ﺍﻣﺠﺪ !!! ﻣﺎ ﺗﺘﻜﻠﻢ ﻣﻌﺎﻱ ﺑﺎﻷﺳﻠﻮﺏ ﺩﻩ !
- ﻻﻻ ﺑﺘﻜﻠﻢ ﻣﻌﺎﻙ ! ﺩﻱ ﺍﻟﻤﺮﻩ ﺍﻟﻜﻢ ﺍﻣﺸﻲ ﻣﻌﺎﻙ ﺍﻟﺠﺎﻣﻌﻪ !!! ﺍﻟﻤﺮﻩ ﺍﻟﻜﻢ ! ﺍﺳﻲ ﺍﻧﺖ ﻣﺎ ﺑﺘﺨﺠﻞ ﻛﻞ ﻣﺮﻩ ﺟﺎﻱ ﻣﻌﺎﻙ ﻭﻟﻲ ﺃﻣﺮﻙ ﻭﺍﻧﺖ ﻓﻲ ﺍﻟﻌﻤﺮ ﺩﻩ !
- ﺍﻧﺎ ﻗﻠﺖ ﻟﻴﻚ ﻣﺎ ﻋﺎﻳﺰ ﺍﻗﺮﺍ !!! ﺍﻟﺤﻤﺪ ﻟﻠﻪ ﻭﺿﻌﻨﺎ ﻣﻤﺘﺎﺯ ... ﻋﻨﺪﻧﺎ ﺷﺮﻛﺔ ﺳﻴﺎﺭﺍﺕ ﻛﺎﻣﻠﻪ ﻭﻣﻜﻤﻠﻪ ﻭﻣﺎ ﻣﺤﺘﺎﺟﻴﻦ ﺣﺎﺟﻪ !!
ﺍﻟﺸﺮﻛﺔ ﺩﻱ ﻣﺎ ﺟﺎﺕ ﺳﺎﻱ ﻭﺍﻧﺖ ﻋﺎﺭﻑ ﻛﺪﻩ ﻛﻮﻳﺲ ﻳﺎ ﺍﻧﻮﺭ !
- ﺍﻧﺖ ﻣﺎ ﻗﺮﻳﺖ ﻳﺎ ﺍﻣﺠﺪ .. ﻭﻋﻤﻠﺖ ﺍﻟﺸﺮﻛﺔ ﺩﻱ ! ﻋﻤﺮﻫﺎ ﺍﻟﻘﺮﺍﻳﻪ ﻣﺎ ﺑﺘﻌﻤﻞ ﻛﺪﻩ "!! ﺷﺎﻳﻒ ﻧﺎﺱ ﺣﺴﻦ ﻭﺷﻮﻗﻲ ﻗﺎﻋﺪﻳﻦ ﻋﺎﻃﻠﻴﻦ ..
ﺣﺴﻦ ﻭﺷﻮﻗﻲ !!! ﺍﻳﻮﺍﺍﺍ ... ﺍﻧﺖ ﻣﺘﺎﺑﻊ ﺍﻟﻔﺎﺷﻠﻴﻦ ﺩﻳﻞ ﻋﺸﺎﻥ ﻛﺪﻩ ﻣﺎ ﻋﺎﻳﺰ ﺗﻘﺮﺍ ﺻﺎﺡ !
ﻳﺎ ﺍﻣﺠﺪ ﺍﻧﺘﺒﻪ !!!!!
ﻓﻲ ﺛﻮﺍﻧﻲ ﺍﻟﻌﺮﺑﻴﻪ ﺍﺗﻘﻠﺒﺖ ﺗﻼﺗﻪ ﻣﺮﺍﺕ ﺑﻌﺪ ﺍﺻﻄﺪﻣﺖ ﺑﺸﺎﺣﻨﺔ ﻛﺒﻴﺮﺓ ...
ﺍﻟﺴﻮﺍﻕ ﻗﺪﺭ ﻳﻄﻠﻊ ﺍﻧﻮﺭ ﻭﺣﺎﻭﻟﻮ ﻳﻄﻠﻌﻮ ﺍﻣﺠﺪ ﺑﺲ ﻟﻸﺳﻒ ﺭﺟﻠﻮ ﻛﺎﻧﺖ ﻣﻌﺼﻮﺭﺓ !!
