ابو عبود وصلنه البغداد الظهر رحنه للسجن سالنه عل امر السجن مخلونه ندخل ظلينه للعصر او محد خلانه ن
فوت للسجن بعدين اجه ظابط راحله ابو ساره حجه ويا دخلنه عل امر السجن سولفناله القصه كال اي اكو واحد اجه من الكويت هيج اسمه كال روحو اليوم وتعال و باجر
فعلا طلعنه رحنه للفندق للصبح طلعنه رحنه للسجن دخلونه للامر سلمته عليه كال تفظلو نخلص معاملته ونطلعه
فرحنه وطلعنه ننتظر طلعت عبود وره ساعتين طلع عبود وجهه اصفر ولحيته طويله شافنه راسن اجه علينه يركظ شبكتي وظل يبجي وبعدين شيك ابو ساره وتشكر منه طلعنه صعدنه بلسياره ورجعنه للبصره
بلطريق كال ابو ساره ابو عبود اليوم نمر علبيتنه نبات وباجر اوصلكم للبصره
عبود عمي شوف شكلي شلونه انروح للبيت وبعدين نجيكم
لا عمي اولا اهلك ميدرون بلصار واذا دخلت عليهم بهلحاله شراح يكولون
يلله ابو ساره براحتك فظلك علراسي
عفه عليك يبو عبود يافظل هاذا عبود ابني الي ما خلفته
الله يديم المحبه علينه يارب
الجميع يارب
وصلنه للبيت كلبي فز من مكانه تمنيت اول وحده اشوفهه بس انفتح الباب طلع السايق سلم علينه دخلنه للبراني امشي وعيوني يدورن عل ساره لمحت خيال بشباج المطبخ باوعت حسيت بيهه تباوعلي ابتسمت ودخلت للبراني
ساره من خابر بابا وكال راح نجي فرحت بعد ما اعرف شسوي نزلت كلت المامه ورحت للمطبخ سويت حلويات وحظرنه الغده وراهه صعدت سبحت وفتحت كنتوري كلت لازم البس شي يرظه عليه عبود ادري بيه ميحب التراكات طلعت كل بيه جابهه بابا من سوريه حلوه مطرزه لبسته وفتحت شعري وسويت بيهه فيونكه وخليت كحله وكل شويه اخابر بابا يكلي بعد شويه وتوصل اخر شي كال راح اسد التليفون لان صيطرات وره ساعتين ندك الباب حسيت كلبي ندك ويا الباب ردت اطلع منعتني امي كالت عيب ماما ميصير ماما بس اشوفه لا حبيبه هسه شيكول ذابه روحه عليه ظليت الوب وكفت بشباك المطبخ ظليت اباوع عليه سوده عليه تعبان وعيونه ذبلانه ولحيته طولانه حسيته شافني شال راسه ابتسم ومشه واني كمت اكمز من الفرحه
ههههههههههه وج ماما اثكلي شبيج
ههههههههههه ماما يخبل
الله يفرحج يارب
كملنه تجهيز الغده
دخل بابا كال ساره حظري الحمام العبود يريد يسبح وطلعيله دشداشه من عندي
صار بابا رحت للحمام جهزته وخليتله ملابس من بابا وخاولي وطلعت راح بابا صاحله
دخل البيت راح للحمام واني اباوعله من شباك الغرفه
عبود كلت لبو ساره اريد اسبح وغسل ملابسي وحلق
راح شويه وجه كلي يلله عبود كوم الحمام جاهز
دخلت للبيت شفت ساره تباوع من شباك الغرفه ظحكت عل تصرفاتهه
دخلت للحام سبحت وحلقت ولكيت قلونيه خليت ولبست الدشداشه الي مخليهه اباوع صرت نعمان ههههههههههه كلش عريظه لان ابو ساره شويه سمين وراهي جسمه
طلعت لاكيت ام ساره بلباب سلمت عليهه وطلعت للبراني تغدينه ونمنه شويه للعصر جابو ملابسي لبستهن وطلعت للحديقه لكيت ساره كاعده عل مرجوحه تقربت يمهه غمظت عيونهه من ورا فزت ولزمت ايدي وصاحت بفرح عبود
غمظت عيونهه فزت لزمن ايدي وصاحت عبود بفرح
ههههههههههه ظحكت عيون عبود
وكفت مقابيلي وتظحك مامصدكه انته كبالي
واني هم متوقعة ارجع وشوفج
ليش جنت مشتاقلي
اوف بكد رحمت الله
تدرين طول ايام السجن واني عمي شلون من عرفتي بيه مسجون شسويتي
اوف عبود لتذكرني مرن عليه ايام لا انام ولا اكل بس ابجي واني مكابلتني وتبجي وياي حته دخلوني مستشفى
سوده عليه اوعدج بعد ابد ما خليج تبجين
يعني حسيت بحبي عبود
بس حسيت بس حتركت بنارج
ايام السفر كول ما اشوف وحده اتذكرج كول ما اشوف مرجوحه احسج كاعده واني اهز بيج لدرجة مره بمصر مرينه عل منتزه بيه مراجيح رحت كعدة عل مرجوحه وظحك ويه روحي وكول شبيه اني تخبلت ههههههههههه
اسم الله عليك حبي
شوفي ساره اني ما احب الف والدوران اني راجع للبصره كم يوم وجي اخطبج شتكولين
