#حب في أرض الخوف
#بقلمي شمعة امل
#الجزء التاسع عشر
رعد .....رجعت للبيت كلش تعبان وضايج ...
.بعد ماحجيت ويه عبير...... ورزلتهه على طلعتهه البارحه
بدلت ملابسي ...ولبست دشداشتي وتمددت على الفراش
هدى .. ... وهيه دتصفط. بالملابس
..شبيك رعد
...اشو شكلك كلش ضايج ....
رعد ....ماكو شي ...
هدى ......ماشي براحتك ...بس هاي الايام دااشوفك كلش متغير
رعد ....شلون يعني
هدى ....مااعرف ...اكو شي بيك كلش متغير
ودااحس ظام عليه شي بس مااعرف شنو
رعد ......اووووف ...ماكو شي ...بس تعبان
هدى ....يجوز .....
اكلك رعد ....شوكت نروح نسافر حتى نشوف سعد ....
رعد .....بعد موهسه .....ليش تشغليه
انتي مو تدرين هسه هو هم دراسه عنده ...
خليه براحته ...وبالعطله عود نروح
باجر اخابره واحجي وياه
وبعدين نشوف هو ظرفه شنو ...وشوكت نكدر نجي نشوفه
هدى ....ماشي ...كلامك هم صحيح ....
رعد ....عفيه هدى ...بروح اهلج .. فد استكان جاي ...راسي يوجعني
هدى ....صار ...
رعد ......ورحت كعدت بالهول ....
كبال التلفزيون ......
كان مفتوح ....بس لو يجي اي واحد يسالني ويكلي شطالع هسه
شنو كانت اللقطه السابقه
مااعرف اجاوب
بالي وفكري كله مو هنا
يعني هسه هاي من حجيت وياها شراح تفكر
بالله اني شجاني وهيج رزلتهه
...اي بس هيه تستاهل ....هيه غير مشافت
الشباب الي بالشارع شلون جانوا يباوعولهه
لا وفوكاهه طالعه ويه الحيه إيمان
وسرور
والنوب خلتني اني من يمي أفور يعني
لا اكدر اروح اجرهه من شعرهه واكلهه
اصعدي بالسياره
وخلي السايق الملكلك يجيبلكم الي تردوه
ولا اكدر اخفيهه اني بعيوني حتى محد يشوفهه ....
زين فرضا هاي بعد متحجي ويايه
وسوتهه زعله
...وخلي تولي ...وهسه واذا زعلت ..
غصبا ماعليهه تسمع كلامي ...
شنو بكيفهه تطلع وتفتر وتروح وتجي بلا متكلي ...
.......هاي صدك اني كمت اخربط
زين فرضا تعاركت ويايه وكلتلي انت شعليك
يعني اني شراح اجاوبهه بهاي الحاله ...
زين اشتكي لاهلهه ...لو .....
😂😂😁😁😂😆😆
خرب هاي اني شكمت اخربط ....
😂😂😁😆😅النوب خلتني اهلوس ويه روحي .....
بالله هسه الي يسمعني شيكول عليه مخبل
عاقل .....😅😅😅😅
ااوووووف منج عبير ... 😃😂😁طيرتي عقلي
هدى .......تفضل رعد ....جبتلك الجاي ....
.....هاي شبيك ...اشو تضحك ويه روحك
دضحكنه وياك .....