ﺍﻧﻮﺭ ﻛﺎﻥ ﺷﺎﻳﻒ ﺩﻣﻮﻉ ﺍﺧﻮﻫﻮ ﻭﻛﺎﻥ ﺷﺎﻳﻒ ﻧﻈﺮﺍﺗﻮ ﻭﻫﻲ ﺑﺘﻮﺩﻉ ﻓﻴﻬﻮ ...
ﺍﻣﺠﺪ ﻋﺎﻳﻦ ﻟﺴﻮﺍﻕ ﺍﻟﺸﺎﺣﻨﻪ ﻭﻗﺎﻝ ﻟﻴﻬﻮ ﺍﻣﺴﻚ ﺍﺧﻮﻱ ﻭﺍﺑﻌﺪﻭ ﻻﻧﻮ ﺍﻟﻌﺮﺑﻴﻪ ﺣﺘﻨﻔﺠﺮ !!
ﻗﺪﺭ ﻣﺎ ﺍﻟﺴﻮﺍﻕ ﺣﺎﻭﻝ ﻳﺠﺮ ﺍﻧﻮﺭ ﻣﺎ ﻗﺪﺭ ... ﻟﻐﺎﻳﺔ ﻗﻨﻊ ﻭﺧﻼﻫﻮ ﻭ ....
ﻭﺣﺼﻞ ﺍﻻﻧﻔﺠﺎﺭ
# ﺍﻟﺤﺎﺿﺮ
ﻣﺒﺮﻭﻙ ... ﺯﻭﺟﺘﻚ ﺣﺎﻣﻞ .. ﻻﺯﻡ ﺗﻨﺘﺒﻬﻮ ﻋﻠﻰ ﻣﻮﺍﻋﻴﺪ ﺃﻛﻠﻬﺎ .. ﻭﺗﻜﺘﺮﻭ ﻟﻴﻬﺎ ﻣﻦ ﺍﻟﻤﺸﺮﻭﺑﺎﺕ ﺍﻟﻄﺒﻴﻌﻴﻪ ..
ﺷﺎﻫﻴﻦ ﻣﺎ ﻛﺎﻥ ﻣﺼﺪﻕ ﻭ ﻭﻗﻒ ﻣﺬﻫﻮﻝ ... ﺧﺎﻟﺪ ﺣﻀﻨﻮ ﻭﻛﺎﻥ ﻓﺮﺣﺎﻥ ﻭﺻﺒﺎ ﺯﻏﺮﺩﺕ
ﺍﻟﺒﺎﺏ ﺍﻧﻔﺘﺢ ﻭﻳﻤﺎﻥ ﺟﺎ ﺩﺍﺧﻞ ﻭﻋﻠﻰ ﻭﺷﻮ ﺗﺴﺎﺋﻞ .. ﻟﻜﻦ ﻣﺎ ﺍﺣﺘﺎﺝ ﻳﺴﺄﻝ ﻋﻦ ﺍﻟﺤﺎﺻﻞ ﻷﻧﻮ .. ﺷﺎﻫﻴﻦ ﺟﺎ ﻣﺴﻚ ﻳﺪﻱ ﻭﺑﺎﺳﻬﺎ ﻭﻗﺎﻝ ﻳﺘﺮﺑﻰ ﻓﻲ ﻋﺰﻧﺎ .. ﻣﺎ ﺭﺩﻳﺖ ﻟﻴﻬﻮ ﻭﺟﺮﻳﺖ ﻳﺪﻱ ﻣﻨﻮ
ﻣﺎ ﻋﻠﻖ ﻋﻠﻲ ﺍﻟﺤﺮﻛﺔ ﻭﻗﺎﻝ ﻟﻲ ﺣﺘﺮﺟﻌﻲ ﺑﻴﺘﻚ ﻭﺩﺍ ﺁﺧﺮ ﻛﻼﻡ ... ﻋﺎﻳﻨﺖ ﻟﻲ ﺧﺎﻟﺪ ﻭﻋﻴﻮﻧﻲ ﺑﺘﺘﺮﺟﺎﻫﻮ ﺍﻧﻮ ﻣﺎ ﻳﺨﻠﻴﻬﻮ ﻳﺴﻮﻗﻨﻲ ﺑﺲ ﺧﺎﻟﺪ ﺃﺷﺮ ﻟﻲ ﻋﻠﻲ ﺑﻄﻨﻮ ﻟﺰﻭﻡ ﻓﻲ ﺑﻴﺒﻲ ... ﻣﻌﻨﺎﻫﺎ ﻻﺯﻡ ﺗﺘﻨﺎﺯﻟﻲ ...