ههه اكيد موافقه
ههههههههههه خوش لعد طبي جوه هسه ليجي واحد ويشوفنه
يلله اوكي
اكلج اوكفي بلله
ها عبود شكو
شنو هاي الابسته
شنو غير كلبيه
ادري كلبيه بس شني هلجمال تخبل عليج
ههههههههههه خوفتني عبالي بيهه شي
فدوه للظحكه يلله عيني طبي للبيت
طبينه للبيت لكيت ابويه لوحده كلي هابويه وين جنت
ها جنت بلحديقه
ها بيهه الخير
اكلك بويه ماتسولفلي
عليمن بويه
عل ساره
ظليت صافن ها يا ساره
بت ابو ساره
شبيهه بويه
اني اسالك
والله يابويه مدري شكلك
بويه احجي الصدك
شوف بويه اني اريد اخطبه
بيهه الخير
والله بويه البنيه خوش بنيه واني كلبي هاويهه
والله والنعم منهم خوش ناس
شتكول يابه من نرجع لهلنه نجمع اعمامي ونجي نخطبهه
بيهه الخير الله كريم
هنا دخل ابو ساره شايل صينيه بيهه فواكه خلاهه علطبله وشال تفاحه وسجينه خلاهه كدام ابويه
ابو عبود والله يبو ساره اريد احجي وياك بشغله
احجي ابو عبود
والله انته انسان ماكو منك وماتتجازه علي سويته ويانه
لتكول هيج ابو عبود تره ازعل منك احنه اهل
خوش انته كلتهه احنه اهل وريد اطلب منك طلب
اامر ابو عبود
ما يامر عليك ظالم
اريد اخطب كريمتكم لبني عبود
جنت اكل تفاح راسن غصيت ابويه كاعد يمي كام يدك عل ظهري وبو ساره نطاني كلاص مي حسيت الهوه ظاع اريد اتنفس ماكو
هاي شبيك بويه اسم الله عليك
لا يابه مابيه شي
ههههههههههه هاي شبيك عبود شني غصيت من الفرحه
ههههههههههه والله خويه يمكن غص من سمع الخطبه
هسه ابو ساره شتكول
والله خويه النه الشرف ناسبكم بس لازم نسال البنيه
طبعا لازم تسال البنيه اخذ راحتك خويه اني رايح اسالهه واجي
طلع ابو ساره
كتله يابه غير تكلي قبل لتحجي
ليش انته مو رايدهه
اي بس مو اليوم
لا اليوم احسن وكت
ليش عود
لازم بعدك عزيز ههههههههههه ميكدرون يرفظونك
والله يابه عليك سوالف
ههههههههههه ولك هسه احسن والله وهسه تشوف ميرفظونك وعود من نرجع نجيب مشيه ونجي
ها يلله بيهه الخير
بيت ابو ساره
ام ساره
ها عيني
تعاي احاجيج هاذا ابو عبود طلب ايد ساره العبود
لا بربك هسه اي و منتظرين مني جواب
اي كلهه موافق يمعود البت تركص من الصبح لسه
ههههههههههه لا عيني روحي ساليهه وتعالي
يلاه هيه ولو اني متاكده من جوابهه
ام ساره رحت الساره لكيتهه كاعده تقره هلو ساره
هلو ماما فوتي
ماما اني جايه اسالج سوال
اي ماما اسالي
انتي تحبي العبود
سديت الكتاب وكتلهه ليش هل سؤال
لان عبود تقدملك
شون عبود خطبني
اي
هسه
اي هسه
ههههههههههه مو كال من يرجع للبصره
ها يعني متفقين
ههههههههههه بصراحه اي
يعني باي انتي متاكده من اختيارج
اي ماما والله متاكده ميه بلميه
زين لعد راح اكل البابا
ماما
ها بنيتي
الله لا يحرمني منكم
ولا يحرمنه منج بست راسهه وطلعت
لكيت ابو ساره كاعد بلهول
كال ها بشري
ههههههههههه همه متفقين بعد ههههههههههه
خوش لعد بيهه الخير والله هلعبود هاذا اني حبيتهه
اني هم انشالله يطلع عد حسن ظنه
يارب
يلله اني اروح الناس تنتظر
رجعت للبراني
ها ابو ساره بشر
والله ما ادري شكلكم
ليش ابو ساره خير
ما ادري بس ساره
عبود شبيهه ساره موافقة
ابو عبود ابو ساره تره مابيهه مستحه هاي اذا رفظت البنيه هاذا حقهه
ههههههههههه لا يمعودين ليش ترفظ اكو احسن من عبود
ههههههههههه وكعت كلوبنه يابو ساره
سلامت كلبك ابو عبود البنيه بتكم كبعو وخذو
بس اني عندي رجاء مو طلب
انته تامر ابو ساره
مايامر عليك ظالم
انتم تعرفون ساره هلوحيده عدنه واني ومهه مالنه غيرهه يعني اذا تزوجت ماعدنه واحد يعمله علينه البيت ونتو ما شاء الله عائلتكم جبيره بي اطلب منكم طلب وره العرس تجون تكعدون ويانه بيتنه هلتشوفونه جبير ومن تروح ساره يفرغ علينه
هنا اني ظليت اباوع ابويه وبويه يباوعلي
لحد ما جاوب ابويه
