بارت.. 6...
-ريمه.... ريمه... هذا. منو رجلچ يريمه....
-لا ريحانه.. اني مو رجله اني اخوه... اسمي هيثم... رجله اسمه حسام...
-انت مو رجل ريم... انت اخوه...
-اي ريحانه... اني هيثم... اسمي هيثم.
-زين.. اذا مو رجله.. لعد انت رجلي... كلهن عرسن بس اني...ما عرست...ريحانه اجاه السره ...انت ازغيرون وحلو.. واني ريحانه مرتك،... وانت رجلي... هيثم رجلي... هي... هي... هي... هيثم رجل ريحانه... كلللششششششششش.... ريحانه صار عده رجل... كلللشششششش... ريحانه راح اتعرس
ومهيدي راح يفطس... ريحانه راح اتعرس..
ومهيدي حمص.. حمص... 😍😍كللشششششش
-ريحانه... ريحانه.. بسچ يمخبله.. اسكتي عيب هذا دكتور... مو عريس ما ياخذچ..
ماكو عرس... اسكتي..
-مايخذني... هذا دكتور... حااااااااا... واووووو
وهجمت على هيثم... وحطت اديه ابرگبته
اتريد اتخنگه... وراسه منثور وعيونه تچدح نار...
-ولچ عوفيه من موت اخذچ ويخلصنه منچ فشلتينه امسودنه عوفيه...
-ريحا..نه..اححححح.... وگمش هيثم ايد ريحانه وخره
عن رگبته.. ياله گدر يحچي...
ريحانه... مو اني هيثم حبيبچ... تردين اتموتيني... ريحانه ومنيلچ حبيب اذا هيثم
مات... اتصيرين ارمله...
-حبيب... عيب... فشله.... يذبحني، مهيدي
رجلي مايذبحني، امهيدي... رجلي بلحلال... حبيبي... حرام،.. کتل موت،.. دم... گر علبلوعه
-زين... رجلچ.. ريحانه عروس هيثم... ريحانه
اجاه السره وراح اتعرس،...... مو ريحانه... ريحانه اتحب هيثم رجله ....اهواي... اهواي وتمشي ويه هيثم... البيت عرسهم.... مو ريحانه...
تمشين ويه هيثم...
-اي.... اي... ريحانه حلوه وزغيرونه.. ولازم اتعرس... بس ما اتروح البيت عرس.. ريحانه
تبقى بلبيت... ويه رجله....
-لا بلليت ماتبقى ريحانه... لازم اتروح البيت
العرس حتى اتصير عروس... اذا ما راحت ريحانه ويه رجله البيت العرس... ريحانه ما اتصير عروس.... وما اتعرس... ابد.... ابد...
-لالا.... ريحانه اتروح البيت العرس... ريحانه اتريد اتعرس... ريحانه ...اتروح ويه رجله..
رجله... حاتم... اتروح... ويه رجله حاتم...
-لا... ريحانه... هيثم... اسمي هيثم...
-لا... مو حلو هيثم... حاتم. حلو... اسمك حاتم
حاتم... حاتم... وگامت اتنگز وتصيح وتلطم
حاتم... حاتم... وهيثم ايباوع... ويسمع كل كلمه اتگوله...
-زين ريحانه... واذا صرت حاتم.. اتروحين ويايه البيت عرسنه...
- غير يجي ابو اعمامه... وريحانه تگعد علكرسي.وتلبس ابيض وابيض...وابيض.... ويگله.. ريحانه تردين حاتم.... لالا.. گال...
هيثم... هو گال هيثم لو حاتم...
-ابكيفچ.. ريحانه تردين هيثم لو حاتم...
-حااااااتم... هيثم.... حاااااتم...
هيثم... ريحانه ما اتريد حاتم... ايولي.چذاب. حرامي... اتريد هيثم...
هيثم راح ايسوي ريحانه عروس وتلبس ابيض وابيض.. وتسرح شعره وتحمر اخدوده..وتصير
احلى من ريمه...
-يع... اي والله.. احلى من ريمه غير ايهچ حسام... اذا صرتي احلى مني.... هههههه
-ريم... (وصاح هيثم على ريم لمن گامت تضحك على ريحانه..)
-اسفه خويه هيثم.. بس كلامه يبزع... شسويله...
-اني ما اگدر اگلچ اطلعي لان ما ايصير لازم
احد يبقى ويانه..
-ليش خويه هيثم ماطول صرتوا حبايب هههه... وريحانه رضت عليك خليني اروح ورايه شغل اهواي... عفيه..
-ريم ما ايصير.. ابقى اني وياه سوه وحدنه
هي ابنيه واني رجال...
-يااااا... بله انت رجال عرفناه... بس ريحانه ابنيه...ههههههه....ابنيه ههههههههه. ريحانه
هههههه ابنيه.... وفجئه مااتحس ريم ولن الراجدي على خده وراسه افتر ورادت توگع
على الگاع لو ما امكمشه بلحايط...
