عبوده جوله
اندكت الباب قوي وسمع صوت عمار يصيح ولك عبود الحك
طلعنه نركظ لكينه عمار بلباب حالته حاله
ولك عمار شكو احجي ولك الحك عبود المحل حترك
ولك يا محل
محلنه الجديد شبيك
هنا اني وكفت عندي الدنيه ظليت صافن
ابويه كله ولك شمدريك
عمي جنت مسير يم عمامي ومن رجعت سمعت ناس تسولف تكول حريكه بسوك العطار وصلت اهلي ورجعت ولكيت محلنه محروك
اني بعد متحملت رحت ركظ وعمار ومحمد وعلي يركظون وراي
وصلنه للسوك ونشوف الناس تركظ تحاول تطفي النار اني كمت ادك عل راسي
وره ساعه كدرو يطفون النار وراحت الناس كعدت كبال المحل وحاط ايدي عل راسي
اجه ابويه كلي عبود
هايابه
شعندك كاعد بلشارع يلله بويه امشينه
بويه المحل احترك
بويه احمد الله متاذه واحد وحمد الله مجنت متسوك وحمد الله مجلبت النار بجيرانك اما المحل فهين باجر نظفه ونصبغه ويرجع احسن من قبل وذوله خوتك وياك
اي خويه عبود والله باجر نرجعه جديد ولا يهمك
والله بويه اني محتار بس اريد اعرف شلون حترك
بويه هاذا امر الله تكدر تعترظ عليه
لا بويه بس ليش بس محلي
امر الله شلون وياك
لا بويه مو امر الله بس خلي اعرف واني اتصرف
رجعنه للبيت ثاني يوم طلعنه من الصبح فتحنه المحل وبدينه نظف بيه من جديد كال عمار كلت الصاحبي صباغ راح يجي يصبغه باجر
اي والله خيك خلي يستعجل لازم نفتح هل اسبوع
بعدنه نظف وجان يجي ابو المحل البصفنه
السلام عليكم
وعليكم السلام عمي
هاي منو حرك محلكم
والله عمي اكيد راح اعرفه وساعتهه اله احركه حرك
ها يلله الله وياكم
عمار اكلك عبود شو ما مرتاح الهلرجال
اي والله اني هم
شماشوف عنده ايد بحركت المحل
والله ما ادري يخوي خلي نكمل بسرعه وباجر طلع الصباغ واني اروح اتسوك بس ها متعوفون المحل ابد حته بليل نبات بيه
اكيد خويه يوميه عل واحد نبات بيه رحت ثاني يوم تسوكت اشكال العطاره لاكيت رجال كويتي مبين عليه من ذوله البدون كلي انته ليش متتسوك من الكويت راسن احسلك وصرف
والله يخوي اني ما اندل شي بلكويت
والي يتسوكلك ويجيبه
والله ياريت بس شلون
شوف اني عندي سياره نقل جبيره تريد تروح وياي تريد اني اجيبلك لهنا
والله شكلك اني ستوني فتحت المحل خلي اشوف الشغل شلونه ورجعلك
براحتك واني رقمي عد ابو ظاهر هاذا ابو الجمله شوكت مفكرت خابرني
جان بوكتهه بس ارظي اكو
كتله ماشي
المهم تسوكت ورجعت لكيت الولد صابغين المحل ومخلينه لوز
صفطنه الغراظ وكملنه
اكلكم يولد اني رايح للبيت تردون شي
لا استادي
ههههههههههه خرب يومكم شني ستادي ولكم
جا غير انته ستادنه
ههههههههههه ديلله عاد اني رايح
مرت الايام والشغل عال العال
وبيوم اني كاعد بلمحل وجان تجيني مره
شلونك يوليد
هله خاله تفظلي
كالت اريد المكتوب بهاي الورقه وطتني الورقه
قريتهن لكيت بيهن شغلات مال سحر
كتلهه خاله هاي الغراظ الج
لا والله يمه ذني المرت ابني
زين مرت ابنج شتسوي بيهن
يمه تكول تعجنهن ويه الحنه
ها هاي هيه تكلج مو
اي والله يمه خطيه مكروده لا تطلع ولا تطب
باوعت للمره شفتهه مره فقيره ومتعرف شي
كتلهه خاله جمعتلهه شغلات مو يم الغراظ الراتهن وطيتهيا وراحت
اتفاعلو بالقصه
يتبع....
