زهرة الفصل الثاني بقلم سوزان المندلاوي الناشربارق العراقي

الفصل الثاني الجزءالثاني بقلم سوزان المندلاوي الناشربارق_العراقي

💜......#مساء_العسل ....💜
#قصة_زهرة
#الفصل_الثاني
#الجزء_الثاني
#بقلم_الكاتبه_سوزان_المندلاوي
#الناشربارق_العراقي
اشردج لبغداد ..
يم خالتج ..كلمتين وكعت مثل الصاعقه ..
كمت ارجف يمه دخيلج يابغداد فدوة ..
هو اني شعرف بيها ..
ابوس ايدح لا شمريني
/ولج عساج متي مثل اختج وخلصت من عارج
ولج يمعزايه يمصخمه الوجهه والج عين وتحجين
ام الووولد ..
وكامت سدت الباب ..
وجرت شعري حيل تعت بي ..
اليوم تلمين غراضج وانطيج عنوان خالتج نهله
وترحين يمها وتفهميها شجرة الج وشصار ..
/كمت ابوس باديها والله مسويت شي احلف الج بشيبه ابوي مسويت شي والله ابوس رجلج يمه
وكعت ع رجلها ..بس اسمعيني ولا شمريني
اطب احرك روحي ولا ذبيني بغداد ..
وخرت من يمي ..
وضليت الوب وابجي
واحلف الها مسويت شي ..
وين اروح ..
كالت وين يعني للمكابر ..
افتهمي ولج عرمه ..
هي خلفه البنيه هم وعار وجبتو الي زين ربج رحمني بذيج وماتت ولا ضليتو اثينكم ع راسي ..
فهمتي بس ينامون اخوانج
تلمين غراصج ..
واطلعج منا ..
بقيت كاعدة ماعرف،شسوي ..
ولا اصرف ..بس ابجي ..
ضلت اتكلب بالكومدي ..
وتفتح بالغراض وترجع بيهم ..
طلعت علبة مال جكليت ..
وتربعت كدامي ..
وكامت ادور بالاوراق ..
تفتح بيهم تعاين وترجعهم ..
كالت اقري شوفي عنوان خالتج وين ..
يمه وين اعرف اقرا ..
خنزرت عليه كالت بس بيج ..
يوميه رايحة لبيت المختار ..عود يدرسج ..
يلا اقري ..
ماعرف ..
اقري ..بعصبيه ..
اخذت الورقه واشهنك وامسح دموعي وجهي ..
اعاين عليها مدافتهم شي منها .
شفت الارقام مكتوبه ..ويمها كتابه ..

