زهرة الفصل الثاني بقلم سوزان المندلاوي الناشربارق العراقي

الفصل الثاني الجزء الاول بقلم سوزان المندلاوي الناشربارق_العراقي

🌷🌷#مساء_الورد 🌷🌷
#قصة_زهرة_
#الفصل_الثاني
#الجزءالاول
#بقلم_الكاتبه_سوزان_المندلاوي
#الناشربارق_العراقي
كلشي مر بحياتي جان
كابوس اسود
غيمه سودة وترعد خوف،..
ذاكرتي انحصرت بليلة المطرة والعيد
وحاولت انهيها من يوم شلنا غراضنا من بيت جدي ..
وانقلنا من بيت لبيت
وحياه جديدة ..

رجعت من بيت المختار وصلت لراس الفرع اشوف بيكم ومحضرين غراضنه
رحت ركض حتى لحد يشوفني ماكو
وكفت يمهم جانو اخواني ينكلون بلغراض
امي جوة بلبيت اسمع صوتها تحجي وي ابوية بس صوتهم بدة يعلى شنو شكو مداعرف شي 
يمه بس لا حسو بيه اني جنت طالعه من البيت  عزة كمت الم بلغراض انكل واحط
طلع  ابوية عصبي نارويعط على اخواني كلي طبي عاوني امج جوة  اي يابه هسة اروح مدا افتهم شي
  وخرت البردة  وطبيت جوة شفت امي كاعدة بلكاع بس شكلها كلش تعبان هايمه \شبيج رحت كعدت يمها
كالت زهرة خاف اموت اريدج تسسامحيني يمه
اسم الله يمه لاتكولين هيج اغديلج فدوة
كامت تبجي اكثر مسامحتني يمه
كلامها جان نابع من خوف قهر معرفت افسرة  بسرعه شلت بقجه جانت بايدي وضميت بيها الملاعيب والرساله ووبديت الم بلغراض واشوف امي بكل شيله حاجه تبجي اكثر وضلو الولد يطبون غراض ويطلعوها
كالت  زهرة
ها يمه ..
سكتت ..
واني الم بالمنادار والفهم ..
واكترهن ع صفحة ..
اباع عيونها طامسات ..وجهها اصفر شفافها بيض..
امي حلوة ..
سمرة وعيونها صفر وشعرها بي شكار فاتح ..
وناعمه وملامحه نازكه ..
بس راح حسنها ..من يوم الي حجيت ..
الهم الي عليه ذبيته بيها ..
واحد كام منها
وواحد طاح بيها ..
وترجع تكول يمه زهرة وتسكت ..

كمت اشيل واحط بالحوش والولد تجي تاخذ الغراض..
وامي تتحرك شويه وتتعب وتكعد ..
الجهال تكمز وتلعب
ع هوسه غراصنا ..
طلعت ..
وكفت بنص الحوش يصير بوجهي المغسله والحمام ..
وحوش جبير ..وبي غرف ..
ضليت اعاين عليه ..
احس روحي انكربت اكثر ..
اختنكت ..
اذكر هنا جنان تمشط شعري
وهنا منير ..ياذيني ..
وهنا وهنا وهنا ..دولاب ويفرني حييل ..
حاولت اطلع من بالي هالافكار ..
وانساها ..
احس احد ضربني ..
انداريت بيبيتي ..
باوعت عليه ..
كالت ..هذا الصخل مناوي يهمد ..
ضليت اباوع عليها
جدة ..ياصخل ..
كالت مدسمعين يجعر من الصبح لليل ..
ركزت حيل ..صوت جدي هذا ..
كتلها جدة تعرفين هذا منو ..
انتجت ع العوجيه كالت يعني منو ..
هذا ..سعدون ..
؟؟؟
سعدون منو ..
يااا ماتعرفي ..هذا جان بالحرس يشتغل ..
واني فتحت عيوني وركزت حيل وياها ..
ي بيبي ..
قصدج جدي ..
باوعت ياجدج هذا ..
سعدون ..ماتعرفي ابو الكهوة لزمو الانضباطيه ..مال صديم ..
عزة بيبي اسكتي فدوة
انتي منو ؟؟:
ضحكت كتلها زهرة ..
بنت منو. .؟؟
اوي بيبي يوميه هي انتي منو ..
كالت ..اريد سمجه كومي حطيها ع الحطب ..
جريتها وكعدتها ع الدرج ..
كتلها بيبي احنا راح انشيل منا ..تبقين هنا يم عمه غنيه ..
اندارت عليه ..
لا اخذوني وياكم ..
هذا يجعر مايخليني انام
وامي ماتت من زمان ..
وابوي راح للبزل ومارجع ..
بقيت اباوع عليها ..
تكول هنيالها متفكر ولا عقلها يشتغل مثلنا
بس مرات اشوفها تبجي من اسالها تكولي ..
الي راحو مني هواي ..
تقصد عمي الشهيد ..وابوها وخوانها اتكتلو واحد ورة الثاني ..
الي انعدم والي انسجن وماطلع والي حرب ايران اخذته ومارجع ..
مرات احس هي موكفه عقلها لان تعبت ..
ومرات انقهر عليها لان موواعيه كل شي..
بلبيت يكولون خرفت ..
بس هي مو هواي جبيرة
حتى تخرف ..
الي اعرفه ..
ازوجت وهي تلعب بالدرب ..وزوجوها جدي ..
يعني جاهلة
وحتى عمرها ماعرف،شكثر وشكد ..
اسمع صوت رجلين من الدرج ..
انداريت عمه غنيه ..
كالت ها راح تشيلون ..
وكعدت ع بايه فوكانه ..
وكفت وتيجت ظهري بالحايط ..
كتلها اي راح نطلع منا ..ونخلص ..
كالت ..البيت راح ينظف من ريحة الهوايش والصخول ..
نرزفتني ..
تخوصرت ..وكتلها ..
لا والله راح يبقى قذر ..دام الي ساكني نكسين
حجيتها ..وركضت ..بسرعه ..
واسمع صوتها يرن ..
ادبسز ..ام اللسان اذا ماخلي عمج يكسر راسج ..
وصلت بسرعه لباب البرة ..
اعاين السيارة ماكو ..
يمه وين راحو بس لا نسوني وعافوني ..هنا
رحت بسرعه للغرفه ..
اشوف امي بعدها تلم بالغراض..
كالت وين رحتي ..
كتلها يم جديتي ...
يمه ابوي وينه ..
كالت راح يودي وجبه ويجينا ..
يلا همي بسرعه لمي وياي ..
كملنا كل شي ..
وامي لبست عباتها ..
وجرت شحاطتها ..
وطلعت وكفت بالباب بلا ماتودع احد ..
واني واكفة بصفها ..
والجهال طابه طالعه ..
بس محد جبير من زوجات عمي اجة يمنا ..
دقايق واجه ابن عمي ..
كلها لامي امي تريدج ..
كالت شتريد .
هز راسه ماعرف ..
اندارت عليه كالت زهرة اوكفي هنا ولا طبين ابد
هسة اجيج وخلت بايدي بقجة الهدوم
واختي نورس ..