ورگض هيثم وكمش ايد ريحانه گبل ما تنطيه
راجدي ثاني... والنار طالعه من اعيونه اتريد،
تحرگ ريم... 🤯🤯🤯🤯
-يااا ريحانه اتضربيني... مو احنه خوات وانتي مااتضربين الخوات مو انتي هيچ اتگولين...
-اي... بس امهيدي يضربني چاك... لمن اسوي
وگاحه... ويگولي قليلة ادب... چاك.. وراچدي
قوي... واحد... واحد... واحد... لمن يموت ريحانه من الدگ... وانتي وگحه... قليلة ادب
اتگولين ريحانه ابنيه.. هههه. 😜😜ليش اتضحكين چا اني مو ابنيه...واصير عروس..
-لا ريحانه.. انتي احلى ابنيه... واحلى من ريم
همين...
-صدگ هيثم حبيب ريحانه... حتى لو امهيدي
ايكر ريحانه علبلوعه... ما اخاف... هيثم حبيب ريحانه.... هيثم رجل ريحانه، وراح، اتروح وياه، البيت العرس،... بس ابو اعمامه
يملچ... ملچه وعرس....
-زين ريحانه... اني رايح.. اخطبچ من ابوچ..
- تخطبطني من امهيدي...
-اي ريحانه من ابوچ ابوسلام...
-لع ...من امهيدي... اسمه امهيدي... ماكو ابو سلام... امهيدي، وبس...
-راح اخطبچ من امهيدي ونعرس،... ونروح البيت العرس...
-ههها... هههااا.. وتجيب الشيخ... لابس، اعمامه ويملچ ريحانه... وروح ويه هيثم البيت العرس...
-اي ريحانه... هسه رايح، اجيب الشيخ... بس ريحانه اتصير عاقله وحبابه...
-عاقله... وحبابه... عاقله... وحبابه... راح اتصير
ريحانه...
وطلع هيثم ويه ريم...
-خويه هيثم هاي امخبله وعقله على گده
واذا چذبنه عليه وما شافت اكو عرس تحرگك
وتحرگنه وياك... اشلون هيچ اتگله...
-ريم... اني دكتور... واعرف اشلون اتعامل وياه... حتى تمشي، وياي ابرضاته للمستشفى
عباله بيت العرس... وانوب اعالجه...
-زين والعرس اشلون... غير اتخنگك... اذا ما لبست اهدوم عرس... وما ملچه ابو اعمامه مثل ما اتگول ريحانه....
-اي واني ما راح اچذب عليه... انلبسه اهدوم عرس.. ويملچه ابو اعمامه مثل ما اتريد....
-هاااا. افتهمت... يعني انسويله تمثيليه مال عرس ونلبس واحد اعمامه ونگله عرستي
مو بالله....خويه هيثم...
-صدگ... ريم خوش خطه هاي.... بس ما اتفيد
ويه ريحانه..
-ليش ما اتفيد... هي امخبله اشمدريه...
-ريم... هاي كلمة امخبله اهواي اتعيديه... ليش
-اي لعد هي مو امخبله... اي شگول... اصلا اني استحي من يچن صديقاتي للبيت... ما خليهن ايشوفنه واضمه بلغرفه واقفل عليه..
-صدگ ريم ما اتوقعت منچ هذا الحچي... ليش مو هي اختچ الچبيره... واني سمعت من
ابوچ... هي ماچانت هيچ... چانت ابنيه حلوه
وعاقله... وبعدين من عمره ارباطعش سنه..
اتمرضت... فجئه... وگامت حالته اتسوء... اشويه... اشويه الى ان صارت هيج...
-اي صحيح... اني... اني...
-يله... ريم لا تخجلين من كلامي.. بس اني حبيت افهمچ... اهم شي ابعلاج ريحانه... هو
تصرفاتكم وياه... ولازم محد ايكله امخبله..
يله خل انروح يم ابوسلام...
*
*
-هاااا... عمي هيثم... مو گتلك هاي امخبله وما منه فايده.. الا انجتفه بلحبال يالله ترضه
تمشي للمستشفى...
-يمه هيثم... خل ناخذ اختك امل.. ونمشي،
وابو سلام اعرف ابوضع بته... ريحانه وشنهو
اليناسبه...
-عمي ابو سلام... ريحانه رضت اتروح وياي
للمستشفى...
-صدگ... عمي هيثم... معقوله ريحانه قبلت
اتر ح وياك... هيچ ابكل سهوله... عمي من گلت اروح اشوفه... گلت هسه تهجم عليك وتخنگك...
-ههههه.... اي عمي وهي اول مره هم ماقصرت... وگام هيثم يفرك ابرگبته... بس بعدين.... صرنه حبايب...
