ذنوب بريئة

تابع

#تابع الجزء السابع عشر
حتى ماتزعلون ويبقى بخاطركم هذا بارت كلش كلش عنون هديه الكم وتصبحون على خير  ..

اخذت ساره  وطلعت للجده وصلنا ودكيت الباب دخلتنا اسمها ام مصطفى جانت بنيه

بعدها  مو كلش جبيره وعدها مصطفى ومرتضى ومتزوجه وكلش صغيره وعمرها

١١سنه ولدها كبروا وياها وبعد  ماحبلت غيرهم على  اساس انجست فحصت ساره

كالت  ابقوا او ترجعون منا للليل الاتولد او باجر الصبح ولادتها بعد بيها مجال وهاي تشليعات...

هم تشكرت منها  واخذت  ساره وبوجهي لبيتنا ماكلت حزامي ركيك واول مره ساره ترجع

لبيتنا بعد ما الكل منعها توصل النا استقبلتنا وداد ومسويه  غده فاصوليا وتمن عنبر

المشخاب افيش وجايبه لبن وكعدنا التمينا كلنا فرد سفره واكلنا وشربنا  جاي بس كلبي جان

كلش لاعب وبوكتها بلشت احداث امريكا وتريد تقصف العراق قبلها هيج بشهر جانت

نهاية  السنه  او النص الثاني مالت الدوام بقيت مامرتاحة رغم فرحانه اخذت حقي ولو ربع منه ...
ماسمعنا الا الباب مدكوه واتكسرت من الدك

انهجرت هجر مابقى بيه حيل افتح الباب راحت ورده فتحته والصدمه ابو رعد جايب الشرطه عليه ....

يافضيحتي ويافشلتي ياصخامي ولطامي...

حاول ولد من الشرطه يسحب عبايتي من طلعت  الهم  لان جان عليه امر القاء القبض ..

ام محمد~~~~لك شنو انته تريد توكع عبايتي  بس لاغيره ولا ناموس على الي جابكم لمره ارمله بطرك روحها وابنها طالع من البيت وبس كومة نسوان وياها تففف عليكم...

مرات  الفقر والظروف تخلي الانسان يفقد حتى ذاته ومرات تحوله لغير شخص يعني اني عايشه بفقر وغيري  متنعم بلذات الحياة والادهى من هذا يجي يذب سخط عليه هذا فوك طاقتي وقدرتي وتحملي...

ساره  ~~~لج وداد عزززة اخذو امي يبوووو ولكم عوفوها امي يمه سوده  بوجهي...

ام محمد ~~ارجعي  يمه لاتخافين شحد واحد يمس شعره من راسي بس هم يخافون جابو الشرطه وداد هاي ساره  امانه بركبتج . ..
وداد ~~صار خاله...
فوتي ساره  لجوه خلي نكعد ونشوف حل خو ما تبقى خالتي بالسجن...

ساره ~~~لج سوده بوجهي صعدوها بالسياره يبووو راح يسجنوها...

وداد~~~شبيج اهدي ....خلي ياخذوها مره جبيره قابل يغتصبوها...

ابو رعد ~~~احم اطلعي  ساره بسرعه يالله ترجعين لبيتج احنه  مو كواويد ونخلي بتنا بنص الكاوليه..
ساره  ~~~منو تقصد كواليه؟؟؟

ابو رعد~~اول وحده امج ام الشرطه والسجون هههههه والثانيه النغله  والثالثه هاي اللفوه الي ماعدها لا اصل ولا عشيره اخذتها  امج لاخوج الحرامي...

وداد~~ولك شيب وعيب يالخنيث يالخيخه كدرتك على النسوان لو بيك حظ جان وكفت بوجوه الزلم مو على نسوان تففف على شواربك...

ابو رعد ~~~عاهره وماعندج اصل ماعليج عتب وانتي تعالي وحسابج بعدين بسرعه ..

ساره ~~ماريد...
ابو رعد~~هسه بالعكال راح امشيج...

ودواد~~ولك شايب الببين تضرب حامل وتطلك اوكف...

ساره ~~يبوووو ...

ابوو رعد~~يابنت الملعوون اخخخ..

وداد ~~•حتى ماتتقاوى على نسوان ياخنيث الواويه ...
بررره وماا اوصيك روح اشتكي وكول بسطتني وحده مره...

حتى  اعرف شلون  اربيك...