عبود جوله
كعدت بلمحل وظليت افكر شلون راح اجيب الولد وعالجه
شويه اجه يمي عمار كتله عموري ظل بلمحل رايح بشغله
طلعت رحت لسوك المخظر سالت واحد كتله خيي وين اكو واحداسمه علي عنده بصطيه
اشرلي عل واحد اسمر ظعيف وجهه متعوب اصفر مبين عليه التعب اجيت يمه كتله السلام عليكم
وعليكم السلام تفظل خيي
بيش كيلو الطماطه
بنص دينار
شدعوه يعمي
والله تدري حصار والمسواك ماكو
يلله عيرلي كيلو
عيرلي كيلو طماطه اباوعله يرجف من التعب
كتله خيي بيك شي
ها لا مابيه
اشوفك ترجف
لا والله خيي تعبان شويه
ها زين اسالك سؤال
كال تفظل
كتله هم نفسك تلعب ومعدتك توجعك
ها طلعت دكتور ههههههههههه
لا والله خيي شوصلني للدكتور بس اني عطار وعرف بهيج اشياء وجاي اشوفك تعبان وعندك صداع وجسمك يرجف واني اعرف مرظك هاذا
وشمدريك بلله عندي صداع
من حركات وجهك ونته تعير بلطماطه كل شويه وتغمظ عيونك وتعظ شفتك عرفت عندك الم
اي والله يخوي راسي موتني ومعدتي توجعني
ادري حته كمت تذب من راسك مو
اي وعلي صدك
شوف اني عندي علاجك وسويلكيا بلاش لله ما اخذ منك فلس
رحم الله عل والديك زين شوكت تنطيني العلاج
خلص بصطيتك وتعالي للمحل بسوك العطاره بس اسال عل عبود العطار ويوصلونك
خوش بعد ساعه وجيك
يلله منتظرك راح اسويلك العلاج علما تجي الله وياك
الله وياك الف رحمه عل بيك
رجعت للمحل نطيت الطماطه العمار كتله اخذهه لهلك وبديت اسوي الدوه وره ساعه اجاني الولد للمحل
السلام عليكم
وعليكم السلام هله بيك
اكعد استريح
شوف خيي اني سويتلك الدوه بس الدوه من غير ما تسوي الي راح اكلك عليه مايفيد
كول خويه كلشي اسوي
خوش شوف اول شي تروح تشتري ملابس الك فانيله وشورت ودشداشه وتروح لحمام السوك تذب هاي هدومك كلهه بلزبل وتسبح وتطلع من تخلص سبح دير هاي الشيشه بطاسة الحمام وتسبح بيهه ومن تخلص وتلبس ملابسك تشرب هاي الشيشه الثانيه كلهه وتروح البيتكم بس كون ابد متاكل شي لا من بره ولا من بيتكم هاي الكمه ما تاكلهه سمعت وماي متشرب اذا عطشت تكوم انته وتشرب ابد متشرب من واحد راح تتقيء هواي خليه بطشت وشوف شراح يطلع منك وبعدين ذبه بلبلوعه وباجر الصبح تجيني
فتهمت يخوي
اي فتهمت
خوش تره اذا اكلت لو شربت ماي ما تطيب
لا والله هاي هيه راح اسوي الكتلي عليه
راح الولد واني كمت عل المحل عزلت شكو مواد تدخل بعمل السحوره وخليته بميز وظميته وكلت للولد اي واحد يريد شي من هاي الشغلات الي بلميز ممنوع تطي منهه ابد الا اني حاضر
ليش عبود ولكم هاي وراهه كسران ركبه تعرفون شيسون بيهن كله سحوره وطياح حظ
لا بربك صدك
اي والله هسه هاذا الولد الجان هنا من ساعه شفتو
اي شبيه
خل اكعد وسولفلكم شبيه
انتو خو سامعينه سالفت علي ماكو داعي تسمعونه ههههه
ثاني يوم الصبح اجاني علي بس شني وجهه يظحك مد ايده وسلم عليه وجرني وباسني
كتله ها خويه شلونك شسويت ماسويت
دخلي اكعد وسولفلك بس اول شي سولفلي شني هاذا الطلع مني
انته شنو شفت
والله يخوي شفت سلابيح ترست الطشت ترس
وبعد
ودود اشكال والوان
زين هسه انته شلونك شتحس
والله ياخويه اني احس بروحي جنت نايم وكعدت وحس جسمي خفيف ولا اكو رعشه بس بعد نفسي تلعب
ها خوش جا خلي اسولفلك البيك
بس اول شي توعدني ما تسوي شي مو زين
اوعدك بس كلي شبيه
خويه انته جنت مشرب
ها شمشرب
امشرب محبه
انه اخوك
اي والله وهاذا الذبيته هوه الجان ماذيك
