وفاءاً لك

حديقة تربيتاور وذكرياتهة

تحية لكل متابعيني 😘
هل مرة ما اتاخرت عليكم ..
&&&&&&
قبل لا اكمل القصة ارد احجي اشوية على هديل ام ملاك خلال البارت السابق حجت وية قند علمود تخطبهة لواحد من قرايبهة مثل ماقريتو ...المهم هديل من طبعهة فضولية وهذا اهم اسباب الي اتضوج منة ام قند وام قند هواي اكبر من هديل لان هية جابت احمد وهية جبيرة....
اول ما صارت علاقة احمد وملاك جانت امهة تدري بكلشي وملاك اسولفلهة فأمهة جانت اتگلهلة ليش اختة ما مزوجة وهاي خاف من تبقة وياكم اتاذيكم ومن هذا الحجي ، ملاك جانت من تسال احمد ايغير الموضوع وجان ايگلهة ليش اسالين على قند دائماً اجاوبة من باب الفضول چان ايفشلهة وايگلهة اني اكره المرة الفضولية الي تدخل بحياة الغير ..مابطلت لا ملاك وامهة من هذاي السالفة الى ان يوم الخطبة راحت قند وامهة الى بيت ملاك ام ملاك باوعت على ايد قند بيدهة حلقة اتخاف تسأل وهذا الشي ايثر علىخطبت بتهة
وبعد ما طولت العلاقة ام ملاك حجت وية احمد من باب الشقة گالتة انخلي عرسك وعرس قند سوة ... قاطعة گالهة خالة اشوفكم هواي اسالون على قند بس لو اعرف شنو السبب ؟
-لا يا أَامٌَِْي انت فاهم غلط بس اي شخص ايصير عندة فضل اشو جنهة گمر وگاملة مواصفات ليش الى الان ما مرتبطة .؟
- انشالله اگولهة وهية اجاوبكم .
-يمة احمد عليمن انت مثل ابني وسالتك ليش اتكبر الموضوع.....
...

استمر هذا النقاش من رجع احمد سولف لقند كلشي فگلتة احمد اني ﺁسفة فشلتك گبال نسايبك وجاي اخليك بحرج جانت تحجي وصوتهة مخنوگ ومدنگة راسهة.
- قند ايروحلك فدوة يانسايبي والله الة ادبلك ملاك وامهة ايولون .
- لا ياعمري مو هيج گولهم الصدك گولهم اختي ماتريد تزوج وهاي الحلقة لابستهة من شباباهة علمود لحد يخطبهة...

وهيج عرفت ملاك وامهة انو قند مامخطوبةولا مزوجة وهذا الشي زود عدهن الفضول ليش قند ماتريد تزوج...( طبعاً اكو عقول مريضة لازم تدخل بكلشي)
بس من ملاك شافت رفض ام احمد لهة اتجهت لقند وعرفت سر احمد هوة اقناع قند وظلت اتگ لقند الناعم ..قنود مو غشيمة عليهة بس هية اتعبر بمزاجهة علمود راحت اخوهة لان تدري بي ايحب ملاك .
(اذا عدكم استفسار عن اي شخصة ياريت اتگتبولي بالتعليقات وراح اوضح الكم )
———————-

انكمل وصلت قند الى الالمانيا على فكرة هية دائماً اتروح متعودة عليهة وعدهة الجنسية الالمانيا هية فهذا الشي اياعدهة احمد ماعندة الجنسية بس قند وابوهة وامهة .
نزلت قند برلين نامت اول يوم وثاني يوم طلعت الى حديقة تربيتاور هاي الحديقة قند لازم اتروحلة لان كلش اتحبهة والهة هواي ذكريات بيهة الهة ولمراد صحيح هية كبرت بس حبة اله ابد ماتغير جانت تتمشه ومحد چان يتوقع انو هية عراقية اصلاً ملامحة اجنبية وستايلهة وهية غير محجبة جانت لبسة هدوم بهارية لان برلين مو حارة والجو شنه الممطر الى ان وصلو الى مكان الي جانو بي كعدت على العشب تذكر ....مراد چان متمدد على رجلين قند وتلعب بشعرة واتباوع على ملامح وجهة هوة مامنتبه عليهة فگالتة مراد ...
-اعيونة وهوة مغمض..
- هم يجي الك يوم واتعوفني ...هم اتمل مني مثلي مثل غيري .