ﺍﻣﺎ ﻳﻤﺎﻥ ﺍﻛﺘﻔﻰ ﺑﺎﻟﻤﺸﺎﻫﺪﻩ ﻓﻘﻂ .. ﺑﺎﺭﻙ ﻟﻲ ﺷﺎﻫﻴﻦ ﻭ ﻭﻗﺖ ﺳﻠﻢ ﻋﻠﻰ ﺿﻐﻂ ﻳﺪﻱ ﺷﺪﻳﻴﻴﺪ ﻭﻋﺎﻳﻦ ﻟﻰ ﻗﻮﻭﻱ .. ﻭﻗﺎﻝ ﻟﻲ ﻳﺘﺮﺑﻰ ﻓﻲ ﻋﺰﻛﻢ ..
****
ﻭﺩﻭﻧﻲ ﺍﻟﺒﻴﺖ ﻭﺭﺟﻌﻮ ... ﺯﻳﻨﺔ ﻛﺎﻧﺖ ﺭﺍﻗﺪﻩ ﻓﻲ ﺣﻀﻨﻲ ﻭﺍﻧﺎ ﻛﻨﺖ ﺑﻤﺮﺭ ﺍﺻﺎﺑﻌﻲ ﻋﻠﻲ ﺷﻌﺮﻫﺎ ﻟﻐﺎﻳﺔ ﻧﺎﻣﺖ ... ﺍﺑﻮﻫﺎ ﺟﺎ ﻭﻗﺎﻝ ﻟﻲ : ﺣﺄﻭﺩﻳﻬﺎ ﻏﺮﻓﺘﻬﺎ
ﻗﻠﺖ ﻟﻴﻬﻮ ﻻ ﺧﻠﻴﻬﺎ .. ﻧﺎﻳﻤﻪ ﻣﺮﺗﺎﺣﻪ
ﻋﺮﻑ ﺍﻧﻲ ﻣﺎ ﻋﺎﻳﺰﺍﻫﻮ ﻓﻲ ﺍﻟﻐﺮﻓﻪ .. ﻃﻮﺍﻟﻲ ﻃﻠﻊ ..
ﻓﻲ ﻧﻔﺲ ﺍﻟﻴﻮﻡ ﺍﺗﺼﻞ ﻋﻠﻲ ﻳﻤﺎﻥ ... ﻗﺎﻝ ﻟﻲ ﻭﻟﺪﻱ ﺻﺎﺡ؟؟؟
ﺳﻜﺖ ﻣﺎ ﺭﺩﻳﺖ ﻟﻴﻬﻮ
- ﺟﻮﺭﻱ !!! ﺍﻟﺒﻴﺒﻲ ﺍﻟﻠﻔﻲ ﺑﻄﻨﻚ ﺗﺒﻌﻲ ﺻﺎﺡ !!!
ﻳﻤﺎﻥ !! ﺩﻩ ﻭﻟﺪ ﺷﺎﻫﻴﻦ ﻣﺎ ﻭﻟﺪﻙ !! ﻭ ﺍﻧﺴﻰ ﺍﻱ ﺷﺊ ﺣﺼﻞ ﺑﻴﻨﺎﺗﻨﺎ ... ﺍﻧﺎ ﺯﻭﻟﻪ ﻣﺘﺰﻭﺟﻪ !! ﺍﻟﻜﻼﻡ ﺩﻩ ﻣﺎ ﺻﺎﺡ !
