصه 13خريجه تربيه انكليزي يتيمه عايشه ويه اجدادي اهل ابويه ماعندي اخوان

احمد خلصت دوامي ورجعت للبيت تغديت وكعدت بغرفتي اني الجبير عندي 4اخوان و3خوات عمري 29سنه خريج علوم كيمياء وخلصت ماجستير وراح اقدم ع الدكتوراء ممرتبط ولا افكر بهاي الشغلات رغم كل اصدقائي يصادقون وطبات وطلعات بس اني مالي واهس.

ريم كلعاده نفس الروتين دوام ودراسه وارجع انام مااشتغل بالبيت ابد بس العشى اساعد بيبي شويه جانو عمومي وعماتي يحجون ع بيبيتي ليش متخليها تشتغل تكولهم خطيه يتيمه ودتقره واذا اصيحها متكول لا جنت شكد انقهر من اشوف مدللين بناتهم واني محد بحالي ولااحد يسالني شبيج مابيج بس يريدون اكرب مجنت ابين حتى ليستضعفوني اكثر جنت من احط راسي ع المخده اذكر اهلي وانقهر عليهم وع نفسي اكولهم شكو خلفتوني ومتو وخليتوني وحدي خلصت الثاني متوسط ونجحت للثالث جنت متوسطه بالدراسه وصار عمري 14 اشتريت تليفون طبعا من تقاعدي لان محد يحير بيه وفوكاها هيه فلوسي يحجون ع ليش تشترين وليش تجيبين عبالك اني مو بشر جنت ابد مااجاوبهم بيبيتي متقبللهم بس شتسوي مره جبيره ومريضه.

احمد امي تريد تزوجني واني مااقبل اكولها بعد وكت حجيه لا يمه شنو بعد وكت اللي بكدك بزرهم بطولهم..
حجيه فدوه لعمرج من الكه بنت الحلال اني اجي اكولج خطبيها عفتها وطلعت شفت صديقي بهاء.
ها شبيك كالب الخلقه
يمعود امي تريد تزوجني ع شكبرك صرت وفضني عاد فاتت من يمي البنيه اللي انضربت بيه واني دا احجي عبالك شلعت كلبي واخذته ظليت اباوع عليهه خزرتني وفاتت