ذنوب بريئة

الجزء الخامس

#ذنوب_بريئه

▪▪▪▪ام_علي▪▪▪▪
🔼البارت الخامس

ام مح~~~دكتور عليك الله شبي ابو محمد والله ماعدنا غير الله وهلرجال وكومة لحم بركبته ...

د.ك~~~اخويه المريض عنده جلطة والجلطة قويه ابوكم

هسه بعده بغيبوبه وحالته خطره وهسه بالانعاش وبعده تحت رحمة الله ...

ام مح~~يبوووو ولك جبر وين تريد تعوفني اجوي نسوان ٢لزموني ويبجون على حالي حتى وجهي ملخته بدون

مااحس لو اوعى على تصرفاتي ماحسيت  الا ابو رعد طالع من الغرفه الي مقابلنا اشرلي بيده رحت اله وامشي بدون شعور..

مبين عليه كلش مقهور كمت ازود بالبجي خويه وكع ...

ابو رعد~~اي اني جنت هناك وتلاغينا ورجلج صاير شوره موبيده صاير بكيف النسوان فوتي  جوه لا يطلع صوتج ..

هنا عالم وننفضح ...
اخذي اوراق رجلج .. كعد على الكرسي.. خله راسه بين رجليه ...
ماحسيت على الكرسي جان مكسور لمن وكعت بالكاع من كد

فشلتي والضيم الي الي بداخلي كمت طلعت قهر كلبي بالبجي علما انداريت لغير كرسي جان كل الناس صاحوا اسم الله  اسم الله...

اجى حماي ابو رضا باوعلي وماسلم وجان بيده علاكه اخذها هو وابو رعد وراحوا شفتهم بالممر واكفين ويمهم واحد لابس

هدوم مال عمليات واشر الهم كمت بقيت بالباب شفت طبيب لابس صدريه بيضه اخذ العلاكه منهم وراح دخل لغرفة جبر

بالانعاش جانت على جهه من الانتضار ياربي اللحظات تمر ببطىء..

نزلت للاستعلامات مال المستشفى وطلبت التلفون اخذته اتصلت على البيت طلعتلي حنين ...

حنين~~الوو ماما شبي بابا والله اني خايفه ...

ام~~بلشت حنين تبجي كتلها مابي شي ماما بس اريد اختج ساره..
حنين~~ساره لج ساره امي على التلفون منتظرتج !

ساره ~~الوو ماما شبي ابويه طمنيني بروح بيبي
ام ...~~~كلش انهضمت من سمعت صوتها ...

شوفي ماما ابوج بي جلطه...عدكم طماطايات بالصلاجه واني خاله خبز بالفريز اتمشي بسرعه لام سعد ام الدكان تبيع بيض

عرب و اكو فلوس بكنتوري ٣٠٠٠ جوه بالجنطه مالت عرسي ام الخرز الصغيره طلعتي ٢٥٠ جيبي بيضات اثنين وسوي

بيض وطماطه  الكم عشاء واذا الله سهل باجر اني اجي للبيت واقفلي الباب بالحديده ...

ودشداشة ابوج الزينه تلكيها معلكة اكو تايت ورده الباب  مال الحمام بسطلة باغه اخذي شويه واغسليها حبيبتي اني هسه اروح

ساره ~~صار ماما هسه اروح...
طلعت اركض بعد ماوصيت حنين على ورده وجبت بيضات وحمست الطماطه وفوكها البيض وطلعت كرصتين خبز ..