راحت باست جبين باباها و نحت لفوطو ديال يماها شافتها مليح و تنهدت تنهيدة خرجت فيها كامل عذابها حطت الفوطو في الدرج و غطات باباها مليح و شدت بلاصتها
ميأول مرة تحس روحها بأمان في حي من الطبقة العالية دار آمنة مكاش صوت قطارت المطر لي تقطر من سطح و مكاش البرود لي كل ليلة يقتلها ، كان المكان دافئ و آمن حست روحها في أحضان يماها وفهديك اللحظة أطلقت العنان لدموعها باش يلقاو طريق فوق خدودها ، قعدت تبكي بسكات ماهيش عارفة علاش تبكي . ممكن على جال ضعفها أو على جال عدم استطاعتها باش تعالج باباها وبقات أفكار تجي و أفكار تروح حتان هزها النوم هديك الليلة كانت أول ليلة منار ترقد فيها بأمان ترقد بلاما تخاف كشما واحد من السكرانين لي في جبهتهم يهجم عليهم رقدت بحال القط كي يلقى دفا في بلاصة
في صباح
ناضت صلات و نوضت باباها
منار : باباتي نوض يانور عيني باش تشرب دواك
عبد الرحمن : هاني نايض يابنتي ااااااي ظهري عاونيني ياغاليتي
منار :شد فيا ، بشوي باباتي
عبد الرحمن: يرضى عليك ربي ياغاليتي يرضى عليك ربي
منار : صحا باباتي اقعد هنا هاهو دوا اشربو حتان نوجد الفطور .
عبد الرحمن: ايه يابنتي ربي معاك .
راحت منار وجدت الفطور و حطاتو فوق الميدة قدام باباها
منار : أيا بسم الله بابا كول
عبد الرحمان : يابنتي ماكيش مالفة تخبي عليا حاجا
منار : مافهمتش ؟؟!!!
عبد الرحمن : هذي الدار و الماكلة و الدوا و الطبيب
منار : ياك جماعة لبارح قالولك وش كاين وبلي شديت خدمة .
عبد الرحمن : بصح يابنتي رعاية المعاقين صعيبة عليك نتي أنا راكي حاصلة فيا و تزيدي تحصلي في عشرين معاق ؟!
منار : كيفاش بابا !؟ عشرين معاق !😓😕
عبد الرحمن : لبارح قالولي بلي شديتي خدمة عند مدرسة المعاقين و رح تخدمي في رعاية المعاقين
منار : اه وي وي هكدا ، وبالنسبة لدار دولة عطاتها بلي يتكفل بالرعاية تع المعاقين و دوا و طبيب دراهم تاوعهم جاو من خلصتي الأولى
عبد الرحمن : يخلصو من النهار لول ؟؟؟!
منار (بإرتباك): مشي لكامل الناس ، ليا انا برك
عبد الرحمن (بإستغراب): كيفاش ليك نتي برك
منار تهدر من تحت لتحت : ياربي حصلت روحي و حصلني سي حسام تان .
منار : وي بابا لخاتش عارفين ظروفي و عارفينك مريض علاببها عطاوني دفعة أولى من عندهم
عبد الرحمن: وي ربي يجازيهم نفعونا
منار : ااااه وي نفعونا وي نفعونا
أنت تقرأ
أحببت مريضي
Storie d'amoreعندما ترغمك الحياة على البكاء لايبقى لك مجال للابتسامة ، يقال في قانون الحياة لايجتمع قلبان من دون حب ولا يحق للمعاق ان يُحَب ولا الفقير ان يُحِب الحياة ترغمك احيانا على مواقف لا تريد الخضوع لها ولكن عندما لاتكون لك أسرة تحميك فلا مجال للهرب ومن نا...
