ذنوب بريئة

الثالث والعشرون

امير~~~ياربي اعوذ بالله اني هسه شنو ابقى افكر بهاي الورده بلكي الله وباجر الصبح نعقد.....

ام فراس ~~~حتى لو ماتجي امك اني اخذكم واعقدوا لو نجيب الشيخ للبيت...

امير~~زين تسوين.....
ام فراس ~~~بس اخاف لا فراس يسويلنا سالفه ويخرب الاول والتالي....

امير~~~شسوي اصلا مايكدر يسوي شي بس نشتكي على ام محمد وعليه وعلى ورده يخاف بيها تلاعب بالانساب ...

ام فراس ~~يعني شلون؟؟

امير~~خاله تحليل DNA هذا يطلع اذا هي بتهم اولا...

ام فراس ~~~يعني ياخذون من الدم مالت ورده ومن صفيه غير هيج .....

امير~~لا مو شرط دم حتى لو شعر او لعاب اي شي...

ام فراس ~~ولا ادري ...
امير~~شعبالج...
ام فراس ~ هسه عرفت ليش فراس ساكت....

امير ~~~اي فروسي ماايسكت..هههه...

ورده~~~خاله اريد اسئلج ...

ام فراس ~~بسم الله ولج شنو جنج جني تمشين على طرف اصابعج...
ماكو لاباب يندك لاصوت لا احم شكو....

ورده~~~شدعوه ردت اعرف امي صفيه اكدر اروح باجر يمها اشوفها ...

ام فراس ~~شكو نزلت عليج المحنه باجر نعقدكم انتي وامير عاد لمي نفسج عن الفضايح وهاي السوالف يابنتي لا تضلين

تركضين وره فلان وعلان الله وكيلج محد يفيد المره بس بيتها ورجالها...

ورده ~~ماشي خاله ومدرسه ما اروح باجر..
امير~~شكو مدرسه شكوو بطلي باجر نعقد واخذج ونروح لبيت اهلي حتى يتم زواجنا...

ورده ~~~هيج بسرعه زواج لو غير خطوبه ..

ام فراس ~~شناويه عيوني تبقين يمي كلشي ماكو لاخطوبه ولا عرس ولابدله...

ورده ~~تمام خاله ...اروح انام يم تماره...

ام فراس ~~لا تماره عدها دراسه...
ورده ~~لعد وين انام...

ام فراس ~~~فوتي لغرفة الفراشات نامي..

ورده ~~قصدج مخزن؟
ام فراس ~~~شبيها الي كاعده بفيلا روحي منا...

ورده(شورطج غبيه ثوله نعاله واجيتي لهاي السعلوه وجماله اني مصدكه بحجيها والله غلبتني وفرقتني عن اهلي هسه باي وجهه اروح اشوف امي سوده بوجهج ورده سوده صخام ليش مارحت ويه فراس امير هذا حقير شنو فايدة فلوسه وشهادته مدري شناوي عليه يارب يخلصني منه وارتاح.....

تصبحون على خير....

امير~~اجمعين يا كل الخيررر...

ورده~~اووف ربي النوم جافي عيني شوف الفراش شكد ريحته خايسه اني استحق تركت امي واخواتي وبيتنا ليش هيج سويت بأمي