گعدت وحط عينة بعينهة وجهة چان قريب منهة .
-ليش هيج تحجين !!
- ما اعرف بس مرات افكر هيج وطبعاً انت الك ماضي حلو اياعد على الارتياح .
حط ايدة على راسهة وطبگ گصتة بگصتهة وگالهة
شايفة هاي الدنية كالهة بجهة وانتي بجهة ...ما اعوفچ الى ان اموت.بعدهة شبگهة
-يعني انت اتحبني .
ماجاوب واكتفة بس ايشم بشعرهة ..ماكو يوم گالهة احبچ مع العلم چان ايگولهة لكل البنات الي يعرفهم اله قند چان ايجاوب انو هية تختلف عن البنات بس الي اعرفة اني اجذب على كل هذول وما اريد اجذب على قند وجان يقنع نفسة علاقتة بيهة ماواصلة الى مرحلة الحب الي الانسان ما يگدر ايفارك حبيبة.

دگ تليفون قند چان احمد ايدك مسحت ادموعهة .
- الو ..هلة حمودي اشلونك ؟
- الحمد لله آنتي اشلونك اشلون صحتك انشالله بخير .
- لا اتخاف ما اموت .
-اسم الله عليج اشبيج ليش صوتك مخنوك .
- مابية شي .
- وين آنتي ؟
-بحديقة تربيتاور.
-اشگد اتحبين هذا المكان عمي روحي افتري شوفي الدنية الناس تتمنة اتروح الى المانيا وانتي لاطشة بس بكم مكان.
- البيت شخبارة أَامٌَِْي ابوي ملاك عبير ؟
- الكل بخير ويسال عليج ... قند من اترجعين اريد امقررة حبابة .
-على شنو ؟
- على سالفت مراد ..ترة كافي والله لحگي على عموك والرجال شاريج لا تبيعين آنتي .
-الله كريم من ارجع ايصر خير ..مع السلامة .
-بـٌـٌٌـ👋ـٌٌـٌـُآٍيِ .

سدت التليفون وگعدت اتفكر بحجي احمد وتذكرت قصيدة نزار القباني:

حزن يغتالني
وهم يقتلني
وظلم حبيب يعذّبني آه!
ما هذه الحياة
التي كلّها آلام لا تنتهي
وجروح لا تنبري
ودموع من العيون تجري
جرحت خدّي
أرّقت مضجعي
وسلبت نومي
آه يا قلبي يا لك من صبور على الحبيب
لا تجور رغم ظلمه الكثير
وجرحه الكبير
الذي لا يندملولا يزول
ما زلت تحبه
رغم كل الشّرور
ما زلت تعشقه
رغم الجور والفجور
ما زلت تحنّ إليه
رغم ما فيه من غرور
قلبي، ويحك قلبي
إلى متى، إلى متى؟؟
أخبرني بالله عليك إلى متى؟؟
هذا الصّبر
وهذا الجَلَد والتّحمل
إلى متى هذا السّهر والتّأمل؟
إلى متى هذه المعاناة والتّذلل؟
——-
اااااااااه على گلبي ياريتة يوگف واخلص من هذا الوجع الي بي يارب خلصني من حياتي تعبت من هذا العشگالي لانستني اياه الاشهر ولا السنين .. احبة والله احبة وما اگدر انساه ....

&&&&&&
تشجيعكم بالمتابعة والتعليقات حبايبي 😘
*