جنت نايم واسمع ططططططططووووووطططططططط
فزيت من نومتي وشوف ثنين شكران واحد شايل جفجير والثاني شايل طاوه ويصيحون اني هنا كلت ذوله جن ام ابراهيم لحكوهه كمت اصيح
بسم الله الرحمن الرحيم
اعوذ بلله من الشيطان الرجيم
وجان انفتح الباب ودخلت خيريه وتظحك وتصيح ولكم سودنتو الولد طلعو منا اني وكفت عل كيلي وظليت صافن كلتلهه ذوله منو
ذوله خواني قيس وليث
اسفه دزيناهم يكعدوك
ههههههههههه ولج عبالي ذوله جني
ههههههههههه لا صدك والله همه هم جني يموتون
شو من اجيت مشفتهم
جانو نايمين همه التوم تصير نومتهم سويه
يلله تعال تغده
رحت تغدينه وطلعنه لبيت ام ابراهيم التهينه اجو ناس وشتغلتهم ام ابراهيم بليل كلت خلي ارجع للبيت خطيه امي ظل بالهه عليه
وصلت للبيت لكيت امي بلباب خطيه واكفه من شافتني شبكتني وظلت تبجي بست راسهه وطبينه للبيت لكيت ابوي كاعد بلهول من شافني وكف عل حيله وشبكني وبجه اني من شفت ابويه يبجي كمت اشهك وياه لا بويه ليش تبجي
ولك بويه ليش هيج وين رحت هيج نطاك كلبك تعوفنه
اسف بويه والله جان عندي شغل بعد ما سويهه
يلله بويه ميخالف بس ابد بعد لتبات بره
ميخالف بويه
يلله بويه اكعد ارتاح التمو عليه خوتي ظلينه نسولف ونظحك لليل رحت للمطبخ لكيت امي وخواتي يسون عشه صحت يوم
ها يمه
هاج ذني الفلوس خليهن يمج خاف تحتاجون وطلعت خمس الاف وخليتهن بيدهه
كالت امي اللهم صل على محمد وال محمد يمه منيلك هاي الفلوس
من شغلي غير
يمه وين اكو شغل هلكد يجيب فلوس
لا يمه اكو هوايه
بس شني من شغل يمه تره اذا حرام لا انته ابني ولا اعرفك
لا يمه وراس الحسين حلال بس هوه شويه يتعب
يمه هيه حلاوت الشغل بلتعب اهم شي حلال
حلال وداعت عيونج حلال
هاذهو يمه مدام حلفت مصدكتك
حطت الفلوس بسدرهه وكملت العشه
رجعت يم ابوي صبو عشه تعشينه وظلينه نسولف جان تكول اختي نسرين عبوده بعد اختك معزومه عل حنه وريد اشتري ثوب عفيه صاحت حنان واني هم ردت خوله واني واني كلتلهن هوب هوب شبيجن هاي يا حنه تردن ترحنه
حنة رباب هاي البيتهم كبالنه
منو
جان يكول محمد هاي البنيه الجابتلنه نزله بيوم نزلنه هنا ويباوعلي ويظحك
اني صفنت بس بعدين كلت يو ويني وين الحب
كتلهن شوفن اطيجن فلوس بس مو تتاخرن ترحن شويه وتجن
شو ذني خبصني هههههههههيييييي
وكامن يصفكن هههههه ظليت اظحك عليهن
شلت الفين طيتهن لمي
يمه عندي اني اشتريلهن
لا يمه ذنيج ظميهن الغير شي وذني اخذي البنات شتريلهن
يمه الله يرظه عليك ويرزقك
يلله يمه اني اروح للشغل
رحت للشغل وظليت يوميه اروح الصبح ورجع العصر تعلمت هواي شغلات حته كمت اني اسوي الرقيه للمرظه وصرت حته احسن من ام ابراهيم كالت ام ابراهيم انته عقلك جبير وتلكفهه لكف وراح تصير احسن مني
مرت الايام وتعلقت بخيريه هواي كمت بيوم الماشوفه اتخبل لحد ما خلصن الثلاث سنوات
فد يوم اجه ابويه بليل وكال اريد احاجيكم بشي خلص العقد مالتي وراح نرجع للبصره طبعا الكول كيف بس اني حسيت بظيق مو طبيعي
كال نهايت هاذا الشهر نرجع
كلنه هاذهو انشالله نجهز انفسنه
طلعت من البيت رحت عل بيت ام ابراهيم ردت ادك الباب بطلت
رحت عل بيت خيريه دكيت الباب طلعت خيريه كالت هله عبود تفظل كتلهه لا اريد احجي وياج كالت زين روح شويه وجي وراك
كعدت باب البيت انتظر شويه وطلعت طبينه البيت ام ابراهيم لكيناهه نايمه كعدنه بلهول كالت ها عبود خير شكو
كتلهه خيريه اني احبج
ظحكت ودنكت اني هم
ههههههههههه والله احبج بس اني راح ارجع للبصره
هنا خيريه تغير لونهه وكالت شنو
اي خيريه ابوي خلص العقد مالته وراح نرجع
شلون واني
هوه اني اريد اكلج راح اجي اخطبج واخذج وياي شتكولين
يعني اروح للبصره
اي
ليش انته متظل هنا
ما اكدر هناك اهلي ما اكدر اعوفهم
بس اني اكدر اعوف اهلي
يعني شنو
يعني ظل هنا ونتزوج بس مال اروح للبصره لا ما اكدر
هاذا اخر حجي عندج
اي عبود ما اكدر والله امي وحدهه وبوي وبيبيتي منو الهم
خيريه فكري بلموظوع منا للسبوع الجاي ورديلي خبر
طلعت خيريه واني ظليت الوب شلون اذا مقبلت
شويه كعدت ام ابراهيم كالت ها عبود اجيت
اي خاله
خاله عندي حجي وياج
خير يمه احجي
حجيت لم ابراهيم كولشي حته عل خيريه
كالت يمه الله شاهد انته ابمعزت ولدي وراح افتقدك بس ذولاك اهلك وميصير تعوفهم ونته بعد تعلمت عل شغله روح بلكت تطيب ناس بلبصره واني تعبت بعد ما اكدر اشتغل بس شغلت خيريه ما ظنه تصير لان مثل ما انته متكدر تعوف اهلك هيه هم بس اذا تحبك تبعك واذا الله قاسمهه الك متصير الغيرك
حيل ريحني حجي الحجيه
