رجل شرقي (سلسلة عادات وتقاليد )

الفصل الثاني

#عادات_وتقاليد
#رجل_شرقي_رفيف_كرم
#الجزء_الخامس_السادس_السابع_التامن
فتحت عيوني أحداث ليلة امبارح عم تنعاد براسي
رجعت صرت ابكي ع ساكت مشان ما تسمعني امي
لاني ضليت كل ليل عم ابكي وامي تحاول تعرف شو سبب بكاي بهل طريقة. .
سكرت عيونوا ومسحت دموعي اول ماسمعت صوت باب الغرفة عم ينفتح
صارت تمسح ع شعراتي حسيت قرتلي سوي أدعية ونفخت علي..
(الله يهدي بالك يابنتي )

سكرت باب وطلعت بعدها فتحت عيون وصفنت شوي بالسقف بعد فترة وقفت ورحت بسرعة ع الحمام بعد الحمام وقفت قدام مراية وصرت طلع على حالي عيون منفخة وسواد تحت عيوني مكسروا وضعيفة
مسحت دموعي ومسكت مقص وصرت قص شعراتي صحيح بكيت بس كانت بداية لصير أقوى من قبل

امي عملتلي بهدلة لاني قصيت شعراتي بس بعد ماشافتني ماحكيت معهانست موضوع صارت وحيدة ومنعزلة عن الكل
نشاطي خف وطلعتي خفت معهن كمان
اجت بسمة اكتر من مرة لحتى تحاول تخليني اطلع من العزلة اللي انا فيها بس مازبطت معها
وامي كمان ياست لتعرف ليش هيك تغيرتتحججت انو زعلاني كتير لاني بدي روح واتركهم

...................
كان ابي عم يحط شناتي بالسيارة وانا عم ودع اخواتي الصغار وبوس فيهن
قربت لعند امي اللي شايلة اخي الصغير بحضنها وهي عم تبكي ..
(ادعيلي امي وحقق اللي في بالي ولاعاد تبكي ودير بالك ع حالك واخي الصغير بطل..)

(الله يحميكي يابنتي ويبعد عنك ولاد الحرام وتحقق احلامك وتصير اكبر دكتورة وارفع راسي فيكي ...)

ركبت حد ابي وودعت اهلي لاختفوا عن عيني..
حطيت راسي ع ازاز السيارة وصرت اطلع بالضيعة وشجرة زيتون لحتى لمحت عاصم واقف بينهم ضحك ضحكة حقيرة ومستفزي قرفت من منظروا ولفيت وجهي لجهة تاني
................
وصلنا المدينة كنت مبسوطة كتير كان مكان مختلف عن ضيعة مايتشبها بشي كان فيها بنايات كتير وبيوت حد بعض كان كل فيها مختلفة حتى ناسها والبنات لبسهن غير وعندهم حربة اكتر منا مو مقيدات بشي..

وقف ابي عند بناية خالتي ونزل الغراض وساعدتوا بنقلهم
استقبلتني خالتي بالبوس وصارت تأهل وتسهل فبنا
ماخلو ابي يروح ليتغدا بعد ماودعتوا مباشرة فتت ع الغرفة اللي عطتني اياها خالتي..

كنت منعزلة كتير عن حسام وخالتي كنت فيق ساعدها بشغل البيت وجلي الغراض وارجع ع الغرفة
سالتني ليش مابخطلت فيهم قلتها اني بخجل وماني متعودة حاولت اكسر الحاجز اللي صار بيبني وبين حسام اللي كان سببوا عاصم لانو عقدني من جنس ادم..
بلشت دراسة وبلش التعب واثبات النفس كل شي صعب كنت روح لعند حسام
وانا حاطة فى بالي حقق اللي بدي اياه
...............................
بعد مرور عدة سنوات
...............
ماكنت مصدقة اني صرت بالجامعة وحقفت اللي بدي اياه وفتت فرع الطب..
كانت مخلصة سنة وانتقلت سنة تاني
كانت عطلة قررت اقضيها بالضيعة
حكيت مع ابي بس للاسف كان عندوا شغل كتير ماقدر يجي وباخدني
اتفقت مع حسام يوصلني..
كنت عم العب بالهاتف لنوصل فجاة سمعت صوت طقا وصارت سيارة تبطئ بحركتها