عبود جوله
صباح الخير يمه
دارت وجهه باوعت وردت تشتغل عرفت بيهه بعدهه زعلانه اجيت يمهه حظنتهه وبست راسه وكتلهه يمه اروحلج فدوه لتزعلين مني ستوني طلعت من الموت
اسم الله عليك
لعد ليش زعلانه
اني ما زعلانه بس ظايجه
مني ظايجه
اي منك ومن ابوك هم
فدوه اروحلج يمه والله هسه اخرب كل خطبه ولا اي بنيه تستاهل اظوجج عل مودهه شوفي كلبي وعلي انتي متربعه بيه تربع وماكو وحده تاخذ مكانج
اي صدك باجر تاخذك هاي سفيره وتنساني
ههههههههههه تخسه سفيره تاخذني منج انتي عشقي
ههههههههههه الله يسعدك يمه
اي رحملله عل هلج ادعيلي خلي الدنيه تظحكلي
االهم بجاه محمد وال محمد يحفظك ويرحمك ويسهل امرك
الله يخليج حبيبه
اكلك هيه حلوه
منيه
سفيره
ههههههههههه مو احله منج
ههههههههههه صدكتك عود
شبكتهه حيل وبستهه براسه وطلعت للمحل ظليت اشتغل للظهر كعدت ويه الز
ولد سولفتلهم عل عرسي ونتقالي
اكيد ظاجو بس فرحولي لليل رجعت للبيت كلي ابويه عبود باجر نروح لبو ساره اليوم مريت عل عمامك وخبرتهم باجر نروح للعماره
زين يابه خابرت عليه بلغته
اي خابرته وهوه هم كال باجر يحظر عمامه
خوش بويه الله يخليك النه
الله يسعدك وليدي
ثاني يوم رحنه للعماره وخذنه ويانه اكثر من عشر سيارات عمامي جانو هواي وكملنه الخطبه وتفقنه كم يوم ويجن النسوان فعلا كم يوم راحن امي وخواتي وعماتي وبناتهن من وره الظهر رجعن بليل وراهه تفقنه عل ملجه والعقد فد اسبوع وبيوم العقد رحنه اربع سيارات دخلنه للبيت اجه السيد صاحولي للبيت كالو حته يعقد كعدت بلصاله حجه السيد وياي كلي تقبل بساره بنت يوسف زوجه الك
كتله نعم وسمع الهلاهل كبت بلبيت
وراهه راح الساره وهم سالهه هل تقبلين ياساره ب عبد الرحمن ابن سلام زوجا لكي ردة نعم وانته وكيلي كامت النسوان تهلهل وسمع صوت امي تهلهل وتظحك وتكفل وتكول هاي الرادهه وهاي التمناهه اي يمه والله هاي الردتهه كول العرفتهن شكل وساره شكل ثاني خلصنه العقد والناس فظت كالو ادخل عل مرتك سلم عليهه احس رجليه رخن كالي اخويه ها ولك شو بنجرت ظحكت كتله والله ما ادري عبالك داخل حرب هههههه
يلله خويه بعد الحرب كدام
ههههههههههه
طبيت للصاله تلكتني امي وخواتي بست امي براسهه وبوست خواتي وبست راس عمتي ورحت باوعت ساره ماكو اشرت لختي كتله شو ماكو وين ظحكت
ههههههههههه هاي عيني هنا بلغرفه تنتظرك
ههههههههههه عبالي نهزمت
ههههههههههه لايمه تنهزم من رجلهه
ههههههههههه عبالي والله
فتت للغرفه لكيت ساره كاعده عل كرويته ولابسه ثوب ابيظ عل جسم وشعرهه فاتحته ومخليه مكياج خفيف طالعه مثل الاميرات ولابسه تاج عل راسهه وكفت بلباب احس واحد دفعني وسد الباب واسمع الظحك وره الباب درت وجهي عل ساره ظحكت كتلهه هاي اكيد سوالف اميره هههه متجوز من سوالفهه
ظحكة ودنكت
دنيت يمهه كعدت عل ركبي وشلت راسهه خليت عيوني بعيونهه فرحانه
هزت راسه اي
مو بكد فرحتي شوخلي اشوف عيونج
رفعت راسه
الله شلون عيون يخبلن كومي شويه لزمت ايدهه وكومتهه فريتهه شويه وحظنتهه حطيت راسهه عل صدري وتنهدت حيل
ساره صار راسي عل صدره حسيت كلبي كام يدك الف دكه بلساعه كتله عبود
عيون عبود احبك
اويلي يابه شتعلو اهلي شو عيديهه
احبك اموت عليك
اوف شو تعاي خلي اشبع منج ظلينه بلغرفه لحد ما صبو عشه صاحولنه نتعشه
يلله حبي خلي نطلع سوه
لا عبود روح انته واني تبدل وجيك
يلاه خوش كرست خدوده وطلعت
ساره من طلع عبود ظليت اكمز من الفرح ممصدكه بعدين بدلت ملابسي لبيت كلبيه سماكي علجسم وحكيت سال عل راسي وطلعت لكيتهن كاعدين يتعشون كعدت يم ماما كالت ام عبود تعاي يمه كعدي يم رجلج باوعت الماما ظحكت كالت اي يمه كومي يم رجلج
عبود تعاي عيني تره ما اكل بشر اني
ههههههههههه كعدت يم عبود وحسين العيون كلهه عليه حته ما تعشيت
وره العشه كعدو الزلم بلبراني وحنه كعدنه بلصاله نسولف حبيت جمعتهم وسوالفهم وظحكهم حسيت اشكد محتاجه هيج لمه كعدت ويه البنات ظلينه نسولف ونظحك بلعشره بليل بعدين كالت البنات نعسنه اخذتهن الغرفة الظيوف وامن واني طلعت ويه ماما نفرش الزلم بعدين ظلينه اني وماما نسولف لحد الساعه بل وحده بليل راحت ماما نامت واني طبيت الغرفتي بدلت دشداشه كيموني ورديه وعليهه روب وردي ردت انام مكدرت ظليت اتذكر عبود وظحكه وحظنه مكدرت انام طلعت للحديقه كعدت علمرجوحه وظليت ادندن ويه روحي
شويه حسيت واحد وراي ويظحك باوعت لكيته عبود
ههههههههههه هلو حبي
هلو عبود
شمطلعج هسه
مجاني نوم
ها لو منتظرتني
ههههههههههه عابت ونته شنو ونتظرك
صدك يعني اني ما تستاهل تنتظريني
زين لعد
كمزت من المرجوحه ولزمت ايده وكتله تستاهل روحي مو بس وقتي
يمه فديته حبيبتي
تعال اكعد وياي
كعدت علمرجوحه وظلينه نسولف حطيت ايدي عليهه وحاوطتهه وسحبته عل صدري كتلهه اوف ساره شوكت نتجمع بغرفه وحده
ماظل شي
وسمعته
احم احم هاي شكو هنا انتو شعدكم لسه كاعدين
فزينه ثنينهم ولتفتنه عليه
