الحلقة الثالثة
مشن يجهزن ارواحهن للعشاء
وجت الساعه 9:30
سمية......ماما حنينة جت 😍😍😍
سوسن......الحمدلله اللي وصلو طيبين😢😢
سميرة .......الحمدلله يارب روحت مينتي😭😭
حنينة.....😊🤗🤗 خير عليكم خير
كلهم مصبين فالمدخل دموعهم انزلن من الفرح😢😢😭😭
نورا اخت سوسن وسميرة كانت مع امها في تونس وعندها عيلين وبنتين مرايفتلهم 😢😢
نورا.....اظبطت خواتها نعلي الحمدلله الحمدلله امي قعدت طيبة نعلي لو تشوفن شن صار معاها شافت الموت بعيونها 😭😭😭😭
سوسن سميرة.....😭😭😭😭 نعلي ياامي ماتستاهلي
حنينة .......😢😢 اظبطت بناتها الله يربحكن ربي يخليكن ليا
سوسن سميرة......ربي يحفظك ويعطيك طولت العمر ياحبيبتي😭😭
وروحت حنهم ودارو عشاء عائلي سمح هذيك الليله 😍😍
وباتن كلهن وكان جو سمح
وسهرانات البنات فالليل آية بنت خال مرام الكبير وفاطمة بنت خالتها نورا طبعآ مسمينهن ريا وسكينة ديما مع بعضهن وقارنات الراس😂😂
آية وفاطمة .....بنات هي نديرو حاجه ناكلوها
مرام......مازلتن تبن تاكلن بعد. العشاء اللي بدري😨
آية ....قل اعوذ برب الفلق جعانه الله غالب 😂😂
مرام.....ربي يعطيك الصحه 😂😂
خشن للمطبخ ولبزن وكلن
ورقدن وجا السبت وكل واحد روح لحوشه ماعدا نورا قعدت مع امها بحكم انها الكبيره واللي مشت معاها وعارفه دوتها
فاطمة وفيروز وماهر ومحمد .......معقوله ياأمي خلاص سدك.مرايفين عليك روحي والله الحوش،بلاك شين سدك 😭😭
نورا.......الله غالب هذي امي شن ندير
طبعآ فيروز بنت نورا متجوزة بس تسكن في نفس العمارة تحت هلها
نورا.....الله يربحك سلم بنيتي عينك من خوتك وابرمي عليهم لين نديرو داله انا وخواتي ونروح 😢
فيروز......حاضر يا امي من غير ماتوصي ربي يعطيك الصحه ويخليك لنا يالحبيبة 😘😘
عند/ مرام/..
سوسن. ......شن عندك بكرى ماعندكش تطبيق مناقشة
مرام .....لا لا ماعندي😍 نبي نخش لداري😘
سوسن....به
الباب يطق
طق طق
سوسن......مرام افتحي الباب
مرام.....حاضر
مرام..... أهلين شخبارك 😍😍 شخبار العويل ماما فريحة مرت عمو سالم
سوسن .....أهلآ وسهلآ 😍😍
فريحة .....خير كيف حالك الحمدلله ع سلامة مينتك 😍😘
سوسن....الله يسلمك 😍😘 اقعدي تفضلي
وقعدن يهدرزن سوسن وفريحة
ومرام درتلهن قهوة وعصرية
وروحت فريحة
جا علي 😑
علي....خير 😑 روحت فريحة
سوسن ......اها ☺
علي.....شن العشاء
سوسن.....خفيف دايرين
علي......اها
وتعشو ورقدو عشان ينوضو بدري قرايا
وجا الأحد
فالصبح ناضت مرام تجهز في روحها تبي تمشي
وفطرت وكملت وطلعت باي يا ماما
سوسن...باي ردي بالك من روحك
مرام.....حاضر 😍😘
وماشيه ع كرعيها نفس كل صبح
زكريا.....صباح السماحه
مرام.....مبرد دمك اووف😑😑
وصلت للمدرسة
مرام.....صباحو يا أحلى صحبات😍😍
هند....😑😑😏😏
ساره....صباحوو😊😘
مرام......هند كنك ☺
هند.....شي😑
مرام....احكي كنك مش عوايدك 😯🙁
هند.....أسمعي يا أنتي قولي لبوك ايخطاني احسن مانقولها لخوتي ايوا ومش راح يسير خير 😡😡😠