زين منهو مشربني
هنا اني وكفت كتله اذا كتلك شراح تسوي
اشرب من دمهه
شفت ولهاذا السبب ماريد اكلك
لا يخوي لازم تكلي لان السوت هيج مره تعوده مره ثانيه
خوش اكلك بس ماتكتلهه بس وديهه لهلهه وكف علاوي ورجع كعد كلي مرتي مو
اي مرتك بس ماريدك تكتلهه طلكه ورتاح
الله كريم
شوف خيي راح اطيك بعد شراب يوميه تشرب خاشوكه قبل الاكل خوش وملابسك كلهه تذبهه وفراشك تغيره وماعندك غير العافيه راح علاوي وهوه يتشكر مني ويدعيلي خلص النهار واني كاعد بلمحل والناس تروح وتجي للعصر جان يجيني رجال
السلام عليكم عمي
وعليكم السلام تفظل
عمي اريد عبود
اي عمي تفظل
انته عبود
اي عمي اني عبود
عمي كول غيرهه
مي والله اني عبود
بس عمي انته صغير معقوله تدبرهه
هيه شني عمي بس كلي
شوف بعد عمك اني تاجر وعندي خيرات الله وشغلي كله بلكويت بمصر بفلسطين بلسعوديه ماعندي غير هلبنيه والبنيه مدلله حيل عندي وهس صارلهه شهر حالتهه حاله لا تاكل ولا تشرب وماخلت شي ماسوتهه تملخ بروحهه وتصيح هيج لوحدهه ومن نساله شبيج تكول اريد عبود بويه يا عبود تكول عبود العطار روحو اسالو عليه وجيبو وهلجيتك من العماره لهنا ادور صارلي اربع ايام
زين ما عرفتو شتريد مني
لا والله ماندري غير اريدعبود
وهسه المطلوب شنو
والله عمي اني داخل عل الله وعليك اريدك تجي وياي وتشوفهه شتريد منك
اليوم نروح لو باجر
بكيفك يعمي اليوم باجر بكيفك
عمي دنيه ليل هسه تعال وياي لهلي وبات والصبح نغبش للعماره
لا يعمي خاف زحمه عليك اني ابات بلفندق
لا والله هلحجي ميصير تجي وياي والصبح نغبش
الله يرظه عليك يعمي
رحنه البيتنه سوتلنه الوالده مطبك دجاج وتعرف عل ابويه وظلو اليل كوله يسولفون هههه ثبروني بزمن اول
للصبح صلينه وتريكنه وطلعنه وصلنه العماره بلعشره نزلنه يم بستان جبير تلك انا رجال عمره متوسط سلم علينه كتله ها ابو ساره هاذا عبود
اي والله محيسن هاذا كون لكيته بشر شلونهه ساره
عل حطت ايدك مثل ما عفتنه
يلله خوش هسه روح سويلنه مجال خلينه ندطب للبيت
صار ابو ساره
تفظل بويه عبود
يالله دخلنه للبيت اللهم صل على محمد وال محمد شني من بيت يخبل تكول قصر صعدنه الطابق الثاني لكينه غرفه دك الباب ودخل ابو ساره وكلي تفظل عبود
من دخلت لكيت غرفه جبيره واثاثه فاخر ونايمه بيهه بنيه سبحان من صورهه بيظه الشعر تكول ليل والحلك تكول تفاحه حمره
نتبهت عل صوت ابو ساره يصيح
ساره ساره بويه كعدي هاذا عبود جبته الج
طبعا البنيه ولا يمهه بس من سمعت رسمي نتفظت وكعدت عل حيله والسعر مغطيهه
كالت اجه عبود
اي بويه هاذا ويا
تعال عمي عبود حاجيهه
كتلهه ها خيتي اني عبود وجان تخزرني وتغير صوتهه وكالت وين جنت صارلي شهر متانيك
هنا اني نتبهت عل روحي عرفت السالفه كتله اسف ماجنت ادري بيك هنا جا اجيتك من زمان
هسه شتريد مني اني حاظر بس لتاذي البنيه
لا ما اذيه بس انته تساعدني
اي تساعدك بلحلال بس غيره لا
ام ابراهيم تسلم عليك
وعليكم السلام
شلونهه زينه
اي زينه هيه دزتني عليك
شتريد مني
اريد تعلن اسلامي
زين ليش مكلت لم ابراهيم
ام ابراهيم تعبانه وماتكدر تكوم بس نايمه هيه دزتني عليك
انته تعرف لازم تسوي طقوس خاصه وم ابراهيم متكدر عليهه
زين اطيني مجال الباجر اروح اجيب المواد حته اسوي الطقوس واجب
ماشي بس اذا ما اجرت تره ااذيهه
لا يمعود شلون ما اجي اكيد اجي