- ﺍﺳﻲ ﺑﻘﻲ ﻟﻴﻚ ﻣﺎ ﺻﺎﺡ !!!! ﺟﻮﺭﻱ ﺍﻧﺘﻲ ﻭﺍﻟﺠﻨﻴﻦ ﺍﻟﻠﻔﻲ ﺑﻄﻨﻚ ﺗﻠﺰﻣﻮﻧﻲ """ ﻓﺎﻫﻤﻪ ﻭﻻ ﻻ !!!
ﻗﺒﻞ ﺍﺭﺩ ﻗﻔﻞ ﺍﻟﺨﻂ ﻓﻲ ﻭﺷﻰ !!!
# ﺍﻟﺴﺎﺑﻖ
ﻋﻢ ﺻﺎﻟﺢ !!! ﺍﻣﺠﺪ ﺍﺧﻮﻱ ﻣﺎﺕ ﻗﺪﺍﻡ ﻋﻴﻮﻧﻲ ﻳﺎ ﻋﻢ ﺻﺎﻟﺢ !!!!
- ﺍﺳﺘﻬﺪﺉ ﺑﺎﻟﻠﻪ ﻳﺎ ﻭﻟﺪﻱ ... ﻛﻞ ﺷﻲ ﻗﻀﺎﺀ ﻭﻗﺪﺭ !
ﻻﻻﻻﻻ ﺍﻣﺠﺪ ﻛﺎﻥ ﺑﻌﺎﻳﻦ ﻟﻲ !!! ﻛﺎﻥ ﺑﻮﺻﻴﻨﻲ ﺑﻲ ﻋﻴﻮﻧﻮ !!! ﺍﻟﻌﺮﺑﻴﻪ ﺍﺗﻔﺠﺮﺕ ﻳﺎ ﻋﻢ ﺻﺎﻟﺢ !!! ﺍﺗﻔﺠﺮﺕ !!!
ﺍﻟﺪﻛﺘﻮﺭ ﺟﺎ ﺩﺍﺧﻞ ﻭﻗﺎﻝ ﻟﻲ ﺻﺎﻟﺢ ﺣﻨﺪﺧﻠﻮ ﻋﻤﻠﻴﺔ ﺗﺠﻤﻴﻞ ... ﺣﻨﺤﺎﻭﻝ ﻧﺨﻔﻒ ﺃﺛﺮ ﺍﻟﺤﺮﻳﻖ ﻋﻠﻲ ﺍﻷﻗﻞ ﻧﺴﺘﺮﺟﻊ ﺍﻟﻮﺵ ﻷﻧﻮ ﺍﻷﻫﻢ ..
ﺻﺎﻟﺢ : ﻃﻴﺐ ﻳﺎ ﺩﻛﺘﻮﺭ . .. ﺭﺑﻨﺎ ﻳﻮﻓﻘﻜﻢ
ﻣﻊ ﻃﻠﻮﻉ ﻋﻢ ﺻﺎﻟﺢ ﻻﻗﺎﻫﻮ ﺍﻟﻤﺤﺎﻣﻲ ... ﺳﻠﻢ ﻋﻠﻴﻬﻮ ﻭﻗﺎﻝ : ﺑﻜﺮﺓ ﺣﻨﻌﻤﻞ ﺍﻷﺟﺮﺀﺍﺕ .. ﺍﻟﻤﺮﺣﻮﻡ ﺳﻬﻞ ﻋﻠﻴﻨﺎ ﻭﻣﺴﺠﻞ ﺍﻟﺸﺮﻛﺔ ﺳﻠﻔﺎ ﺑﺄﺳﻢ ﺍﺧﻮﻫﻮ ... ﺳﺒﺤﺎﻥ ﺍﻟﻠﻪ ﻛﺄﻧﻮ ﻛﺎﻥ ﻋﺎﺭﻑ ..
