انا: (سلمت على جيهان بالوجه) سافا
جيهان: حمد الله ونتي
انا: بيخير.. متعرفيناش
جيهان: هادي سناء خدامة معايا
انا: اهلا باينة جديدة معمري شفتها
سناء: (مفقوصة) وي علاش نتي كتجي للمركز
انا: وي راجلي خدام تما دونك عادي نمشي عندو مرة مرة.. كتعرفي الرجال كيعجبهم المفاجآت
سناء: (بابتسامة صفرة) وي بالصح... جاد حبس الضحكة وعرفها محاملاش سناء
جيهان: ياله نخليوكم بالصحة غداكم
سناء: نجلسو معاكم
انا: وي مرحبا تفضلو... جلسو وشفت فجاد لقيتو مخنزر.. جا السرباي حطلينا الماكلة وخدا طلباتهم
جاد: حياتي عطيني جود باش تاكلي على خاطرك
انا: (عطيتو جود) شكرا حبيبي... شد جود بيد واليد الاخرى شد يدي
جاد: انا راجلك المسطية متبقايش تقوليلي شكرا
انا:(عجبني الحال بحال الى فهمني اش بغيت ندير) اوكي حبيبي
سناء: (قربات طرطق) كيدرتو تعرفتو على بعضياتكم
انا: حنا ولاد العم
جاد: (شاد يدي) حب الطفولة
جيهان: ااه عاد تفكرت اجاد فاش عاودتيلي على وحدة كتبغيها منين كنتي صغير دونك هي نور
جاد: ويي هي هادي
جيهان: فخبارك انور انا مستغربة فاش عاودلي بلي كيبغيك بلا مايشوفك شي حاجة فشكل والله مي تستاهلي هاد الحب
سناء: ياك هما ولاد العم كيفاش مشافوش بعضياتهم
جيهان: نور كانت فامريكا وهادي تقريبا 3سنين دبا باش نزلات للمغرب وجاد كان كيشوف غير تصاورها وبغاها
انا: انا محظووظة بزاف
جاد: انا لي محظوظ.. باس يدي..... كليت وجاني واحد الهبال كملت طبسيلي كاامل وبقيت كنشوف فديال جاد
جاد: (باستغراب) ماالك
انا: ممم دوقني
جاد: هههه هاكي شدي... وكلني حتى شبعت
انا: انا غنمشي للحمام
جاد: اوكي... هزيت صاكي ونضت..دخلت للحمام غسلت يدي وفمي مسحتهوم... وهزيت عاودت عكاري وهي دخل سناء بديت كنضحك حيت كنت متأكدة غادي تبعني
سناء: (كتهبط وطلع فيها) سلام
انا: وعليكم السلام
سناء: فخبارك انا ضابطة
انا: وي قالتهالي جيهان قبيلة
سناء: ممم فخبارك نقدر نحبسك
انا: (باستغراب) علاش
سناء: اي سبب مكيهمش المهم ندخلك للحبس
انا: وعلاش
سناء: انا كيعجبني راجلك
انا: واش حماقيتي اش هاد الهضرة كتقولي
سناء: من الاحسن تبعدي عليه... خرجات وخلاتني معصبة وحالفة حتى نوريها الضابطة كيدايرة
توقعاااااتكم