مرام ......😦😦😟😟 بابا كنه
هند......والله بوك صايع ومش تمام
مرام ......😔😔 عيب يا هند
هند.....هذا الواقع ارضي بيه😒😒
ساره....وسعن بالكن يابنات رانا صحبات 😯
هند.....لا صحبات لا شي مانصحبش وحده بوها صايع😒
مرام.....😢😢😔 بارك الله فيك يا خيتي
مرام .......بس وطي صوتك توا يسمعن البنات احكي بشوية 😔😔
هند......لا نوطي صوتي لا شي خليهن يعرفنك ع حقيقتك 😡😡
مرام......انا شن ذنبي😢😢😢
ساره.....خلاص يا هند زودتيها مرام شن دخلها هذا بوها ماتقدر اديرله شي😡
مرام......😔😔💔
هند.....باي توا نمشي ندور صحبات احسن منكن 😏😏
ساره...طريق السلامه 😑😑
مرام.....😔😟😟😦💔
ساره......ماتزعليش روحك يا ميمي انت مش غابية في هند عصبية ولسانها طويل لكن ماعندهش نية ومهما يسير نحن صحبات فاهمه 😟
مرام......بابا زودها ياساره هند مش اول بنت تجي تشكي منه
حتى أيام الأعدادي يجن يشكلي. منه،😢😢
ساره.....مانبي نزيدها عليك ياحبيبتي بس حتى انا مضايقني وصلت بيه لدرجة أيامها لما يجيبك ليا وبعد يروحك يجي يصبي حذا الباب ويقعد يكلم في خوتي لصغار ويقوللهم كلمولي امكم 😓
ويقوللهم نبي رقمها
ماما تقعد ماسكه قلبها تخاف من واحد من خوتي او بابا يجي يفهم غلط 🙁🙁
مرام......😭😭😭ليش هكي يابابا
ساره.....ماتفهميني غلط انا كيف خيتك بس ممكن امك منقصته وحارمته من حقه🙁
مرام.....لا والله بابا هكي من زمان 😔😔
ساره......خلاص سكري ع الموضوع الجرس رن هيا نمشو نصبو فالطوابير 😉😘
مرام ....هي🙁😔
وصبن فالطوابير وبعدها رقين لفصلهن وحضرن الحصص وكملنها طول الحصص
وهند اتخزر في مرام
ومرام المسكينة ماذنبها شي خاطرها تصرخ بصوت عالي وتقول لهند مش انتي بس حتى انا بنته ضايقني هذا مايعرف حرام وحلال هذا مريض نفسي😭😭😭😭
بس مرام كانت ساكته وقلبها مكسور ومكمله طول الوقت منزله راسها ماعندها وجه تقابل البنات 😔😔💔
وجت استراحة الفطور
ونزلن ساره ومرام شرن فطورهن ويتمشن ويفطرن
جتهن سالمه😊
سالمه.....هاي بنات 😊
مرام ساره ....اهلين 😊 شخبارك
سالمه...تمام وانتن😘
مرام.....الحمدلله
ساره....الحمدلله
سالمه.....مرام تعالي نبيك بروحك 😘
مرام....لا احكي عادي ساره عارفه بالموضوع😘😊
سالمه.....😅 تمام شن صار فكرتي عبدالسلام يرجا في ردك
ساره....😊
مرام....😅 تمام موافقه
ساره .....😶🙃
سالمه....تمام يا مرت خوي 😍😍 مدام وافقتي هذا رقمه رني عليه
مرام.....اه😟😦😓 بس انا ماعنديش موبايل
ساره.....كلميه بموبايل امك 😐
مرام.....نخاف 😓
سالمه.....توا تشوفي روحك عاد 😂 نا توا بنمشي لصحباتي المهم بعدين نطلعو مع بعضنا يبي يشوفك 😊
مرام.....إن شالله باي توا 😊
سالمه ....باي
مرام.....ساره ياريتني ما وفقت خايفة😭😭😭
ساره.....اس بلا حركات بلكي يقعد فيه الخير ويجوزك واتريحي من هم بوك 😑 كلميه من موبايل امك وبعد تكملو قوليله ماترنش لين نرن عليك انا هذا رقم ماما واكيد هو حايفهم