ﻋﻢ ﺻﺎﻟﺢ : ﺍﻥ ﺷﺎﺀ ﺍﻟﻠﻪ ... ﺭﺑﻨﺎ ﻳﻘﻮﻣﻮ ﺑﺎﻟﺴﻼﻣﻪ
# ﺍﻟﺤﺎﺿﺮ
ﺑﻌﺪ ﺭﺟﻮﻋﻲ ﺍﻟﺒﻴﺖ ﺑﺄﺳﺒﻮﻉ ﻛﻨﺖ ﺑﺤﻀﺮ ﻓﻲ ﺍﻟﺘﻠﻔﺰﻳﻮﻥ ﻣﻊ ﺯﻳﻨﺔ ... ﺷﺎﻫﻴﻦ ﺟﺎ ﻭﻛﺎﻥ ﻣﻬﻤﻮﻡ ﻭﺑﺎﻳﻦ ﻋﻠﻴﻬﻮ ﺷﺪﻳﺪ ... ﻟﺪﺭﺟﺔ ﺍﻧﻮ ﺑﺘﻮ ﻟﻤﻦ ﺍﺗﻌﺎﺑﻄﺖ ﻓﻴﻬﻮ ﺟﺎﻁ ﻓﻴﻬﺎ ﻟﻐﺎﻳﺔ ﺑﻜﺖ
ﺷﻠﺘﻬﺎ ﻭﺩﺧﻠﻨﺎ ﺍﻟﻐﺮﻓﻪ ﺣﻨﺴﺘﻬﺎ ﻟﻐﺎﻳﺔ ﻧﺎﻣﺖ ...
ﻭﻗﺖ ﺩﺧﻠﺖ ﺍﻟﻐﺮﻓﻪ ﻟﻘﻴﺘﻮ ﻧﺎﻡ ﺣﺘﻰ ﻣﺎ ﻛﻠﻒ ﻧﻔﺴﻮ ﺍﻧﻮ ﻳﻄﻠﻊ ﺟﺰﻣﺘﻮ ...
ﻃﻠﻌﺘﻬﺎ ﻟﻴﻬﻮ ﻭﻏﻄﻴﺘﻮ ﻭﻃﻔﻴﺖ ﺍﻟﻨﻮﺭ ﻭﻣﺸﻴﺖ ﻧﻤﺖ ﻣﻊ ﺯﻳﻨﺔ ﻓﻲ ﻏﺮﻓﺘﻬﺎ ..
ﺍﻟﺼﺒﺎﺡ ﻋﻤﻠﺖ ﺍﻟﺸﺎﻱ ﻭﺟﻬﺰﺗﻮ ﺑﺲ ﻣﺎ ﻃﻠﻊ ... ﻭﻗﺖ ﻣﺸﻴﺖ ﺍﻟﻐﺮﻓﻪ ﻟﻘﻴﺘﻬﺎ ﻓﺎﺿﻴﻪ ... ﺳﺄﻟﺖ ﺗﻨﻮﻳﺮ ﻗﺎﻟﺖ ﺍﻧﻮ ﻃﻠﻊ ﻣﻦ 6:34 ﺻﺒﺎﺣﺎ
ﺍﺳﺘﻐﺮﺑﺖ ﻃﺒﻌﺎ ﺑﺲ ﺧﺘﻴﺖ ﺍﻧﻮ ﺑﻜﻮﻥ ﻣﻦ ﺿﻐﻂ ﺍﻟﺸﻐﻞ ﻭﻛﺪﻩ ...
ﺍﻣﺎ ﻳﻤﺎﻥ ﺑﻘﻰ ﺿﺎﻏﻂ ﻋﻠﻲ ﺷﺪﻳﺪ
ﻗﺎﻝ ﻟﻲ ﺍﻃﻠﺐ ﺍﻟﻄﻼﻕ ﻣﻦ ﺷﺎﻫﻴﻦ ﻭﻫﻮ ﻃﻮﺍﻟﻲ ﺣﻴﻌﻘﺪ ﻋﻠﻲ .. ﺣﺘﻰ ﺍﻧﻨﺎ ﻣﺎ ﺣﻨﻘﻌﺪ ﻓﻲ ﺍﻟﺴﻮﺩﺍﻥ ...
