جاد: فكرت فاننا نختنو جود عاد نخرجو من الكلينيك
انا: اويلي😨😨 لا راه مزال صغير
جاد: متخافيش من الاحسن دبا ماحدو صغير والجرح غادي يبرالو بالزربة
انا: لا عفاك
جاد: (شد وجهي بين يديه) حبيبتي تيقي فيا واش انا نبغي الضرر لولدي... انمشي دبا نهضر مع الطبيب وغدا gاع نختنوه
انا: (تنهدت) لي بانليك
جاد: هانا راجع... مشا جاد وانا هزيت ولدي كنبوس فيه ونلعب معاه حتى جا جاد
جاد: صافي غدا غادي يتختن
انا: واخة🙁
جاد: كلشي غيدوز مزيان
انا: نتمنى... بقينا مجمعين وجات العائلة كلشي ساند قرار جاد الا انا لي خايفة وكل مرة نطل عليه خايفة توقعلو شي حاجة... نعست وانا كندعي يدوز هادشي بخير...... صبح الصباح عاوني جاد دخلت للطواليط وبدلت جات الفرملية جايبة الفطور فطرت ورضعت ولدي.. شوية جات الفرملية دات جود
انا: جاد ديني معاك
جاد: نتي مزال مريضة غير رتاحي
انا: عفااك
جاد: وصافي هضرنا معاك رتاحي دبا
انا: 😢😢😢... خرج جاد وانا جلست كنبكي شوية دخل وجار الكرسي
جاد: زيدي الموصيبة لي بلاني بيها الله
انا: 😍😍😍 عارفاك متقدرش تخليني
جاد: (هزني حطني فالكرسي) عندك التقة فالنفس زايدة
انا: ههههه.... شوية غوبشت... فين ولدي
جاد: راه كيختنوه متخافيش هانا قدامك واش وقعاتلي شي حاجة.. ونزيد عليها بلي راني راااجل ونص
انا: مااسخ شوف انا فين ونتا فين
جاد: هههههه حشومية... بقيت جالسة كنتسنا ولدي وكنقرا فالدعاء حتى خرج الطبيب
جاد: كيبقا ولدي
الطبيب: مزياان الحمد لله كلشي بخير راه شوية غادي تجيبو الفرملية للبيت وتشرحليكم كيديرو تعاملو معاه
جاد: واخة شكرا... شتي احبيبتي هاحنا تهنينا
انا: الحمد لله... رجعنا للبيت جلست فبلاصتي وهي تجي الفرملية هازاه كان كيبكي جات حدايا وحطاتو وبدات كتوريني كيندير نبدلو ونهزو والدوا كيفاش نديرولو وجاد متبع معاها
الفرملية: فهمتي اختي
انا: اه شكرا
الفرملية: ياله بدليلو قدامي نشوف.... بديت كنقادلو وانا خايفة نقصحو حتى كملت... صافي مزياان يتربا فعزكم ان شاء الله
انا: شكرا اختي... دور معاها جاد ومشات
جاد: اوى شفتي هاحنا تهنينا
انا: وي الحمد لله اجي عاوني نوقف باش نحط جود فبلاصتو ونمشي للطواليط
جاد: واخة... جا عاوني وقفت وهزيت حبيبي غير بشوية حطيتو بلاصتو وغطيتو مشيت للطواليط قضيت حاجتي وقاديت شعري درت ريحتي عاد خرجت ملقيتش جاد ومشيت جلست بلاصتي هزيت تليفوني كنخربق فيه دازت نص ساعة وهو يدخل حبيبي هاز ميكات معاه
انا: فين مشيتي
جاد: غير جبت الغدا وجبت لحبيبتي بيتزا
انا: بالفرماج بزاف
جاد: واش مزال كتوحمي
انا: هههههه غير كنضحك معاك ياله اجي ناكلو راه فيا الجوع
جاد: هي لي متعاودش القطيوطة... جاب طبلة وحط الماكلة بدينا كناكلو شوية دخلات ماما وخ. حورية وخ. سعاد وعمتي منى
خ. حورية: اهلا ولادي
جاد: الواليدة سافا
خ. حورية: حمد لله نتوما كتغداو وحنا جبنا الغذا لمور
جاد: غير نور وانا لا
انا: هههه مغيار شنو جبتو
ماما: الرفيسة
انا: 😍😍😍😍 عطيوهالي دباا... بعدت البيتزا وحطيت قدامي طبسيل الرفيسة
جاد: صدمتيني نتي مابغيتيش البيتزا
انا: هههه ممممم لذييذة هاك دوق وشوف... وكلتو غير بيدي
جاد: بالصح لذيذة ياله وكليني
انا: اويلي حشم🙈
خ. حورية: هههه خودو راحتكم هاحنا غانجلسو برا حتى تكملو
انا: لا اخالتي غير بقاو
جاد: واخة اماما نساليو ونعيطوليكم
الكل: ههههههه.... مشاو خرجو وانا نشوف فيه
انا: مكتحشمش
جاد: هاء نتي مراتي هوما لي خاصهوم يحشمو ويخرجو ياله وكليني دبا.... بديت كناكل ونوكلو حتى شبعت وعاوني نضت غسلت يدي وحكيت سناني رجعت بلاصتي
انا: ياله سير عيطليهوم
جاد: بلاتي ناخد بوستي.... باسني عاد خرج عندهم بقيت كنضحك بوحدي.......يتبع