ورن الجرس وكملن فطورهن ورقين فوق للفصل وحضرن الحصص وكملن اخر حصة الأبله غايبة جاهن أستاذ انزلن للساحه
البنات ....😍😍😍 ووووو احسن
هند....اتخزر في مرام وتعزق في كلام لمرام. وع أساس تحكي للي جنبها
هند......نعلي من البنات اللي تلقيها شايفة روحها وهي تلقيها اعوذ بالله منها ومن اللي جابوها
مرام......😔😔😔💔
ساره.....زودتها الحيوانه هذي😡😡
مرام....فوتيها يا ساره خليها تحكي 🙁😔😟
ساره.....عقلك كبير يا مرام 😕 ياعوينك
مرام ......هيا ننزلو لوطا
ساره....هيا
وقعدن يتمشن فالساحه ويهدرزن لعند مارن الجرس نزلت سالمه
سالمه....ميمي😍😍 هيا نطلعو مع بعضنا
مرام....هيا سرو باي حبيبتي نتلاقو😘
ساره....باي سموحتي😍😘
سالمه.....وين هند صاحبتك غريبة ديما تروحن مع بعضكن ☺
مرام....اها لا غير مروحه مع خوها 🤗
سالمه ...اها 😊 جا عبدالسلام 😍😍 هيا نطلعو
مرام ...هيا ?☺
عبدالسلام...😌😎😉
مرام....😓😶
.سالمه....باي😍
مرام.....باي😊
مرام....مروحه بروحها وطول الطريق تفكر شن ادير لبوها وشن بيسير معاها هي وعبدالسلام وخايفة 😔😔💔
خطمت من جنب المطعم اللي تحت منهم شافها واحد من أصحاب المطعم هم سوريين بس،كاتبيين ع اساس ليبين
خالد.....اووو من وين السمح هذا😍😍
مرام.......تحكي مع روحها والله ماناقصتك 😒😒
خالد.....شكلها امك نحله عشان جايبة العسل هذا كله 😍😍😉
مرام.....اووووف مبردك 😒😒
خشت لشارعهم
زكريا .....اوووو روح السمح 😘😘
مرام.....🤐🤐
خشت لحوشهم
مرام تلاقت مع عمها ع الدروج
مرام .....خير ياعمو سالم 😍😍
سالم....خير يامرومه شخبارك شخبار الدراسه 😘
مرام.....لعند لأن تمام 😊
سالم ....ربي يوفقك ياعمو 😘
مرام...يارب
سالم .....مع السلامه
مرام .....باي😊
اطق ع باب الشقه
علي......من باهي باهي 😤😤
مرام......مرام حل☺☺
علي .....فتح الباب وخش
مرام.....ياعوينك ببرودك 😢
مرام.....ماما وينك
سوسن....هنا يامرومه فالمطبخ
مرام....ماما تعالي نبيك في داري
سوسن .....توا نجيك شوي بس
مشت لدارها وجتها امها
سوسن....كنك شوي وتبكي
مرام.....يا ماما 😭😭😭 اه ياماما انا تعبت والله
سوسن ....كنك ياامي وسعي بالك احكيلي شن ساير معاك
مرام.....وهي تبكي وتبكي بعبره حكت لأمها اللي صار ياماما لعند امتى بابا يقعد هكي ياماما حتى انا بنته ماسلمتش منه وانا صغيره تعبت والله 😭😭😭
سوسن....خلاص ياحبيبتي نزحتي دموع 😢😢بوك مريض نفسي لا يحلل ولا يحرم
مرام.....خاطري نعرف ليش متحملته😭 لاشايل مسؤولية معاك وغير ان كل يوم جايتنا وحده تشكي منه 😭😭
سوسن.....الله غالب انا فالبداية كنت متحمله عشان خاطر عمي وعماتك الله يسامحهم معايا دايريني بنتهم وتوا متحمله عشانكم
مرام.....ياعوينك بصبرك ياماما 😢
Smile . . . tomorrow will be worse. - ابتسم الآن ... فغداً سوف يكون أسوأ💔
يتبع...........
الكاتبة Wesa elzargi....
لايك وتعليق يابنات الله يربحكن
ومش مسامحه اي وحده تاخذها من غير ماديرلي تاق
والله تعبت في كتابتها 😘
