بارت... 3...
گعدت امل ابغرفة عرسه.. واعيونه وارمات من البچي.. وحاطه صورة سلام وراحت ابحلامه تتذكر كل كلمه من كلام حبيبه سلام
كبل لا ايعوفه ويروح...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
-امولتي شنو هاي الدموع ..هو بس التحق
اسبوع ..وهمين اسوي اجازه وارجعلچ ..
والنوب اظل شهر ...ها شتردين بعد ..
-اي ياسلام..اكو واحد ايعرس ..وره خمس طعش يوم ...يعوف عروسته ويلتحق..هاي وين صايره..
-بلبحريه العراقيه غير..هههههه...اضحكي امولتي ..والله الكابتن ..گال هاي الايام مساعده من عده... ومن ارجع واقدم العقد ..
ينطوني اجازة زواج شهر...بعد شتردين..
-اريد سلامتك يگلبي..اتروح وترجعلي بلسلامه....
واخذ سلام اجفوف اديه وباسهن ..
-هااا حنة العرس خفت من ايديچ ..بعد،شنو اتگولين بعدني عروسه..
-ياااا ...لعد هي بلحنه ..اذا هيچ راح اروح اعجن طاسة حنه واحنيهن حتى ابقى على طول بعيونك عروس...
-لا لا..مو هسه من ارجع ..حتى اشوف الحنه
اول ما اتغسليه من ايديچ.. تطلع حلوه ايدچ
چنه گيمر وحاطين فوگه عسل احمر.
-خرب عقلك سلام هاي امين جبته ..
-هااا مو اني،بطناني اموت على الاكل ..ونوب
گيمر وعسل...اممممممم..وحضنه سلام .....
يابويه مهيدي ...الحگلي ..هذا اشلون گيمر ولابس روب احمر ...والشعر بحر احمر وغرگني....
-هههههه...سلام ..جماعتك منتظريك..
-هاااا.. هسه بعد ما ترديني ابقى..
-بويه سلام ...جماعتك منتظرين بسيارتهم
بلباب...
-هااااا...اي..اي. بويه جاي،..خلصت لبس اهدومي..
-مع السلامه امولتي ..وباسه ابوجنته وبعيونه
وبوده ما ايعيفه ..بس ..مهيدي .كل اشويه
وصاحه من وره،باب الغرفه ...
-بويه سلام ...فشله ربعك بلباب واگفين..وانه
ابوك ..لاحگ ..ماراح اطير اموله منك..وطلعت وياه امل ..تضحك او ...وجهه احمر من الفشله...
-مع السلامه ..بويه ..اوصيك ..اموله احفضه الي لمن ارجع ..سيد مهدي ...
-بعيوني يبويه ...روح امودع بالله..
وباس راس ابوه ...واخواته..گلهن واگفات سبعتهن ...خمسه منهن امعرسات اجني من الصبح ..لمن سمعن اجازة سلام خلصت وراح يلتحق...اجني ايسلمن عليه...
احلام وحوراء وسميه ماخذات اولاد عمهن اتلاثتهن... سلوى ..ماخذه ابن خالته.. .وهند ..هاي توه متزوجه قبل سلام باسبوع وماخذه مسلم اخو امل ..وهاي سالفة زواجه اشلون صارت..
لمن خطب سلام امل ما رضوا ينطوه الا ابنسوان اثنين امكانه.. حسام الچبير ما راد هند.. واختار ريم الزغيره.. والهذا السبب. هند، اخذه مسلم
وحسام... ظل ينتظر.. ريم، لان بعده ازغيره
عمره سطعش سنه... بس حلوه... چنه لعيبه..
وبقت...ريحانه ..وهاي سگط وعقله على گده واسمه ريحانه وهي شوگ وعاگول امخبل مو عاقله هي اکبر خواته ..عمره اتلاثين سنه ..وبقت ريم اخر العنگود ..وهاي حلوه وازغر خوات...سلام
واحلاهن چنه لعيبه..عمره سطعش سنه .مثل نا گلنه هاي خطيبة حسام.
ام سلام بعد احبالته ابريم ازغر بناته ماتت بعد ولادته ابعشر تيام .ويگولن چانت رايده اخو ...ال سلام ..بس الله ما راد واجتي ريم وام سلام خسرت حياته وماتت...
-ديرن بالچن ..لا اتگطعن بابوچن بغيابي...تره.
اعتمد عليچن خويه..ريم بعده زغيره وريحانه
گمر وهلال ولازم انحافظ عليه ونحطه جوه
اعيونه...وسلام يحچي ويه خواته بكلام الغاز
هنه يعرفن قصده شنو ..لن ريحانه ما تتأمن
لا على نفسه ولا على البيت لمن تجيه حالت الاخبال..
-امودعات بالله ..اشوفچن ابخير اخياتي احبيباتي..ما اوصيچن يلقوارير ...بلقاروره مالتي ديرن بالچن عليه..
-في امان الله ...تاج راسنه ..اترد بلسلامه
اموله بعيونه..
