عبود جوله
لمن دخلت للبيت البيت اول مدخلون بيه دربونه طويله وتلاكيك هول صغير بس بدون شبابيج وبيه غرفتين وكل غرفه بطنهه غرفه مثل السرداب والبيت كوله ريحه متنطاق مثل ريحة الحرك وريحة بخور من تدخل البيت تحس داخل السرداب بلكبور اني هنا كلبي لعب كلت خاف هاي عصابه مثل عصابة ريه وسكينه ويكتلوني ويذبوني بلسرداب هههه بعدين كلت واني عليمن يكتلوني شو لا فلوس ولا ذهب
شويه وجت الحجيه شايله كلاص مي كالت هاك يمه اشرب ميه تره انته اليوم تعبت
لا حجيه هذا شغلي ما اتعب منه
كالت انته شتحصل من شغلك هذا
والله حجيه نوبات ربع ونوبات درهم ونوبات ماكو هههههه
زين والي يشغلك شغله تحصل منهه عشرات
الله ويدج حجيه بس شني من شغله هاي
شوف يمه هاي الشغله بيهه فلوس وبيهه ثواب
يعني شلون بيهه ثواب
كالت اني اكلك شلون
شوف اكو هواي ناس متخاف من الله وتسوي سحوره وتفرق بين الزوج ومرته وتخرب بيوت وناس تدخل بيهه جني
اني شغلتي اساعد الناس وفك السحر وطلع الجن
اني هنا بكت هوه كلت يمه هاي بس لا تعزم عليه ههههههههههه
كالت الحجيه وشغلتنه تريد الهه واحد سبع ميخاف ويحب يساعد الناس واني جان عندي ابن ابني يساعدني بس هسه هوه راح للجيش وبعد ميكدر يشتغل وياي وانته شفتك خوش ولد وسبع ومتخاف كلت هم يساعدني وهم هوه يستفاد
والله حجيه ما ادري شكلج خليني افكر ورجعلج الجواب
خوش يمه براحتك فكر بس لتبطي علي لان اني اريد الي يساعدني
كمت كلتلهه ان شاء لله حجيه باجر اردلج الجواب
ردت اطلع جان تكلي معرفت اسمك اني يسموني ام ابراهيم وانته
عبوده اسمي عبوده
عاشت الاسامي يمه
طلعت دينار خلتهه بيدي وكالت باجر اريد الجواب
عبوده جوله
طلعت من بيت ام ابراهيم وراسي مفتر امشي وسولف ويه روحي كلت خلي اروح للبيت أسأل الوالده عل هل شغله رجعت للبيت تلكتني امي
ها يمه الله يساعدك
هله يمه شلونج
اخذت العلاكه مني وراحت
لحكتهه للمطبخ جان مطبخنه صغير وبيه ثلاجه عشتار وطباخ طرح زغير وبيه ميز حاطه بيه امي المواعين وفارشته حصير زغير
وكفت يم الثلاجه وكتلهه يمه اريد اسالج
كول يمه شكو
اكلج عود شني سحر
يمه اسم الله وين لكيته
شنوه يمه
السحر غير
ههههههههههه لا ما لكيته بس سمعت نسوان يسولفن على السحر كلت اريد اعرف شنو
الله ايجفينه شره يمه هاي اعمال الناس الما تخاف من الله
زين يمه اكو ناس توخره
اي يمه اكو هوايه ناس تساعد بهيجي شغلات ذيج السنه خالتك سليمه من تزوجت بيوم عرسهه طردهه رجلهه ويكلهم ما ريدهه
بعدين اخذناهه السيد بل زبير وطلعه سحر وراهه اجه رجلهه وكام يتوسل بس رجعوهه
لا بلا
اي والله يمه ناس حاسده متحب الخير الغيرهه
زين وهاي الناس الي تفك السحر هم عليهه حرام
لا يمه بلعكس تحصل ثواب خطيه الناس متاذيه هواي من هاي الشغله
اكلك عبود يمه دير بالك تلكالك شي بلكاع خرزه وتشيلهه سمعت
لا يمه لا اني معليه بهاي الشغلات
يلا يمه اني رايح الله وياك
طلعت بل باب واكف وجان اشوف بيت ابو سفيان نفتح وطلعت منه رباب
اويلي رباب مرت من يمي وباوعتلي وراحت واني احس كلبي كام يدك الف دكه بل دقيقه ظليت واكف شفتهه طبت البيت بصفنه شويه طلعت مرت من يمي كالت شعدك واكف بل باب
اويلي يابه هاي وياي
ههههههههههه اي لعد ويه ابويه
ههههههههههه لا بس ممصدك تحجين وياي
ليش
ما ادري ماصدك تحجين وياي
لا يمعود شدعوه انته تره مو شويه
لابربج صدك
ههههههههههه اي والله
هلو رباب
هلو حسن شلونك الحمد لله
يلله اني اروح
الله وياج
باوعت الحسن وكتله انته اكو واحد دازك عليهه
ههههههههههه
رحت تعشيت ونمت الصبح كعدت مثل كول يوم تريكت وبدلت وطلعت للشغل
من وصلت للسوك لكيت ام ابراهيم منتظرتني كالت
صباح الخير يمه
صباح الخير ام ابراهيم
ها يمه شكلت علشغل
والله خاله اني خايف شويه
يمه ما بيهه خوف صدكني صارلي ٤٠ سنه واني اشتغل هل شغله ما فد يوم اذيت واحد
زين خاله اني موافق بس بشرط