-اي خويه هيثم... صرتو کلش حبايب... الله ايعينك على الي راح يجيك منه... اذا ما نفذتله... الرادته...
-ليش هي اشرادت.. بتي ريم...گولي..
-والله بويه هذا دكتور هيثم وهو ايگلك...
-اي عمي... گول...
-هاااا... بعدين انسولف عمي... مو هسه...
-ليش يمه مو هسه شكو اسرار ما اتريد.. تحچي گدامي،... اشو حتى ريم تدري... اشوف اعيونه اتعرف كل الي اتريد، اتگوله ال ابو سلام.... چا اسرارك اتضمه عليه اني...
-لا يمه شلقصه... هذا كله ايخص شغلنه بلطب
وعلم النفس وما اريد ادوخچ... هاي هيه...
-عمي شنو السالفه گوله.. واذا ما اتريد، امك
تعرفه ترى اني هم ما اريد اعرف السالفه..
-انعمله عليك ابوسلام سويتلي گدر ازيد من
ابني التعبت عليه...
-يمه لااتسويه فرد نوب عاد،... اسمعي.. ماكو شي مضموم كله خاص ابشغلي...
شوف عمي ابوسلام. ريحانه علاجه بصيط
واني اگدر اعالجه وارجعه مثل الاول وازيد،
بس اكو شي لازم انسويه ...ياالله ريحانه تقبل...
-شنو هذا الشي...
-هههههه... هههههههه
-ريم بويه مو عيب اتضحكين... صحيح هيثم من عدنه وبينه وراح ايصير حماچ... بس عيب اتضحكين گدامه ابدون سبب...
-بابا.. العفو اني اسفه بس والله ما گدرت اضبط روحي لمن سئلت هيثم... شنو رايده
ريحانه.... ولو تعرف اشرايده چان ضحكت مثلي...
-اي... وشرايده ريحانه... بالله خلينه نعرف ونضحك مثلچ... لو تشوفين مني العمرچ ما شفتيه....
-هااااا. بابا... وريم صار وجه اصفر لمن (شافت ابوه انقهر چي ضحكت گدامهم ابدون سبب.).. هاااا............بابا. ريحانه اتريد، اتعرس، وتاخذ رجل ياالله اتروح ويه هيثم...
-اشلون.... لا يا امخبله... صدگ سالفه اتضحك.
--اي عمي صدگ شرطت عليه لازم اتعرس واني قبلت..
-اشقبلت عمي.. امنين انجيب رجل يقبل ابريحانه الخبله.... عساه لا راحت للمستشفى
اوديه يم خالته... صبيحه... هسه اتعاند خالته اشويه..
وبعدين تقبل تاخذه يمهه بلمزرعه.......
-عمي مو گتلك قبلت واني اريد ريحانه اتروح
للمستشفئ وياي لان اريد اطيبه وهذا تحدي الي ابمهنتي اذا گدرت ارجعه مثل الاول.. واريد اخذ شهادة الدكتورا... وراح اتكون دراستي على حالة ريحانه...
-اي عمي هيثم.. بس هي اتريد... رجل... امنين اجيبله رجل... وما نگدر انقشمره.. لان راح تتخبل علينه.. اذا عرفت... انچذب عليه..
-اي يمه هيثم... شلك بشلاع الكلب... شوف غيره... المستشفى مليانه....
-لا يمه ليش اشوف غيره... واعوف بتنه ابهاي الحاله...
-عفيه اوليدي.. اني عرفت.. من راح سلام.. انتم راح اتصيرون احزام ظهري وسند البناتي
-عمي ابوسلام.... اني رايد.. ......؟؟؟؟
-گول عمي هيثم اشرايد اعيوني الك.. ليش سكتت... افلوس عمي... تحت رجليك كل التطلبه...
-لا... عمي... يسلم راسك.. الوالد ما خلانه محتاجين افلوس.. او.. راتبي رحمه من الله...
-لعد، عمي اشرايد گول واني عمك...
-عمي اني رايد ريحانه...
-اي عمي هاي السهله... مو گتلك اذا قبلت تمشي وياك أخذه ... للمستشفى.. اني ما عدي مانع...
-هااااا.... لا عمي اني رايد، اتزوج ريحانه واعقد عليه اذا وافقت...
-يعععععععععع....يااااا....... يمه هيثم.. اشلووووووون....شتكول.........
للكاتبه ام رحيل ..ع..م
😵😱😵😱😵😱😵😱😵😱
أنت تقرأ
دمعة الم... ام رحيل ع...م
ChickLitترقبوا قصتنا الجديده ..دمعة الم ... .امل..فتاة عانت من عذاب الحب ...ونالت حبها...ولكن القدر يقف لها ..معاند مخاصم .. يقول لها ...لن اجعل لكي في الحياة اي امل... يا.....امل.. ستصابين بلجنون...وساحرمك...وسأدخلك السجون...وسنرى بعد ذلك ...امل ماذا ستكو...