رديت الها الارقام ..
كالت ي هذا هو ..
كملي ..
حرف الطاسة وبطنه نقطه ..وبعد ماعرفت شي ..
ضليت..خايفه منها ..
من خوفي كتلها هذا مكتوب خاله نهلة ..
جرتها مني ..
ضلت اتعاين كالت اي هو ..
هي بشعب 
اصعدين منا لبغداد للشعب وتسالين وين بيت خاله نهلة وهم يدلوج العالم ..
يمه مافتهم والله ..
كفختني ع راسي ..
كالت لعد تزوجين وننفصح تفتهمين لا ..
هذا هو تتحملين الي صار من ايدح
بكد والشبر وبيج كل البله تكبرين شسوين ..
يمه والله مو اني والله ..
شالج الله واخذج ولا ردج ان شاء الله
كولي امين ..
كووولي امين ..
ااامين ..
عافتني وطلعت ..
وسدت الباب وراها ..
بقيت ابجي بالغرفه لحد ما صوتي اتبح ..
والجهال يمي تلعب وتكمز ..
كرهت نفسي ..
اي اكرهه طفولتي واكرهه الدم .
كل حجايه والثانيه نزل دم ..
صار عندي رعب من شي اسمه دم ..
ومن ينزل عليه ..الدم ..
اخاف ..وماعرف شسوي ..
لو بيدي اشرد من نفسي وانهزم
يالله وين اروح ..
اروح لبغداد شفتهم بيها اني وشعرف ..
هو هنا وماعرف شي ..
ياربي ..
احس الدنيا ضاكت بيه حيل ..
شريد اشوف بعد ..
اجوي اخواني وصاحتني امي حضري العشا ويايه ..
وحرت وياها ..بين الطبخ ..وهوسه الولد والجهال ..
واتمنى اليوم يطول ..
وميخلص ..
لان كالت بس ينامون ..
اطلعج من البيت ..
بفكري كلت اطلع واروح يم فارس ماكو غير حل ..
هو يشوفلي جارة ..
ويشوف وين يوديني ..
بس وين يوديني ..
كملو الاكل لميت السفرة ..واخذتها ع المغسله ..
السنك مالتنه مربع بناء شبنتو ..وبي خلاط مي ..
مزنجر ويكت المي ..
واذا ماكو مي لازم ننكل من الشط مي ..
ونخلي بالبراميل ونستعمله ..
جريت التخته ..
وفتحت المي صنصولة كوة يذب ..
وكعدت اجلف بالمواعين ..
وابالي شلون ووين راح اروح ..
صاحوو زهرة زهرررررة ..
هااااا
جاي جاي ..
كمت ومسحت ايدي بثوبي ..
وخليت القوري ع جولة .
وشغلته ..ريحة النفط عبت المطبخ ..
وخنكتني ..
طفيت الجاي وسرحت ..
شراح يجرة الي ..
لو انزل ..بغداد وين اروح ..ووين اولي ..
ومنو هاي خالتي نهلة اول مرة اسمع بيها واعرف
عندي خاله بغداد ..
يجوز الله يحبني ..وتطلع خوش خالة ..
واعيش يمها ..
واصير هيجي مثل بنات بغداد شلاحتني ..
والبس ..واطلع واطب ..
اي يازهرة ..
وادرسين وصيرين ..دكتورة لو معلمة ..
بمدرسة ..
مجنت اعرف غير مهن غير المعلمه والدكتورة ..
بس اخاف اروح
رغم الاذيه هذولي اهلي ..
وين ذبيني يايمه وين ..
كملت تعزيل المطبخ ..
ولو بيدي اجلف الشارع
حتى. امي تلهة عني ..
فاتت من يمي ..
لزمت اديها يمه والله اشتغل خدامه الج ولاخواني فدوة لا شمريني والله اخاف ..وحدي ..
سكتت محجت شي ..
طلعت ..الطحين ..دتحضر بي حتى تخبز من الفجر ..
يمه ..واعت بهدومها والله والله ..
مازوج ولا احجي ولا اطب ولا اطلع ولا اروحن ولا ارد
فد بقيني بالبيت ..
ابوس رجلج ..
كالت عفي عني ..مو مثل ما ابالج ..
زهيرة ..
بس يمشون ع ابوج ينطيج
واذا انطاج نتعزة وننصخم
واخوانج تنكسر ركابهم
وابوج يتخزة ..
يمه ..
وحمه ووجع ..
انخرسي،..
سكتت ..
ماودي اطلع من يمها لو بيدي ابقى يمها ..
واحاجيها بعد وبعد
زين الزم خواني واحاجيهم
واكولهم  والله مو اني ..
هم هيج سوو بيه ..
لا اذا امي تريد نشردني ..
اكيد يذبحوني ويذبوني بالخرابه ..
بقيت يمها والتهيت بفرش ..
صار الليل ..
والكل تركد بمكانه ..
وبقينا اني وااجهال بالغرفه
طبت امي ..
كالت يلا لمي غراصج
وي جهجرة الفجر ..اطلعين
اشششش ولا نفس لا هسة احرك روحي وابليج ..
والله ..
عرفتها عصبيه ..
خليت راسي بين رجلي ..
وكد ما بجيت تعبت ..
كالت يلا انطمري ..
نزلت نفسي بالفراش ..
وغطيت راسي ..
وكمت ابجي ..
كد مابجيت احس بعيوني نار ..
كمت ..بعد ما الكل نام ..
غسلت وجهي ..
ورفعت راسي للسما ..
واخذتني رجلي للسطح ..
صعدت ..
اول ما وصلت ..لهفني هوة بارد ..
كزبر جلدي كله
كتله الله انا بالجديد عرفت انت بسما ..
وتسمعنا وتعرفنا ..
اريدها منك احلفك بالله ..
لا تخلي امي تشمرني
دخيلك الله ..
والله ماسويت شي
تذكر انت وشفت بعيونك شجرة الية
والله مو بقصد ..
ولا جنت اعرف هاللعبه الغبرة موزينه ..
ومو مال جهال ..
بس انا توبت يالله ..
وحلفت مالعبها واصلا اكرهها جنت..
فدواتك الله اوكف وياي هالمرة بس
وانا وعد مني ..
بس امي تبرد مني ..
يوميه اصعد الك واحاجيك ..
انا احبك ..والله ..
......
كد ماحجيت بيومها وبجيت واعاين ع النجوم شلون تلالي ..والكمر .. نمت ولا ادري بروحي
غفيت ع الكاع ..
مدري شوكت ..احس ..
الباب مالتنه تكركع ..
بصوت ..
فزيت ..
كلت يمه
هاي امي حضرت ..غراضي ..
اختل ..
وين اختل ..ياربي ..
اسمع صوت كحة مال رجال ..
نزلت بايتين وامي خاله الاله ع الدرج ضوي ..
اسمع صوت ابوي يحجي ..
نزلت ركض ..
اعاين هذا ابويه ..
رحت ركض حضنته حيل
وطكيت بجي ..
كلي يابه لا تبجين هي هاي الدنيا..
واني ابجي اكثر ..
جرني لا بويه لا تبجين هو هم تمرر وتعذب ..
محد يريدة بعد
خلص ..
وخرت من صدرة ..
ومسحت وجهي ..
كال امج وين واخوانج ...
نايمين ع صوتنا امي فتحت البردة
وطلعت ها خير شكو
شجابك خوما اكو شي ..
كال ..ابوي انطاج عمرة
شنو ماتدرون ..
امي من سمعت جدي مات .عاطت يبووو يبوو بعلو حسها ..
عبالك فاكدة عزيز
وضلت بنص الحوش تصرخ وتعيط ..
و تلطم ..
كلي زهرة حضرلي دشداشتي السودة ..
كعد البيت كله ..
ع صياح امي ..
وبابنا اندكت ..
ع صوت امي التمو الجيران ...
وصارت هوسه بهوسه ..
بكل هذا اني واكفه ..
وصافنه ع امي ..وهي تعرف جدي شنو ..
عبالك فكدت ..واحد منه ..
وتمنيته ميموت..ويبقى طول عمرة يتعلل ..
ويتاذة ..
بس مات ..