ﺭﺍﺳﻲ ﻛﺎﻥ ﺟﺎﻳﻂ ﺷﺪﻳﺪ ﻭﺟﺎﻣﻌﺘﻲ ﻓﺘﺤﺖ .. ﻟﻜﻦ ﺍﻟﺪﻛﺘﻮﺭ ﻣﻨﻌﻨﻲ ﻣﻦ ﺍﻟﺴﻔﺮ ﻋﺸﺎﻥ ﻛﺪﻩ ﻓﻜﺮﺕ ﺍﺟﻤﺪ ﺍﻟﺴﻨﻪ ...
####
ﻣﺎ ﻣﻌﺮﻭﻑ ﺍﻟﺤﻴﺤﺼﻞ ﺷﻨﻮ .... ﻟﻜﻦ ﺗﻔﺘﻜﺮﻭ ﻗﺼﺔ ﺍﻣﺠﺪ ﺷﻨﻮ ... ﻭﻛﻴﻒ ﻋﺎﺭﻑ ﺍﻱ ﺣﺎﺟﻪ ﻋﻨﻲ ﻭ ﻋﻦ ﻋﻼﻗﺘﻲ ﺑﻲ ﻳﻤﺎﻥ ؟؟؟
ﻃﻴﻴﻴﺐ ﺧﻠﻴﻜﻢ ﻣﻦ ﺩﻩ ... ﻣﺶ ﺍﻣﺠﺪ ﺃﺻﻼ ﻣﺎﺕ !!!! ﻃﻴﺐ ﺍﻟﺸﺨﺼﻴﻪ ﺍﻟﺤﺎﻟﻴﻪ ﺍﻷﺳﻲ ﺩﻱ ﻣﻨﻮ !!! ﻭﺣﻜﺎﻳﺘﻬﺎ ﺷﻨﻮ !!!!
ﻣﺎ ﻣﻌﺮﻭﻭﻭﻑ !!! ﻛﻞ ﺍﻟﺒﻌﺮﻓﻮ ﺍﻧﻮ ﺣﺎﻥ ﻭﻗﺖ ﺍﻟﺼﻒ
#ﺻﻠﻮا_ﻋﻠﻲ_ﻣﺤﻤﺪ
أنت تقرأ
صف البنزين
Romanceﺍﻟﺒﻨﺰﻳﻦ ﺍﻟﺒﻴﻨﺰﻭﻝ Benzene ﻫﻮ ﺳﺎﺋﻞ ﻋﺪﻳﻢ ﺍﻟﻠﻮﻥ،ﻗﺎﺑﻞ ﻟﻼﺷﺘﻌﺎﻝ، ، ﺗﺮﻛﻴﺒﺘﻪ ﺍﻟﻜﻴﻤﻴﺎﺋﻴﺔ ) C6H6 ( ﻭﻟﺬﻟﻚ ﻳﻜﻮّﻥ ﺣﻠﻘﺔ ﺳﺪﺍﺳﻴﺔ . ﺍﻟﺤﻠﻘﺔ ﺍﻟﺴﺪﺍﺳﻴﺔ ﻟﻠﺒﻨﺰﻳﻦ ﻫﻲ ﺃﺑﺴﻂ ﺟﺰﻱﺀ ﻓﻲ ﺍﻟﻜﻴﻤﻴﺎﺀ ﺍﻟﻌﻀﻮﻱ ﺍﻟﻌﻄﺮﻳﺔ ﻟﺬﺍﻟﻚ ﻳﻤﺘﺎﺫ ﺑﺄﻧﻪ ﺫﻭ ﺭﺍﺋﺤﻪ ﻗﻮﻳﺔ ﻭﻧﻔﺎﺫﻩ ... ﺣﺒﻴﺖ ﺍﺑﺘﺪﺉ ﺑﺎﻟﻤﺪﺍﺧﻠﻪ ﺩﻱ ﻋﺸﺎ...