-امودع بالله ابني سلام ..اموله ابنيتي الثامنه والعزيزه
-هووووووو...صاحن بناته كلهن.....وهنه يضحكن. حتى ريحانه الخبله هم ضحكت وياهن علواهس.. 🤣😃😄😅😁😊🤑
وفزت ..امل على روحه وهي تضحك... وتضحك... يتهيء اله سلام يضحك وياه
وبينه وبين الجنون شعره وحده.....
*
*
ورجعت امل غطت ابنومه... وگعدت تبچي مثل المسودنه... وتتذكر.. يوم العافه. سلام
والتحق .....
سلام ..ضابط البحريه ..عمره اتلاثه وعشرين سنه وحيد اخواته السبعه ..والولد
الوحيد ..ال سيد مهدي ..صاحب اكبر معرض سيارات ابمنطقة الكرخ ..شارع حيفا...
ورجعت امل تتذكر.. ايام سلام.. وبينه وبين
العقل والاخبال شعره وحده...
وصفنت ورجعت اليوم المشه سلام وعافه...
..
-بويه ريم..وين الچاي.... اتأخرت..على المعرض.
-هذا الچاي والبيض..گالت ريم ..بابا يتريگ بيض مسلوگ لان عده ضغط ..اتفضل عمو..
بلعافيه..
-هاااا بويه امل ..هاي انتي اتسويلي ريوگ
لعد وين ريم...
-ها اني اهنا بابا ..والله هي صممت اليوم اتمارس
مهامه.وبدت بلريوگ مالتك...
-عفيه بويه اموله الورده ..البيت بيتچ واحنه
ناكل شتطبخ اديچ الحلوه..
-تسلم عمو ..بيك خير وتدلل ..
-واني ..اريد اكل ..اكل..مكو اكل..ال ريحانه
ام حظ الاغبر ...
-بابه ريحانه ..احچي على كيف عيب هسه ريم تنطيچ ريوگ..
يله اني رايح ..تردون شي عمو ..
-لاسلامتك..كلشي عدنه بلثلاجه...
-مع السلامه.
-مع السلامه باباتي..
-مع السلامه ديري بالچ ريم .على..ريحانه..😏 وغمز اله...
-اي بابا ...اعرف..
-مع السلامه بابات ريحانه الحظه امصخم..
شوفي...... طلع ومارد عليه ..ريمووووو..باباتي
واملوووووو......عمووووووو
وريحانه...بيييييييييييط.....
-يااااا ...ريحانه عيب ..شنو هاي ..
-شبيچ من وجع گلبي ..البنات يگفلن عليه بعرس سلام...ويگولن ..ريحانه بتي... سبع بنات عرسن...ظليتي انتي ريحانه بتي
.... لالا ...مو سبعه ..سته عرسن
واني سبعه ما عرست..حظي اسود مثل
گدر محترگ واسود....اهوووو...امداني..
-ليش ريحانه...انتي حلوه ..ونادره ..واحلى البنات كله...اشبيه حظچ ..
-امل خانم ..ومن گايلچ حظي بي شي...هااااا
اشبيه حظي ...امولان عاشگان...تره مو عبالچ
امخبله ..تره نعرف مثل ما تعرفين ..نعشگ
ونتعشگ مثلچ ....بس احنه امئدبات..يم شعر عاريه..حاطه باروكه ومقشمره بيه سلام گلبي...اليوم باروكتچ اشلعه...وحطت ريحانه
اديه ابشعر امل ولوته علئ اديه...وامل من الصدمه ..مامتوقعته ظلت فاهيه...وهاي اتجر ابشعره ..وتسحل بيه ...وريم امعرته بيد ريحانه...وتصيح ولچن وين رحتن الحگن ..
جني ريحانه طلع..على امل ...الحکن...
واجتي هند واحلام يرگضن .... بعدهن ما مشن توهن وصلن باب البيت....
-هاااا....ريم... شكو...
-يا ااا...ريحانه ولچ عوفي شعره اصخام ايصخم اخبالچ ..ولچ،سلام يزعل عليچ وبعد
ما ايحبچ ..ولا ايجيبلچ شكريه...عوفيه ....
-هندو...عفته عيني عفته... هااااا...اها...املو ..اخت امسيلم . حبيب گلبچ
امسيلم...طبعا اتفزعيله ما تفزعين لختچ ريحانه..قابل اتنامين ابحضني لو ابحضن امسيلم ...اخو املو.....ريحانه ابيش حگه..
-اوهووو.امده اخبالچ ..والله چزعنه ..حياتنه كله واحنه متحملين اخبالچ..كرهتينه بلدنيا
واتزوجنه وهجينه من بيت ابونه ابسببچ
-حلوم..عرستي ابسببي...ماقابله ...شرايده
موزين ..خليني اعرس ابسببچ ..واني ما اسوي ...مشاكل ومصايب ...
-يا ..ومنو ياخذچ ..غير تحرگينه وهو نايم
-لا والله ما احركه ..شنو ما افتهم اعرف ..هذا
ايصير رجلي...بعلي ..واذا حركته يموت ..وتصير ريحانه ...ارمله....
