"Hindi tayo nakalaya"
Oo, hindi tayo tuluyang nakalaya
Nakagapos at nagpapaalipin pa rin tayo sa sistema ng mga dayuhan
Sariling wika ay itinatakwil sa sariling bansa? Kawawang Pilipinas, napapaligiran ng mga malalansang isda.
Hindi lang malalansang isda mayroon ding mga mala perpektong mamayan na magagaling manghusga
Napapaisip ako, kung kailan nga ba tuluyang lalaya ang Pilipinas
Tinatangkilik ang wika ng ibang bansa ngunit mangmang sa sariling wika
Tinatangkilik ang produksiyon ng dayuhan at binabatikos ang gawa ng kapwa
Ipinagmamalaki at iniidolo ang mga taga ibang bansa ngunit kinagagalitan at kinasusuklaman ang kababayan
Tila ba naging advance na kayong mag-isip at nakulangan na sa aruga
Pagsasakripisyo ng mga bayani upang makalaya ay ibinabasura,
Hindi kailanman tayo makakalaya sa pandarayuhan
Hindi kailanman tayo makakalaya.. Hinding hindi
Nakakulong at nakagapos na tayo sa mga dayuhan, walang makakalaya...
Patawad mga Magigiting na Bayani, namatay kayo sa digmaan upang makalaya ang bansa ngunit kami mismo ang nagpapaalipin sa dayuhan.
Nakakalungkot isipin na TAYO'Y HAMPAS LUPA SA ATING SARILING BANSA.