-چبح...ارمله...تعرف ...كلش زين لا امخبله ولا شي ...احنه المخبلات..مو هي ..
-اي هندود..اذا ما اتعرسني مثلچن اسود عيشتچن ...وعيشة الخلفوچن...عبالچن ابقى بلا رجل ..مناااااا... لمن اتعرس ريموو وتاخذ حسام افندي ..وابقى... اني...
خدامه ...ال املو...والله اذبحه ...وما اظل ..
وياه ..بلبيت وحدي ...خدامه..اغسل واطبخ
واكنس...
-وعابت ...على اساس انتي شاغولتنه ..اشو حتى اهدومچ احنه نغسله الچ...
-هاي اشبيچ هند ...اشو صايره عداده وطالعه
عينچ ..عمرچ ما عديتي ...الريحانه...شلقصه
-وچ احلام ... بعد ما اتحمل انفجرت ..منه كل هاي السنين ونگول اختنه الچبيره وسگط
خطيه مكسورة خاطر...
-اي وهسه شنو التغير....ريحانه بعده سگط ومكسورة خاطر..
-..دشوفيه هي هاي مال وحده مكسورة خاطر ..شفتي اشلون شابچه اصابيه
ابراس ...امل ..وتجر بيه ..بله مو فشله علينه
بعده سلام ماصارله خمس دقايق من طلع وهو ايوصينه..بلقاروره... مالته..وريحانه اتريد
مو بس تكسره القاروره... لا ..وتشلع شعره همين...
-اي والله هند كلامچ صحيح..
- يمعودات لا اتسونه فد نوب ..اي قابل اني
وين عن ريحانه ..اسنين واحنه جيران واعرف ريحانه...
-حااااااااا....شبيهه ريحانه ....املووووو...👿👿
-ورده ..اتخبلين 😸😹انشاله عروس وارگص ابعرسچ...ريحانة گلبي...
-اشششش انچبي...انچبي...لااتصيرين لگلگيه..
مو توني عجنتچ...ونتفت راسچ ...ريحانة گلبه...هي بهي ..طبت البيت توه ..وتريد ريحانه ...اتقشمره...
-يا .اموله....عبالچ هاي تتقشمر ...ما يفيد ..امشي اموله عيفيه ...ومن يچي بابه اشكيله عليه
-روحي ...واني خايفه من امهيدي ..الترس،
گرون ....گرون ....امهيدي امگرن....امگرن
- ولچن عوفني عليه اليوم اريد اعجنه عجن
وارجعه للغرفه مالته واحبسه...اريد اشوف اشلون. گرون... راح تطلع ابراسچ من الحبس...وسحلته
احلام ...للغرفه مالته والغضب طالع من اعيونه..وچانن كل ما ايشوفن ريحانه گايمه اجنونه ...ايحبسنه ابغرفته ...
منا لمن تعقل ...وتگول ..طلعني...صرت عاقله
وحبابه....
واحلام ازغر من ريحانه ابسنتين ..متزوجه ابن عمه ..سلمان.. يشتغل.. ابسوگ السمچ.. حالته زينه ومريشه.. ومدلل احلام.. عده
اتلث ولد.. احمد وعلي وعبد الله...
*
*
صافنه امل ودموعه تجري.. ملخت روحه بلفاتحه.. وهجت اتريد، اتذب روحه بلنهر.. وتلحگ سلام... بس امه واخوته ما خلوه...
-يله خويه.. يله حبيبه تعاي ويانه للبيت..
-لا لا مااروح.... رجعوني الغرفتي... رجعوني ال سلام... مااروح وياكم... هسه سلام يرجع وما يلگيني رجعوني...
وما گدرو اخوته يعاندوه ورجعوه البيت.ابو سلام...
-يبويه.. خلوه اشوفه. واشوف سلام ابوجه
ولا تخافون.. هي بعيوني..
و امل گاعده ابغرفته والشعر ناثرته ..
ساعه ترگض للكنتور تحضن اهدوم سلام ساعه.. تركض للجربايه وتحضن صورته
بهدوم البحريه...
-اويلي عليك سلام.. هانت عليك امل... عفته
ورحت... وعدتني ترجع... وما رجعت...
يلغالي ليش... بيه نكتت...
وفجئه اندفع باب غرفته... وباوعت وعيونه
وگفن بعد ما يرمشن...
وسلمت روحه للموت... والحياة بعد ما تريده
**
ليش... امل... سلمتي... للموت.. ومنهو الفات
الغرفتچ....
راح انشوف... الجرى والصار.. ويه...امل.
للكاتبه ام رحيل ..ع م. 😫😫😪😫😫
أنت تقرأ
دمعة الم... ام رحيل ع...م
ChickLitترقبوا قصتنا الجديده ..دمعة الم ... .امل..فتاة عانت من عذاب الحب ...ونالت حبها...ولكن القدر يقف لها ..معاند مخاصم .. يقول لها ...لن اجعل لكي في الحياة اي امل... يا.....امل.. ستصابين بلجنون...وساحرمك...وسأدخلك السجون...وسنرى بعد ذلك ...امل ماذا ستكو...
